1000km/l മൈലേജുള്ള കാറോ? അവിശ്വസനീയം

By Praseetha

Updated: Saturday, April 30, 2016, 10:15 [IST]

ഒരു ശരാശരി കാറിന് എത്ര മൈലേജ് നൽകാൻ കഴിയും ഇരുപത്, മുപ്പത്? കൂടിയാലൊരു നാൽപത്. എന്നാൽ ഈ ധാരണയെ തെറ്റിച്ച് കൊണ്ട് കാനഡയിലെ ലവാൽ യൂണിവേഴ്സിറ്റിയിൽ നിന്നുമുള്ള ഒരു സംഘം വിദ്യാർത്ഥികൾ ആയിരത്തോളം മൈലേജ് നൽകാൻ കഴിയുന്ന ഒരു കൺസെപ്റ്റിന് രൂപംനൽകി.

മനുഷ്യനും മൃഗവും ചോർന്നുള്ളൊരു സർഫിംഗ് റെക്കോർഡ്

നിലവിലിതൊരു കോൺസെപ്റ്റ് മോഡലാണ് എന്നാലിത് യാഥാർത്ഥ്യമാകും വരെ കാത്തിരിക്കേണ്ടതായിട്ടുണ്ട്. ഈ മൈലേജ് ചാമ്പ്യനെ എങ്ങനെ സാധ്യമാക്കി എന്നറിയാൻ ചുവടെ ചേർത്ത വിവരങ്ങൾ കാണൂ.

അലെറിയോൻ സുപ്പർമൈലേജ് എന്ന പേരിലറിയപ്പെടുന്ന ഒരു സംഘം വിദ്യാർത്ഥികളാണ് ഈ കാറിന്റെ നിർമ്മാണത്തിന് പിന്നിൽ പ്രവർത്തിച്ചത്.

സിടി 2.0 എന്ന് നാമകരണം ചെയ്തിട്ടുള്ള കോൺസ്പെറ്റ് മോഡൽ അവതരിപ്പിച്ചതിലൂടെയാണ് 1099km/l ഉയർന്ന മൈലേജുള്ള വാഹനം നിർമ്മിച്ചെന്നുള്ള ബഹുമതിക്കിവർ അർഹരായത്.

അമേരിക്കയിൽ നടന്ന പത്താമത് ഷെൽ ഇക്കോ-മാരത്തോണിലാണ് ഈ മൈലേജ് ചാമ്പ്യൻ കാറിനെ ആദ്യമായി പ്രദർശിപ്പിച്ചത്.

ബ്രസീൽ, കാനഡ, ഇക്വാഡോർ, മെക്സികോ, അമേരിക്ക എന്നീ രാജ്യങ്ങളെ പ്രതിനിധീകരിച്ച് മാരത്തോണിൽ പങ്കെടുത്ത 123 ടീമംഗങ്ങളെ പിൻതള്ളി ഈ സംഘം ഒന്നാം സ്ഥാനം കരസ്ഥമാക്കി.