വിവാഹം വാടകയ്‌ക്കെടുത്ത സ്വര്‍ഗത്തില്‍ നടക്കുന്നു!

By Santheep

Published: Tuesday, September 2, 2014, 10:45 [IST]

വിവാഹം ജീവിതത്തില്‍ ഒരിക്കലേ നടക്കൂ എന്നും അത് സ്വര്‍ഗത്തില്‍ നടക്കുന്നു എന്നുമൊക്കെയാണ് നമുക്കുള്ള ഒരു പൊതു തെറ്റിദ്ധാരണ. ആദ്യത്തേത് പൊളിഞ്ഞ് രണ്ടാമത്തേതിലേക്ക് കടന്നാലും വീട് നരകമായി മാറിയാലും ഈ തെറ്റിദ്ധാരണകളില്‍ നിന്നും ഒരടിപോലും പിന്നാക്കം പോകാന്‍ നാം മെനക്കെടാറില്ല. അവ സമൂഹം അടിച്ചേല്‍പിക്കുന്ന തെറ്റിദ്ധാരണകളാണ്. മിണ്ടാതെ അങ്ങോട്ട് ശരിയായി ധരിച്ചോളണം!

മേല്‍പ്പറഞ്ഞ ധാരണകള്‍ മൂക്കുന്ന ഘട്ടത്തിലാണ് നമ്മള്‍ കല്യാണം കഴിക്കുന്നത്. എന്തോ വലിയ സംഭവമാണെന്ന തോന്നലില്‍ നമ്മളതിനെ വലിയ സംഭവമാക്കി മാറ്റാറുണ്ട്. വിദേശത്തുനിന്ന് ഒട്ടകത്തെ കൊണ്ടുവന്ന് ബിരിയാണി വെക്കുന്നു. ഒരു മാരുതി ആള്‍ട്ടോ വാങ്ങാനുള്ള പണം ചെലവാക്കി റോള്‍സ് റോയ്‌സ് കാര്‍ വാടകയ്‌ക്കെടുക്കുന്നു. പ്രശസ്തരെ പണം കൊടുത്താണെങ്കിലും കൊണ്ടുവന്ന് ഫോട്ടോയ്ക്ക് പോസ് ചെയ്യുന്നു. അത് ഫേസ്ബുക്കിലിട്ട് ലൈക്കും ഷെയറും വാങ്ങുന്നു..... താഴെ ഇത്തരക്കാരുടെ വിവാഹപ്പന്തലുകളില്‍ നിന്നുള്ള കാഴ്ചകള്‍ അടുക്കി വെച്ചിരിക്കുന്നു.