കാറിനകത്തിരുന്ന് ക്ഷമക്കെട്ട വളർത്തുപട്ടി ചെയ്തതെന്ത്?

പുറത്ത് പോയ ഉടമ വരാതായപ്പോൾ കാത്തിരുന്ന് മുഷിഞ്ഞ പട്ടി കാർ ഹോണിൽ കൈയമർത്തി ഹോണടിച്ചു തുടങ്ങി. പൊതുവെ ഹോൺ ശബ്ദം സഹിക്കാൻ ആരേകൊണ്ടും പറ്റില്ല അപ്പോഴാണ് നീട്ടി ഹോൺ അടിച്ചുപിടിച്ചാലുള്ള സ്ഥിതി.

നീണ്ട ഹോൺ ശബ്ദം കേട്ടിട്ടാണ് ആളുകൾ ശ്രദ്ധിക്കാൻ തുടങ്ങിയതു തന്നെ. ഹോൺ ശബ്ദത്തിന്റെ താളത്തിനൊപ്പം പട്ടി ഓരിയിടാൻ തുടങ്ങിയപ്പോഴേക്കും ആളുകൾക്ക് കൂടുതൽ കൗതുകമായി.

അടുത്തുചെന്ന് ആളുകൾ പട്ടിയോട് സംസാരിക്കാൻ തുനിയുന്നുണ്ടെങ്കിലും നിർത്താതെയുള്ള ഹോൺ അടിയും ഓരിയിടലും തുടർന്നു കൊണ്ടേയിരുന്നു.

ഉടമ എത്തുംവരെ പട്ടിയുടെ ഈ പ്രവർത്തി തുടർന്നുക്കൊണ്ടേയിരുന്നു. കണ്ടുനിന്നാളുകൾക്ക് ചിരിയടക്കാൻ കഴിഞ്ഞില്ല. നിരവധിയാളുകളാണ് ഫോട്ടോ എടുക്കാനായി കൂട്ടംകൂടി നിന്നത്.

കാറിനകത്തേക്ക് വായു കടക്കാനായി വിന്റോ അല്പം താഴ്ത്തിയതുകാരണം പട്ടിക്ക് ശ്വസിക്കാനുള്ള ബുദ്ധിമുട്ടുമൊന്നും ഉണ്ടായില്ല.

എന്തുതന്നെയായാലും ഉമയേയും കാത്തുമുഷിഞ്ഞ പട്ടി കാട്ടികൂട്ടിയ വികൃതിത്തരങ്ങൾ ആളുകളെ അല്പനേരമെങ്കിലും രസിപ്പിച്ചുവെന്നതിൽ സംശയമില്ല.

ബസ് ഡ്രൈവറായ ഒരു പാവപ്പെട്ട സൂപ്പർ കാറുടമ

ഹാരിപോർട്ടറിൽ തകർത്തഭിനയിച്ച ബുള്ളറ്റ് 500