മംഗലാപുരം ബിസിനസ്സുകാരന്‍ തൊഴിലാളികള്‍ക്ക് നാനോ കാര്‍ സമ്മാനിച്ചു

താളുകളിലൂടെ നീങ്ങുക.

പൂനെ ആസ്ഥാനമായി പ്രവര്‍ത്തിക്കുന്ന ഒരു കമ്പനിയുടെ ഉടമയാണ് വരദരാജ് കമലാക്ഷ് നായക്. 12 ഉദ്യോഗസ്ഥര്‍ക്കാണ് ഇദ്ദേഹം ടാറ്റ നാനോ കാര്‍ സമ്മാനിച്ചത്.

നായകിന്റെ കമ്പനിയുടെ വാര്‍ഷിക വരുമാനം 2 കോടി രൂപയാണ്. സമ്പത്ത് അതുണ്ടാക്കാന്‍ സഹായിച്ചവര്‍ക്കിടയില്‍ വിതരണം ചെയ്യുകയാണ് താന്‍ ചെയ്യുന്നതെന്ന് വരദരാജ് പറയുന്നു.

കൃത്യമായി ടാക്‌സടയ്ക്കുന്നതിന്റെ പേരില്‍ കേന്ദ്ര എക്‌സൈസ് ഡിപ്പാര്‍ട്ട്‌മെന്റിന്റെ അവാര്‍ഡ് വാങ്ങിയ പുള്ളിയാണ് ഇദ്ദേഹം. ബിസിനസ്സ് രംഗത്തെ മികവിനും നിരവധി അംഗീകാരങ്ങള്‍ കിട്ടിയിട്ടുണ്ട് വരദരാജന്.

1974ലെ പൊഖ്‌റാന്‍ അണുബോംബ് പരീക്ഷണത്തെ തുടര്‍ന്ന് അമേരിക്ക ഏര്‍പെടുത്തിയ ഉപരോധത്തെ തുടര്‍ന്ന് പ്രതിരോധ ആയുധ ആവശ്യങ്ങള്‍ക്കുള്ള ചില ഘടകഭാഗങ്ങള്‍ ഇന്ത്യയ്ക്ക് ലഭിക്കാതെയായി. ഇതെത്തുടര്‍ന്നാണ് വരദരാജന്‍ ഈ രംഗത്തേക്ക് ഇറങ്ങുന്നത്.