പുതിയ ഹ്യുണ്ടയ് ഗ്രാന്റ് ഐ10 ഉടൻ അവതരിക്കുന്നു!!!

യുകെയിലായിരുന്നു ഗ്രാന്റ് ഐ10 ഫേസ്‌ലിഫ്റ്റിന്റെ ആദ്യ പ്രദർശനം നടത്തിയിരുന്നത്. ഇതിനിടെ ഇന്ത്യൻ റോഡിലുള്ള പരീക്ഷണയോട്ടവും നടത്തപ്പെട്ടിരുന്നു.

ഹ്യുണ്ടായ് ഗ്രാന്റ് ഐ10-ൽ ഉൾപ്പെടുത്തിയിട്ടുള്ള പുതുമയേറിയ എക്സ്റ്റീരിയർ, ഇന്റീരിയർ ഫീച്ചറുകൾ ഏതൊക്കെയെന്ന് നോക്കാം.

യുകെയിൽ അവതരിപ്പിച്ചിട്ടുള്ള മോഡലിന് സമാനമായ ഫീച്ചറുകളാണ് ഈ പുതിയ ഐ10ൽ കാണാൻ സാധിക്കുന്നത്.

ഹെക്സാഗണൽ ഗ്രിൽ, ഇരുവശങ്ങളിലുമായി ഘടിപ്പിച്ചിട്ടുള്ള വൃത്താകൃതിയിലുള്ള ഡെ ടൈം റണ്ണിംഗ് ലാമ്പുകൾ, എന്നിവയ്ക്കൊപ്പം ഇരുവശങ്ങളിലും പുതുക്കി പണിതിട്ടുള്ള ബംബറും പുതിയ ഹെഡ്‌ലാമ്പും ഫോഗ് ലാമ്പും നൽകിയിട്ടുണ്ട്.

ഡയമണ്ട് കട്ട് അലോയ് വീലുകൾ, മികവുറ്റ സുരക്ഷാ ക്രമീകരണങ്ങൾ, കണക്റ്റിവിറ്റി ഫീച്ചറുകൾ എന്നിവ ഉൾപ്പെടുത്തിക്കൊണ്ട് ബ്ലാക്ക്, ബ്ലൂ, മെറൂൺ കളർ സ്കീമിലാണ് വിപണിയിലെത്തിക്കുന്നത്.

1.2 ലിറ്റർ കപ്പ പെട്രോൾ എൻജിനും 1.1ലിറ്റർ ത്രീ സിലിണ്ടർ യു2 വിജിടി എൻജിനുമാണ് പുതിയ ഗ്രാന്റ് ഐ 10 ന് കരുത്തേകുന്നത്.

ഹ്യുണ്ടായ് പുതിയ ഗ്രാന്റ് ഐ10നെ വിപണിയിലെത്തിച്ചു കഴിഞ്ഞാൽ എൻട്രിലെവൽ ഫോഡ് ഫിഗോ, ഷവർലെ ബീറ്റ്, ടാറ്റ ടിയാഗോ എന്നീ വാഹനങ്ങളുമായിട്ടായിരിക്കും ഏറ്റുമുട്ടേണ്ടതായി വരിക.

വിറ്റാര ബ്രെസയ്ക്ക് കടുത്ത എതിരാളിയായി ടാറ്റയുടെ ചെറു എസ്‌യുവി

സ്പോർട്സ് കാർ പ്രേമികളെ ഹരംകൊള്ളിക്കാൻ നിസാൻ ജിടി-ആർ ഇന്ത്യയിൽ