ഹോണ്ടയ്ക്ക് 40; ഇന്ത്യയ്ക്ക് സമ്മാനമായി ഗോള്‍ഡ്‌വിങ്

Published: Thursday, November 27, 2014, 18:17 [IST]

ഹോണ്ട ഗോള്‍ഡ്‌വിങ് ടൂറിങ് മോട്ടോര്‍സൈക്കിള്‍ ഇന്ത്യയില്‍ ലോഞ്ച് ചെയ്തു. ഇന്ത്യന്‍ വിപണിയില്‍ പ്രവേശിച്ചതിന്റെ നാല്‍പതാം വാര്‍ഷികം പ്രമാണിച്ചാണ് ഈ മോഡല്‍ വിപണിയിലെത്തിക്കുന്നത്. ലോകത്തിലെ ഏണ്ണം പറഞ്ഞ ടൂറിങ് മോട്ടോര്‍സൈക്കിളുകളിലൊന്നാണ് ഹോണ്ട ഗോള്‍ഡ്‌വിങ്.

ഗോള്‍ഡ്‌വിങ്ങിന്റെ രണ്ട് വേരിയന്റുകളാണ് ഹോണ്ട ഇന്ത്യയില്‍ വില്‍ക്കുക. ഇവയില്‍ ഒരെണ്ണം എയര്‍ബാഗോടു കൂടിയതാണ്. ബൈക്കിനെ അടുത്തറിയാം താഴെ താളുകളില്‍.

ഹോണ്ടയ്ക്ക് 40; ഇന്ത്യയ്ക്ക് സമ്മാനമായി ഗോള്‍ഡ്‌വിങ്

ചിത്രങ്ങളിലൂടെ നീങ്ങുക.

വിലകള്‍ (ദില്ലി എക്‌സ്‌ഷോറൂം വിലകള്‍)

ഹോണ്ട ഗോള്‍ഡ്‌വിങ് (എയര്‍ബോഗുള്ളത്) - 31.50 ലക്ഷം
ഹോണ്ട ഗോള്‍ഡ്‌വിങ് എയര്‍ബാഗില്ലാത്തത് - 28.50 ലക്ഷം

ഹോണ്ട ഗോള്‍ഡ്‌വിങ് സവിശേഷതകള്‍

1832 സിസി ശേഷിയുള്ള 6 സിലിണ്ടര്‍ 4 സ്‌ട്രോക്ക് എന്‍ജിനാണ് ഹോണ്ട ഗോള്‍ഡ്‌വിങ്ങിനുള്ളത്. 118 കുതിരശക്തിയും 167 എന്‍എം ചക്രവീര്യവും ഉല്‍പാദിപ്പിക്കുന്നു ഇവന്‍. ഒരു 5 സ്പീഡ് മാന്വല്‍ ട്രാന്‍സ്മിഷന്‍ വഴിയാണ് ഈ എന്‍ജിന്റെ കരുത്ത് ചക്രങ്ങളിലെത്തുന്നത്. ഈ വാഹനത്തില്‍ ഇലക്ട്രിക് റിവേഴ്‌സ് സൗകര്യവുമുണ്ട് എന്നറിയുക.