ഈ പാലത്തിലൊരു കാറുണ്ട്; കണ്ടെത്തിയാൽ നിങ്ങൾ ഞെട്ടും!

ബ്രിട്ടീഷ് കാർ നിർമാതാക്കളായ ബെന്റലി മോസാന്റെ എക്‌സറ്റന്‍ഡഡ് വീൽബേസ് മോഡലിന്റെ പരസ്യ ചിത്രമാണിത്. പരസ്യത്തിലുള്ള വൈദ്ധഗ്ധ്യം കൊണ്ട് ഈ ചിത്രം കൂടുതൽ ജനശ്രദ്ധ നേടിക്കൊണ്ടിരിക്കുകയാണ്.

അമേരിക്കയിലെ സാൻഫ്രാൻസിസ്കോയെയും കാലിഫോർണിയയിലെ മാരിൻ കൗണ്ടിയേയും തമ്മിൽ ബന്ധിപ്പിക്കുന്ന ഈ പാലത്തിൽ സഞ്ചരിച്ച് കൊണ്ടിരിക്കുന്ന കാറിന്റെ ചിത്രമാണ് ഒളിഞ്ഞിരിക്കുന്നത്.

എന്നാൽ ചിത്രം സൂം ചെയ്ത് നോക്കിയാൽ മാത്രമെ കാർ കാണാൻ പറ്റുകയുള്ളൂ എന്നാണ് ഈ പരസ്യ ചിത്രത്തിന്റെ പ്രത്യേകത.

സൂം ചെയ്തു കഴിഞ്ഞാൽ കാർ സീറ്റിലെ ബെന്റ്‌ലി ലോഗോ വരെ വളരെ വ്യക്തതയോടെ കാണാൻ പറ്റുന്ന തരത്തതിലാണ് പരസ്യം ചിത്രമൊരുക്കിയിരിക്കുന്നത്.

നാസയുടെ സാങ്കേതികവിദ്യ ഉപയോഗപ്പെടുത്തിയാണ് ഈ ചിത്രം പകർത്തിയതെന്നാണ് കമ്പനി അവകാശപ്പെടുന്നത്.

70 പ്രത്യേക ചിത്രങ്ങള്‍ കൂട്ടിച്ചേർത്താണ് വളരെ വ്യത്യസ്തമായ ഈ പരസ്യചിത്രം നിർമ്മിച്ചിരിക്കുന്നതെന്നും കമ്പനി വ്യക്തമാക്കി.

53,000 മെഗാപിക്‌സലുണ്ട് ഈ ചിത്രത്തിന്. ഈ ഫോട്ടോയുടെ പ്രിന്റ് എടുക്കുകയാണെങ്കിൽ അതിന് ഫുട്‌ബോള്‍ മൈതാനത്തതിന്റെ വലിപ്പമുണ്ടാകുമെന്നാണ് പറയപ്പെടുന്നത്.

അന്യഗ്രഹങ്ങളുടെ പനോരമിക് ഫോട്ടോയെടുക്കാനുള്ള സാങ്കേതികതയാണ് ഈ പരസ്യചിത്രത്തിൽ ഉപയോഗപ്പെടുത്തിയിരിക്കുന്നത്.

700 മീറ്റർ ദൂരെനിന്ന് എടുത്ത ചിത്രത്തിന്റെ യഥാർത്ഥ ഭംഗി തിരിച്ചറിയാൻ ചിത്രം സൂം ചെയ്യണമെന്ന് മാത്രം.

കമ്പനിയുടെ വെബ്സൈറ്റിലുള്ള ചിത്രം ഡൗൺലൗഡ് ചെയ്യണമെങ്കിൽ മണിക്കൂറുകൾ ചിലവഴിക്കേണ്ടിവരും.

ഒറ്റനോട്ടത്തിൽ കാണാൻ സാധിക്കുന്നത് ഗോൾഡൻ ഗേറ്റ് പാലമാണ് എന്നാൽ സൂം ചെയ്യുമ്പോൾ ഓടിക്കൊണ്ടിരിക്കുന്ന ബെന്റലി മോസാന്റെ മുൻസീറ്റിലുള്ള ലോഗോ വരെ വ്യക്തമായി കാണാൻ കഴിയും.

ലോക പ്രശസ്ത ഫോട്ടോഗ്രാഫർ സൈമൺ സ്റ്റോക്കിനാണ് ഈ ചിത്രത്തിനുള്ള കടപ്പാടുള്ളത്.

ചിത്രം കാണാൻ ഇവിടെ ക്ലിക്ക് ചെയ്യൂ

ചിത്രം കാണാൻ ഇവിടെ ക്ലിക്ക് ചെയ്യൂ