ഷെവര്‍ലെ സെയ്ല്‍ യുവയ്ക്കും പരിമിത പതിപ്പ്

ഷെവര്‍ലെ സെയ്ല്‍ യുവ ഹാച്ച്ബാക്കിന്റെ പരിമിത പതിപ്പ് പുറത്തിറങ്ങി. സെയ്ല്‍ സെഡാനിന്റെ ഹാച്ച്ചബാക്ക് മോഡലാണ് യുവ. ഇന്ത്യന്‍ വിപണിയിലിറങ്ങിയതിനു ശേഷം ഇന്നുവരെ കാര്യമായ ചലനങ്ങളൊന്നും ഈ വാഹനത്തിനുണ്ടാക്കാന്‍ സാധിച്ചിട്ടില്ലെങ്കിലും ഷെവര്‍ലെ ആത്മവിശ്വാസത്തില്‍ തന്നെയാണ്.

സാമ്പത്തികവര്‍ഷാവസാനത്തിലെ വില്‍പനയെ ഉദ്ദേശിച്ചാണ് യുവയില്‍ പുതിയ സവിശേഷതകള്‍ കൂട്ടിച്ചേര്‍ക്കുന്നതെന്നൂഹിക്കാം.

സെയ്ല്‍ സെഡാന്‍ പതിപ്പിന് ലഭിച്ചിട്ടുള്ളതിന് സമാനമായ അധിക സവിശേഷതകള്‍ തന്നെയാണ് ഈ വാഹനത്തിലും ഘടിപ്പിച്ചിരിക്കുന്നത്. റൂഫില്‍ റെയിലുകള്‍ ഘടിപ്പിച്ചിരിക്കുന്നത് സെഡാനില്‍ കാണില്ല. സെഡാന്‍ പതിപ്പില്‍ നല്‍കിയിട്ടുള്ള റിവേഴ്‌സ് പാര്‍ക്കിംഗ് സെന്‍സര്‍ ഈ യുവ ഹാച്ച്ബാക്കിലില്ലെന്നതും ശ്രദ്ധിക്കണം.

ലിമിറ്റഡ് എഡിഷന്‍ യുവയിലെ സവിശേഷതകള്‍

• ലിമിറ്റഡ് എഡിഷന്‍ ബോഡ് ഡികാലുകള്‍
• ലിമിറ്റഡ് എഡിഷന്‍ ബാഡ്ജ് ബൂട്ട്‌ലിഡില്‍
• ലിമിറ്റഡ് എഡിഷന്‍ സീറ്റ് കവറുകള്‍
• സെയ്ല്‍ ബാഡ്‌ജോടുകൂടിയ സില്‍ പ്ലേറ്റുകള്‍
• ഡക്ക് ലിഡില്‍ ക്രോമിയം പൂശിയിരിക്കുന്നു.
• റൂഫ് റെയിലുകള്‍
• ടേണ്‍ ഇന്‍ഡിക്കേറ്റര്‍ ഘടിപ്പിച്ച റിയര്‍വ്യൂ മിറര്‍
• ലിമിറ്റഡ് എഡിഷന്‍ കുഷന്‍ പില്ലോകള്‍

യുവ ഹാച്ച്ബാക്ക് ലിമിറ്റഡ് എഡിഷന്‍ 28,000ത്തിന്റെ നേട്ടമുണ്ടാക്കും ഉപഭോക്താവിനെന്നാണ് കമ്പനി പറയുന്നത്. 14,300 രൂപയുടെ അധിക ആക്‌സസറികളുണ്ടെന്നും ഷെവര്‍ലെ ചൂണ്ടിക്കാട്ടുന്നു.

സെയ്ല്‍ യുവി ലിമിറ്റഡ് എഡിഷന്‍ പതിപ്പിന്റെ വില തുടങ്ങുന്നത് 4.44 ലക്ഷത്തിലാണ്.