മക്‌ലാറന്‍ എഫ്1 ഓണേഴ്‌സ് മാന്വലിലേക്ക്

കാറിനൊപ്പം ലഭിക്കുന്ന ഓണേഴ്‌സ് മാന്വല്‍ മറിച്ചുനോക്കിയിട്ടില്ലാത്ത കാറുടമകള്‍ ധാരളമായിരിക്കും നമുക്കിടയില്‍. എന്നാല്‍, ചില ഓണേഴ്‌സ് മാന്വലുകളുടെ കാര്യത്തില്‍ സ്ഥിതി വ്യത്യസ്തമാണ്. ഉദാഹരണത്തിന് 300 മോഡലുകള്‍ മാത്രമിറങ്ങുന്ന സൂപ്പര്‍കാറിന്റെ ഓണേഴ്‌സ് മാന്വല്‍. വാങ്ങുന്നയാള്‍ തീര്‍ച്ചയായും ആ പുസ്തകം സൂക്ഷിച്ചുവെക്കും. ഒരുപക്ഷേ, അയാള്‍ പലവട്ടം അത് മറിച്ചുനോക്കിയെന്നുമിരിക്കും.

ഇവിടെ പരിചയപ്പെടുത്തുന്നത് അത്തരമൊരു അപൂര്‍വവാഹനത്തിന്റെ ഓണേഴ്‌സ് മാന്വലാണ്. 1990കളില്‍ പുറത്തിറങ്ങിയ മക്‌ലാറന്‍ എഫ്1 സൂപ്പര്‍കാറിന്റേതാണ് ആ ഓണേഴ്‌സ് മാന്വല്‍. വെറും 106 പതിപ്പുകള്‍ മാത്രമേയുള്ളൂ ഈ പുസ്തകത്തിന്. ഇവയിലെ രേഖാചിത്രങ്ങള്‍ മുഴുവനും വാഹനത്തിന്റെ ഡിസൈനറായ മാര്‍ക്ക് റോബര്‍ട്‌സാണ് വരച്ചത്. മക്‌ലാറന്‍ എഫ്1 ഓണേഴ്‌സ് മാന്വലിലേക്ക് ഒന്നെത്തിനോക്കാന്‍ നമുക്ക് അവതരം ലഭിച്ചിരിക്കുന്നു. വീഡിയോ കാണുക.