ജീപ് കോംപസ് ഇന്ത്യൻ നിരത്തിലേക്ക്...

ഇതിനകം തന്നെ വിപണിപിടിക്കലിനു മുന്നോടിയായുള്ള ജീപ്പിന്റെ ഇന്ത്യൻ റോഡിലുള്ള പരീക്ഷണയോട്ടവും നടത്തിക്കഴിഞ്ഞിരുന്നു. ജീപ്പിന്റെ ചെറു എസ് യു വിയായ റെനഗേഡിന്റെ പ്ലാറ്റ്ഫോമിലാണ് നിർമാണം നടത്തിയതെങ്കിലും വീൽബെയിസ് കൂടിയ വാഹനമായിരിക്കുമിത്.

ഹ്യുണ്ടായ് ട്യൂസോണിന് വെല്ലുവിളിയായി എത്തിച്ചേരുന്ന ഈ ജീപ്പ് എസ്‌യുവിക്ക് 18 ലക്ഷം മുതൽ 25 ലക്ഷം വരെ വിലയാകാനാണ് സാധ്യത.

170ബിഎച്ച്പിയുള്ള 2 ലിറ്റർ മൾട്ടിജെറ്റ് II ഡീസൽ എൻജിനായിരിക്കും ഈ എസ്‌യുവിക്ക് കരുത്തേകുക. 6 സ്പീഡ് മാനുവൽ അല്ലെങ്കിൽ 9 സ്പീഡ് ഓട്ടോമാറ്റിക് ട്രാൻസ്മിഷനായിരിക്കും ഉൾപ്പെടുത്തുക.

1.4ലിറ്റർ മൾട്ടിയർ പെട്രോൾ എൻജിനും ഉൾപ്പെടാനുള്ള സാധ്യതയുണ്ട്. സ്പോർട്, ലോങിറ്റ്യൂഡ്, ലിമിറ്റഡ് എന്നീ മൂന്ന് വേരിയന്റുകളിലായിരിക്കും ജീപ്പ് കോംപസ് ലഭ്യമാവുക.

പിന്നീട് ഇതിന്റെ ഓഫ്റോഡ് വേരിയന്റിനെ കൂടി അവതരിപ്പിക്കുന്നതായിരിക്കും എന്നാണ് കമ്പനി നൽകിയിട്ടുള്ള സൂചന.

ടൂ-വീൽ, ഫോർ വീൽ ഡ്രൈവ് ഓപ്ഷനിലും ഈ വാഹനം ലഭ്യമാക്കുന്നതായിരിക്കും. മാത്രമല്ല ഓരോ ഭൂപ്രകൃതിക്കനുസരിച്ച് തിരഞ്ഞെടുക്കാനുള്ള ഡ്രൈവിംഗ് മോഡും ഇതിലുൾപ്പെടുന്നതായിരിക്കും.