കാവസാക്കി സെഡ്250, ഇആര്‍-6 ബൈക്കുകള്‍ ഇന്ത്യയില്‍

ജാപ്പനീസ് മോട്ടോര്‍സൈക്കിള്‍ നിര്‍മാതാവ് കാവസാക്കി രണ്ട് പുതിയ മോട്ടോര്‍സൈക്കിളുകള്‍ വിപണിയിലെത്തിച്ചു. സെഡ്250, എആര്‍-6എന്‍ എന്നീ മോഡലുകളാണിവ.

സെഡ്250 മോഡലിന്റെ വില 2.99 ലക്ഷം രൂപയാണ്. എആര്‍-6എന്‍-ന് വില 4.78 ലക്ഷം രൂപയും. ദില്ലി എക്‌സ്‌ഷോറൂം നിരക്കുകളാണിവ.

ക്വാര്‍ട്ടര്‍ ലിറ്റര്‍ മോട്ടോര്‍സൈക്കിള്‍ സെഗ്മെന്റില്‍ നടക്കുന്ന വന്‍ മത്സരത്തില്‍ പങ്കെടുക്കാനാണ് സെഡ്250 എത്തുന്നത്. നിലവില്‍ ഹോണ്ട സിബിആര്‍250, കെടിഎം ഡ്യൂക്ക് വേരിയന്റുകള്‍ എന്നിവയാണ് ഈ സെഗ്മെന്റിലെ താരങ്ങള്‍.

കാവസാക്കിയുടെ ലിറ്റര്‍ ക്ലാസ് ബൈക്കായ സെഡ്1000-നെ വലിയതോതില്‍ പിന്‍പറ്റുന്നതാണ് സെഡ്250യുടെ ഡിസൈന്‍. സെഡ്800 മോഡലിന്റെ ഡിസൈനില്‍ നിന്നും കടമെടുക്കലുണ്ടായിട്ടുള്ളതായി കാണാം.

250 സിസി ശേഷിയുള്ള ലിക്വിഡ് കൂള്‍ഡ്, പാരലല്‍ ട്വിന്‍ സിലിണ്ടര്‍ എന്‍ജിനാണ് വാഹനത്തില്‍ ഘടിപ്പിച്ചിരിക്കുന്നത്. 11000 ആര്‍പിഎമ്മില്‍ 33 കുതിരശക്തി പകരുന്നു ഈ എന്‍ജിന്‍.

ഒരു വര്‍ണപദ്ധതിയില്‍ (ഗ്രീന്‍) മാത്രമേ സെഡ്250 ലഭിക്കൂ.

നിഞ്ജ 650 മോട്ടോര്‍സൈക്കിളിന്റെ നേക്കഡ് പതിപ്പാണ് ഇആര്‍-6എന്‍ മോഡല്‍. 649 കുതിരശക്തിയുണ്ട് ഈ ബൈക്കിന്റെ ട്വിന്‍ സിലിണ്ടര്‍, ഫോര്‍ സ്‌ട്രോക്ക് ലിക്വിഡ് കൂള്‍ഡ് എന്‍ജിന്. 71 കുതിരശക്തി പകരുന്നു ഇവന്‍. 7000 ആര്‍പിഎമ്മില്‍ 64 എന്‍എം ആണ് ചക്രവീര്യം.

ഇആര്‍-6എന്‍ മോഡലും ഒറ്റ നിറത്തില്‍ (ബ്ലാക്ക്) മാത്രമേ ലഭിക്കൂ.