ടാറ്റ ഇന്‍ഡിക്കയുമായി കൂട്ടിയിടിച്ച ലംബോര്‍ഗിനി ഉറാക്കാന്‍ — സൂപ്പര്‍ കാറുകള്‍ പുതിയ ഭീഷണിയോ?

Written By:

സൂപ്പര്‍കാറുകള്‍ ഉള്‍പ്പെടുന്ന അപകടങ്ങള്‍ ഇന്ത്യയില്‍ തുടര്‍ക്കഥയാവുകയാണ്. ട്രക്കും, മോട്ടോര്‍സൈക്കിളും എന്ന പോലെ സൂപ്പര്‍കാറുകളും ഇന്ന് ഇന്ത്യന്‍ റോഡുകളില്‍ ഉയര്‍ത്തുന്ന ഭീഷണി അത്ര ചെറുതല്ല.

ബംഗളൂരുവില്‍ ടാറ്റ ഇന്‍ഡിക്കയുമായി കൂട്ടിയിടിച്ച പുതുപുത്തന്‍ ലംബോര്‍ഗിനി ഉറാക്കാനാണ് ശ്രദ്ധ നേടുന്നത്. ടാറ്റ ഇന്‍ഡിക്കയുമായുള്ള കൂട്ടിയിടിയില്‍ ലംബോര്‍ഗിനി ഉറാക്കാന് സാരമായ തകരാറുകള്‍ സംഭവിച്ചതായി അപകട ചിത്രങ്ങള്‍ വ്യക്തമാക്കുന്നു.

അപകടത്തില്‍ ലംബോര്‍ഗിനിയുടെ ഫ്രണ്ട് ബമ്പര്‍ പൂര്‍ണമായും തകര്‍ന്നു. ഫ്രണ്ട് ബമ്പറിന് ഒപ്പം ഉറാക്കാന്റെ അലോയ്ക്കും തകരാര്‍ സംഭവിച്ചതായി ചിത്രങ്ങള്‍ വെളിപ്പെടുത്തുന്നു. 

മുന്‍വശം ചേര്‍ന്നുള്ള കൂട്ടിയിടിയുടെ ആഘാതത്തില്‍ ഉറാക്കാനിലെ എയര്‍ബാഗുകള്‍ പുറത്ത് വന്ന നിലയിലാണ് കാണപ്പെടുന്നത്.

അപകട കാരണമെന്തെന്ന് ഇത് വരെയും വ്യക്തമല്ല. ടാറ്റ ഇന്‍ഡിക്ക ഡ്രൈവറുടെ അശ്രദ്ധയാണോ, ലംബോര്‍ഗിനി ഡ്രൈവറുടെ അശ്രദ്ധയാണോ എന്നത് നോക്കി കാണേണ്ടിയിരിക്കുന്നു.

ഇതാദ്യമായല്ല ഇന്ത്യയില്‍ ലംബോര്‍ഗിനി കാര്‍ അപകടത്തില്‍ പെടുന്നത്. നേരത്തെ, ഗുര്‍ഗോണില്‍ വെച്ചുണ്ടായ അപകടത്തില്‍ ലംബോര്‍ഗിനി മുര്‍സിലാഗൊ പൂര്‍ണമായും തകര്‍ന്നിരുന്നു. 

അതിവേഗതയെ തുടര്‍ന്ന് നിയന്ത്രണം നഷ്ടപ്പെട്ട ലംബോര്‍ഗിനി റോഡില്‍ നിന്നും തെന്നി മാറി മരത്തില്‍ ഇടിച്ച് കയറുകയായിരുന്നു.

അന്ന് ലംബോര്‍ഗിനി വെട്ടി പൊളിച്ചാണ് സാരമായ പരുക്കേറ്റ ഡ്രൈവറെ പുറത്തെടുത്തത്. 

അപകടത്തില്‍ ലംബോര്‍ഗിനിയുടെ പിന്‍ചക്രങ്ങളും പൂര്‍ണമായും തകര്‍ന്നിരുന്നു.

പിന്നാലെ ദില്ലിയില്‍ ഇന്ത്യാ ഗേറ്റിന് സമീപമായും മറ്റൊരു മുര്‍സിലാഗൊയും അപകടത്തില്‍ ഉള്‍പ്പെട്ടിരുന്നു. 

2001 മുതല്‍ 2010 വരെയുള്ള കാലയളവിലാണ് മുര്‍സിലാഗൊയെ ലംബോര്‍ഗിനി ഉത്പാദിപ്പിച്ചിരുന്നത്.

Image Source: TOI

കൂടുതല്‍... #ലംബോർഗിനി
Story first published: Thursday, June 8, 2017, 17:38 [IST]
English summary
Lamborghini Huracan crashes into a Tata Indica. Read in Malayalam.
Please Wait while comments are loading...

Latest Photos