ജാഗ്വറിനെ ഗുജറാത്തി കഴുതയെ കെട്ടിവലിപ്പിച്ചു!

ചിത്രങ്ങളിലൂടെ നീങ്ങുക.

രാഹുല്‍ എന്ന ബിസിനസ്സുകാരനാണ് തന്റെ പുതിയ ജാഗ്വര്‍ എക്‌സ്‌ജെ കാറിനെ കഴുതകളെ കെട്ടി വലിച്ചത്. കഴുതകള്‍ നികൃഷ്ടജീവിയാണെന്നാണ് പൊതുവില്‍ ഇന്ത്യാക്കാരുടെ ധാരണ. കഴുതയ്ക്ക് മറ്റു മൃഗങ്ങളെ അപേക്ഷിച്ച് വളരെ ബുദ്ധിക്കുറവുണ്ടെന്നും അവര്‍ ആരോപിക്കുന്നു.

ഒരു കോടി രൂപയോളം വിലയുള്ള തന്റെ കാറിനെക്കാള്‍ എന്തുകൊണ്ടും വിശ്വാസ്യതയുണ്ട് കഴുതകള്‍ക്കെന്ന് രാഹുല്‍ കണ്ടെത്തി. കഴുതകളെ സ്വന്തമാക്കാന്‍ ഇത്രയധികം പണച്ചെലവില്ലെന്നും രാഹുല്‍ ഇപ്പോള്‍ തിരിച്ചറിയുന്നു.

തന്റെ ജാഗ്വര്‍ ഇടയ്ക്കിടെ ബ്രേക് ഡൗണ്‍ ആയെന്ന് രാഹുല്‍ ചൂണ്ടിക്കാട്ടുന്നു. ഡീലര്‍ഷിപ്പില്‍ പോയി ശരിയാക്കിക്കിട്ടിയെങ്കിലും ഇത് വീണ്ടും സംഭവിച്ചതായി അദ്ദേഹം ആരോപിക്കുന്നു.

കാറിന് നിരവധി പ്രശ്‌നങ്ങളുണ്ടെന്നും അതെല്ലാം തനിക്ക് പട്ടികയിലാക്കാന്‍ കഴിയില്ലെന്നും രാഹുല്‍ പറയുന്നു. പ്രശ്‌നങ്ങള്‍ ഡീലര്‍ഷിപ്പില്‍ അവതരിപ്പിച്ചിട്ടുണ്ടെങ്കില്‍ അവ മാധ്യമങ്ങളോട് പറയാന്‍ വേറെ പട്ടിക ആവശ്യമാണോ എന്നൊരു ചോദ്യം അവശേഷിക്കുന്നുണ്ട്.

ജാഗ്വറിന്റെ ലൈറ്റുകള്‍ ഓഫായതാണ് പ്രശ്‌നങ്ങളുടെ തുടക്കമെന്ന് അദ്ദേഹം പറയുന്നു. വാഹനത്തിന്റെ ബംപര്‍ താഴെ വീണുപോയെന്നും രാഹുല്‍ പറയുന്നുണ്ട്.

തന്റെ ബന്ധുക്കള്‍ തന്നെ കളിയാക്കിയെന്നും കഴുതയാണ് ഇതിലും ഭേദമെന്ന് പറഞ്ഞതായും രാഹുല്‍ അറിയിക്കുന്നു. അതെസമയം, ജാഗ്വര്‍ ഈ വിഷയത്തില്‍ പ്രതികരിക്കാന്‍ വിസമ്മതിച്ചു. രാഹുലുമായി തങ്ങള്‍ സംസാരിച്ചു വരികയാണെന്നാണ് അവര്‍ പറഞ്ഞത്.