ബ്രൂണൈ സുൽത്താന് കാറുകൾ 7000; ഓരോ മാസവും ഓരോ കാറുകൾ!!

2008ൽ ഫോബ്സ് മാസിക നടത്തിയ കണക്കെടുപ്പു പ്രകാരം സുൽത്താന്റെ ആസ്തി 20 ബില്യൺ ഡോളറാണ്. ഏഴായിരത്തിലധികം കാറുകളും ഇതിലുൾപെടുന്നു. ലോകത്തിലുള്ള മിക്കവാറും ആഡംബരകാറുകൾ ഇദ്ദേഹത്തിന്റെ പക്കലുണ്ടെന്നാണ് കണക്കാക്കപ്പെടുന്നത്.

ഫെരാരികൾ, ലാമ്പോർഗിനികൾ, റോൾസ് റോയ്സുകൾ, മെഴ്സിഡിസ്സുകൾ എന്നിങ്ങനെ ലോകത്തിലെ എല്ലാ പ്രമുഖ കാർനിർമാതാക്കളുടെയും വിവിധ മോഡലുകൾ ഒന്നൊഴിയാതെ വാങ്ങുവെക്കാൻ സുൽത്താൻ ശ്രദ്ധിക്കാറുണ്ട്. നിരവധി കാറുകൾ 24 കാരറ്റ് സ്വർണം പൂശിയവയാണ്.

604 റോൾസ് റോയ്സ് കാറുകൾ ഇദ്ദേഹത്തിന്റെ കളക്ഷനിലുണ്ട്. 574 മെഴ്സിഡിസ് കാറുകളും 452 ഫെരാരികളും ബ്രൂണെയുടെ പക്കലുണ്ട്.

ബ്രൂണെയുടെ പക്കലുള്ള ബെൻലെ കാറുകളുടെ എണ്ണം 382 ആണ്. 209 ബിഎംഡബ്ല്യു കാറുകളാണ് ഇദ്ദേഹത്തിന്റെ പക്കലുള്ളത്. 179 ജാഗ്വറുകളും 134 കോയെനിഗ്സെഗ്ഗ് കാറുകളും ഇദ്ദേഹം സ്വന്തമാക്കി വെച്ചിരിക്കുന്നു.

21 ലാമ്പോർ‌ഗിനികളാണ് ബ്രൂണെ സുൽത്താന്റെ പക്കലുള്ളത്. 11 ആസ്റ്റൺ മാർടിൻ കാറുകളും ഇദ്ദേഹത്തിന്റെ ഉടമസ്ഥതയിലുണ്ട്. 1 എസ്‌എസ്‌സി മോഡലും ബ്രൂണെ സുൽത്താൻ സ്വന്തമാക്കിയിരിക്കുന്നു.

ഇതുവരെ പറഞ്ഞ കണക്കുകൾ പക്ഷെ, ഏറ്റവും പുതിയതല്ല എന്നറിയുക. പുതിയ കണക്ക് ലഭ്യമല്ല. കാറുകളുടെ എണ്ണം ഇനിയും ഗണ്യമായ തോതിൽ കൂടിയിരിക്കാമെന്നാണ് പറയപ്പെടുന്നത്.

റോൾസ് റോയ്സ് കാറിന് സ്വർണം പൂശിയത് ഒരെണ്ണമിരിപ്പുണ്ട് സുൽത്താന്റെ പക്കൽ. ലോകത്തിലെ ഏറ്റവും വിലയേറിയ കാറുകളിലൊന്നാണിത്. ഒരു മെഴ്സിഡിസ് സിഎൽകെ ജിടിആർ മോഡലിനും സ്വർണം പൂശിയിട്ടുണ്ട് സുൽത്താൻ. ബ്രൂണെയിലെ റോഡുകളിൽ ഓടിക്കാനായി ഈ കാറിനെ റൈറ്റ് ഹാൻഡ് ഡ്രൈവാക്കി മാറ്റിയിരിക്കുന്നു. ലോകത്തിൽ ഒരേയൊരു റൈറ്റ് ഹാൻഡ് ഡ്രൈവ് സിഎൽകെ ജിടിആർ മോഡലേയുള്ളൂ.

സുൽത്താനു വേണ്ടി മാത്രം നിർമിക്കപ്പെട്ട ഫെരാരികളും ലാമ്പോർഗിനികളും റോൾസ് റോയ്സുകളുമെല്ലാമുണ്ട്. ഇവയെക്കുറിച്ച് യാതൊന്നും പുറത്തുവിടരുതെന്ന് കാർ കമ്പനികൾക്ക് തീട്ടൂരം വിട്ടിട്ടുണ്ട് സുൽത്താൻ.

ഈ കാറുകളെ പരിചരിക്കുന്നതിനായി ദശലക്ഷക്കണക്കിന് ഡോളർ ചെലവിടുന്നുണ്ട് സുൽത്താൻ ഓരോ മാസവും. വിദഗ്ധരായ നിരവധിയാളുകളെ കാറുകളെ പരിചരിക്കാനായി മാത്രം നിയമിച്ചിരിക്കുന്നു.

വിമാനവും ഹെലിക്കോപ്റ്ററും പറത്തൽ, കാർ റേസിങ് തുടങ്ങിയവയാണ് സുൽത്താന്റെ ഒഴിവുസമയ വിനോദങ്ങൾ.

കൂടുതൽ

മുകേഷ് അംബാനി ഇപ്പോള്‍ മോഡിക്കു സമം!

പുറംവേദന: അണ്ണാ ഹസാരെയുടെ സ്‌കോര്‍പിയോ ലേലം ചെയ്യുന്നു

ജാക്കിചാന്‍ സ്വന്തമാക്കിയ ആഡംബര ജെറ്റ് വിമാനം

ഭാരതത്തിലെ സിനിമാ, ക്രിക്കറ്റ്, രാഷ്ട്രീയ താരങ്ങളും കാറുകളും: ഭാഗം 1