വെസ്പയുടെ കരുത്തൻ സ്കൂട്ടർ ഇന്ത്യയിലേക്ക്..

ഇതിനകം തന്നെ വെസ്പയുടെ അഞ്ച് മോഡലുകളാണ് ഇന്ത്യയിൽ വില്പനയിലുള്ളത്. ഇന്ത്യയിലെത്തുന്ന ആറാമത്തെ മോഡലായിരിക്കും ഈ കരുത്തേറിയ സ്കൂട്ടർ.

പ്യാജിയോ ഇന്ത്യയിലെത്തിച്ചിട്ടുള്ള സ്‌കൂട്ടറുകളില്‍ ഏറ്റവും കരുത്തേറിയതും വിലയേറിയതുമാണ് ജിടിഎസ് 300.

വെസ്പ സ്‌കൂട്ടറുകളുടെ അതേ ഡിസൈന്‍ ശൈലിയില്‍ തന്നെയാണ് കരുത്തൻ ജിടിഎസ് 300 വരുന്നത്.

അമേരിക്കന്‍ വിപണിയില്‍ നിലവില്‍ വില്‍പനയിലുള്ളതാണ് വെസ്പ ജിടിഎസ് 300 സ്‌കൂട്ടര്‍. യുഎസ് വിലയെ രൂപയിലാക്കിയാല്‍ 4.1 ലക്ഷം രൂപയോളമാകും ഈ സ്‌കൂട്ടറിന്റെ വില.

278സിസി ശേഷിയുള്ള സിങ്കിൾ സിലിണ്ടർ എന്‍ജിനാണ് ഈ പതിപ്പിലുള്ളത്. 21.2 പിഎസ് കരുത്തും 22.3 എന്‍എം ചക്രവീര്യവും വാഹനം പകരുന്നു.

മണിക്കൂറില്‍ 128 കിലോമീറ്റര്‍ വേഗത പകരാന്‍ ഈ എന്‍ജിന് ശേഷിയുണ്ടെന്നാണ് കമ്പനി അവകാശപ്പെടുന്നത്.

മുമ്പിലും പിന്നിലും ഡിസ്‌ക് ബ്രേക്കുകളാണ് ഈ സ്കൂട്ടറിന് നൽകിയിട്ടുള്ളത്.

ലിറ്ററിന് 28 കിലോമീറ്ററായിരിക്കും വെസ്പ ജിടിഎസ് 300 സ്‌കൂട്ടറിന്റെ മൈലേജ്.

ഡിജിറ്റൽ ഇൻസ്ട്രുമെന്റ് കൺസോൾ, ട്രാക്ഷൻ കൺട്രോൾ, എബിഎസ് എന്നീ സവിശേഷതകളോടെയാണ് വെസ്പ ജിടിഎസ് 300 എത്തുന്നത്.

യുവാക്കൾക്ക് ആവേശമായി ബോബറും റോമറും ഇന്ത്യയിൽ

രണ്ട് പുതുക്കിയ മോഡലുകളുമായി കാവസാക്കി