മാരുതി സര്‍വീസ് സെന്ററില്‍ ധോണിയുടെ ലാന്‍ഡ് റോവര്‍; കാരണം ഇത്

Written By:

മുന്‍ ഇന്ത്യന്‍ ക്രിക്കറ്റ് നായകന്‍ മഹേന്ദ്രസിംഗ് ധോണിയുടെ ഗരാജ് അതിപ്രശസ്തമാണ്. മാരുതി മുതല്‍ ഫെരാരി വരെ തിങ്ങിനിറയുന്ന ധോണിയുടെ ഗരാജിലേക്ക് കണ്ണെത്തിക്കാന്‍ പോലും ഓട്ടോപ്രേമികള്‍ കാത്തിരിപ്പുണ്ട്.

ലോകോത്തര കളക്ഷനുള്ള ധോണിയുടെ വാഹനങ്ങളെ സര്‍വീസ് ചെയ്യാന്‍ മാത്രം സംവിധാനങ്ങളുണ്ടോ സ്വന്തം നാടായ റാഞ്ചിയില്‍? മാരുതി സര്‍വീസ് സെന്ററില്‍ നിന്നും പുറത്തിറങ്ങുന്ന ധോണിയുടെ ലാന്‍ഡ് റോവര്‍ ചിത്രങ്ങളാണ് ഇതിനുള്ള ഉത്തരം. 

മാരുതി സര്‍വീസ് സെന്ററില്‍ വെച്ചുള്ള ധോണിയുടെയും ലാന്‍ഡ് റോവറിന്റെയും ചിത്രങ്ങള്‍ ഇപ്പോള്‍ ഇന്റര്‍നെറ്റില്‍ പ്രചരിക്കുകയാണ്.

ഗരാജിലുള്ള ആഢംബര കാറുകളുടെയും സൂപ്പര്‍ബൈക്കുകളുടെയും സര്‍വീസ് പ്രശ്‌നങ്ങള്‍ക്ക് ധോണി കണ്ടെത്തിയ പരിഹാരമാണ് മാരുതി സര്‍വീസ് സെന്റര്‍. 

ടോപ് എന്‍ഡ് ബ്രാന്‍ഡുകള്‍ക്കുള്ള സര്‍വീസ് സെന്ററുകളുടെ അഭാവത്തില്‍ റാഞ്ചിയിലുള്ള മാരുതി സര്‍വീസ് സെന്ററില്‍ നിന്നുമാണ് മോഡലുകളുടെ ചെറുകിട റിപ്പയറിംഗും സര്‍വീസും ധോണി നടത്തുന്നത്.

മാരുതി വര്‍ക്ക്‌ഷോപ്പിനുള്ളില്‍ കാത്ത് കിടക്കുന്ന ധോണിയുടെ ഫ്രീലാന്‍ഡറാണ് ചിത്രങ്ങള്‍ വ്യക്തമാക്കുന്നത്.

തുടക്കകാലം മുതല്‍ക്കെ മാരുതി സര്‍വീസ് സെന്ററുമായി ധോണി പുലര്‍ത്തുന്ന ബന്ധത്തിന്റെ പശ്ചാത്തലത്തിലാണ് ഈ നടപടി. 

സാധാരണ ഗതിയില്‍ അതത് നിര്‍മ്മാതാക്കളില്‍ നിന്നുള്ള മോഡലുകളെ മാത്രമാണ് സര്‍വീസ് സെന്ററുകള്‍ സ്വീകരിക്കുക. മാത്രമല്ല, മിക്ക ഡീലര്‍മാരും മറ്റ് ബ്രാന്‍ഡുകളുടെ മോഡലുകളെ സര്‍വീസ് ചെയ്യുന്നതില്‍ നിന്നും വിമുഖത കാട്ടാറുമുണ്ട്.

എന്തായാലും മുൻ ഇന്ത്യൻ ക്രിക്കറ്റ് നായകൻ മഹേന്ദ്രസിംഗ് ധോണിയുടെ കാര്യത്തില്‍ റാഞ്ചിയിലെ മാരുതി സര്‍വീസ് സെന്റര്‍ പ്രത്യേക പരിഗണനയാണ് നല്‍കുന്നത്. 

മാത്രമല്ല, ലോകോത്തര കാറുകളെയും ബൈക്കുകളെയും സര്‍വീസ് ചെയ്യുന്നതിലുള്ള വൈദഗ്ധ്യം തെളിയിക്കാനുള്ള അവസരം കൂടിയാണ് റാഞ്ചിയിലെ മാരുതി സര്‍വീസ് സെന്ററിലെ ജീവനക്കാര്‍ക്ക് ലഭിക്കുന്നതും.

ആക്‌സിഡന്റല്‍ റീപ്പയറിംഗിനായാണ് ധോണിയുടെ ലാൻഡ് റോവർ ഫ്രീലാന്‍ഡര്‍ മാരുതിയുടെ സര്‍വീസ് സെന്ററില്‍ എത്തിയതെന്ന് റിപ്പോര്‍ട്ടുകള്‍ സൂചിപ്പിക്കുന്നു. 

മാരുതി സര്‍വീസ് സെന്ററില്‍ ധോണിയുടെ ലാൻഡ് റോവർ ഫ്രീലാന്‍ഡറിന് സമീപമായി മാരുതി 800 നെയും സിയാസിനെയും ചിത്രങ്ങള്‍ വ്യക്തമാക്കുന്നുണ്ട്.

ഇതാദ്യമായല്ല, മാരുതി സര്‍വീസ് സെന്ററില്‍ വെച്ച് ധോണിയുടെ കാര്‍ പ്രത്യക്ഷപ്പെടുന്നത്. ഏതാനും മാസങ്ങള്‍ക്ക് മുമ്പ്, മോഡിഫൈ ചെയ്ത ധോണിയുടെ മഹീന്ദ്ര സ്‌കോര്‍പിയോയും ഇതേ വര്‍ക്ക്‌ഷോപ്പില്‍ കാണപ്പെട്ടിരുന്നു. 

മോഡിഫൈ ചെയ്ത ഓപ്പണ്‍ ടോപ് സ്‌കോര്‍പിയോയുടെ ഇന്റീരിയര്‍ ക്ലീനിംഗിനും, ടര്‍ബ്ബോചാര്‍ജറിലെ പ്രശ്‌നങ്ങള്‍ പരിഹരിക്കാനുമാണ് അന്ന് ധോണി എത്തിയിരുന്നത്.

കാറുകളില്‍ മാത്രം ഒതുങ്ങുന്നതല്ല ധോണിയുടെ വാഹനക്കമ്പം. ഹെല്‍ക്കാറ്റും, കവാസാക്കി നിഞ്ച H2 ഉം ഉള്‍പ്പെടുന്ന വലിയ മോട്ടോര്‍സൈക്കിള്‍-സൂപ്പര്‍ബൈക്ക് താരനിരയുമുണ്ട് ധോണിയുടെ ഗരാജില്‍.

കൂടുതല്‍... #ഓട്ടോ കൗതുകം
Story first published: Tuesday, June 6, 2017, 15:24 [IST]
English summary
MS Dhoni’s Land Rover At A Maruti Service Center. Read in Malayalam.
Please Wait while comments are loading...

Latest Photos