Just In
- 12 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 13 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 14 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 14 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- Sports IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ്
- Movies 'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി
- News 17 സംസ്ഥാനങ്ങൾ, 4 കേന്ദ്രഭരണ പ്രദേശങ്ങൾ, 102 സീറ്റുകൾ; ഒന്നാംഘട്ട പോളിങ് തുടങ്ങി, പ്രതീക്ഷയോടെ മുന്നണികൾ
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ഷെവര്ലെ കാറുകള് ഇന്ത്യയില് വില്പന നിര്ത്തുന്നു — യുഗാന്ത്യം!
പാസഞ്ചര് കാര് വില്പനയില് ഒരു ശതമാനത്തില് താഴെ മാത്രമാണ് ജനറല് മോട്ടോര്സിന്റെ വിപണി വിഹിതം.
അമേരിക്കന് വാഹനനിര്മ്മാതാക്കളായ ജനറല് മോട്ടോര്സ് ഇന്ത്യന് വിപണിയില് നിന്നും പിന്മാറുന്നു. ഇന്ത്യന് വിപണിയുമായുള്ള രണ്ട് പതിറ്റാണ്ട് കാലത്തെ ബന്ധം 2017 ഡിസംബറോടെ ജനറല് മോട്ടോര്സ് അവസാനിപ്പിക്കും.
ജനറല് മോട്ടോര്സിന്റെ പിന്മാറ്റം പ്രധാനമന്ത്രിയുടെ മെയ്ക്ക് ഇന് ഇന്ത്യ പദ്ധതിയ്ക്ക് വന്തിരിച്ചടി നല്കിയിരിക്കുകയാണ്. മെയ്ക്ക് ഇന് ഇന്ത്യ പദ്ധതിയുടെ ഭാഗമായി ആഭ്യന്തര ഉത്പാദനം നടത്തുന്ന നിര്മ്മാതാക്കളില് ജനറല് മോട്ടോര്സ് മുന്പന്തിയിലായിരുന്നു.
റോയിട്ടേര്സ് റിപ്പോര്ട്ട് പ്രകാരം, ഇന്ത്യയില് ഇനി ഷെവര്ലെ ബ്രാന്ഡിന് കീഴില് ജനറല് മോട്ടോര്സ് കാറുകളുടെ വില്പന നടത്തുകയില്ല. നിലവിലുള്ള ഷെവര്ലെ ഉപഭോക്താക്കള്ക്കുള്ള പിന്തുണ ജനറല് മോട്ടോര്സ് തുടരുമെന്ന് കമ്പനി വ്യക്തമാക്കിയിട്ടുണ്ട്.
പാസഞ്ചര് കാര് വില്പനയില് ഒരു ശതമാനത്തില് താഴെ മാത്രമാണ് ജനറല് മോട്ടോര്സിന്റെ വിപണി വിഹിതം. അതേസമയം, ഇന്ത്യയില് നിന്നും പൂര്ണമായി പിന്മാറാന് ജനറല് മോട്ടോര്സ് ഒരുങ്ങുന്നില്ല.
വിദേശ കയറ്റുമതിക്കുള്ള ഇടത്താവളമായി ഇന്ത്യയെ പരിഗണിക്കാനാണ് ജനറല് മോട്ടോര്സിന്റെ തീരുമാനം. ജനറല് മോട്ടോര്സിന്റെ ബംഗളൂരുവിലുള്ള ടെക്നോളജി കേന്ദ്രത്തിന്റെ പ്രവര്ത്തനം തുടരാനും കമ്പനി തീരുമാനിച്ചിട്ടുണ്ട്.
നിലവില് ഇന്ത്യയില് രണ്ട് ഉത്പാദന കേന്ദ്രങ്ങളാണ് ജനറല് മോട്ടോര്സിനുള്ളത്. ഗുജറാത്തിലുള്ള ഹലോലിലും, മുംബൈയ്ക്ക് സമീപമുള്ള ടാലെഗോണിലുമാണ് ജനറല് മോട്ടോര്സിന്റെ ഉത്പാദന കേന്ദ്രങ്ങള് സ്ഥിതി ചെയ്യുന്നത്.
ഹലോലിലുള്ള അസംബ്ലി യൂണിറ്റിനെ ചൈനീസ് വ്യവസായ സംരഭമായ SIAC ന് വില്ക്കാനുള്ള നടപടികള് ജനറല് മോട്ടോര്സ് സ്വീകരിക്കുമെന്നാണ് സൂചന.
ടാലെഗോണ് കേന്ദ്രത്തെ കയറ്റുമതിയ്ക്കുള്ള ഇടത്താവളമാക്കി മാറ്റാനാണ് ജനറല് മോട്ടോര്സ് ലക്ഷ്യമിടുന്നത്. ഇന്ത്യയിലുള്ള ഉത്പാദന കേന്ദ്രം തങ്ങള് ഉപേക്ഷിക്കില്ലെന്ന് ജനറല് മോട്ടോര്സ് ഇന്റര്നാഷണല് ഓപറേഷന്സ് മേധാവി സ്റ്റീവന് ജേക്കബി പറഞ്ഞു.
2015-16 കാലഘട്ടത്തില്, 70969 വാഹനങ്ങളാണ് ടാലെഗോണിലുള്ള ഉത്പാദന കേന്ദ്രത്തില് നിന്നും ജനറല് മോട്ടോര്സ് കയറ്റുമതി ചെയ്തത്. പ്രതിവര്ഷം 130000 യൂണിറ്റ് ഉത്പാദന ശേഷിയാണ് ടാലെഗോണ് കേന്ദ്രത്തിനുള്ളത്. ഇന്ത്യയ്ക്ക് പുറമെ, ദക്ഷിണാഫ്രിക്കയില് നിന്നും ജനറല് മോട്ടോര്സ് പിന്മാറ്റം പ്രഖ്യാപിച്ചിട്ടുണ്ട്.
ദക്ഷിണാഫ്രിക്കയിലെ ഉത്പാദന കേന്ദ്രങ്ങള് ഇസൂസു മോട്ടോര്സിന് വില്ക്കാനുള്ള തീരുമാനത്തിലാണ് ജനറല് മോട്ടോര്സ്.