ബജാജ് പൾസർ 200 എൻഎസ് അവതരിച്ചു...

ഇന്ത്യൻ ഇരുചക്രവാഹന നിർമാതാവായ ബജാജ് പൾസർ 200എൻഎസ് നേക്കഡ് ബൈക്കിനെ വിപണിയിലെത്തിച്ചു.

By Praseetha

Published: Tuesday, February 7, 2017, 11:41 [IST]

ഇന്ത്യൻ ഇരുചക്രവാഹന നിർമാതാവായ ബജാജ് പൾസർ 200എൻഎസ് നേക്കഡ് ബൈക്കിനെ വിപണിയിലെത്തിച്ചു. പുതിയ ബിഎസ്-IV എമിഷൻ ചട്ടങ്ങൾ പാലിക്കുന്ന എൻജിനുമായിട്ടാണ് ഈ നേക്കഡ് സ്ട്രീറ്റ് ഫൈറ്റർ എത്തിച്ചേർന്നിരിക്കുന്നത്.

പൾസർ 200എൻഎസ് കൂടാതെ ബിഎസ്-IV എൻജിനും പുതിയ പെയിന്റ് സ്കീമിൽ ആർഎസ് 200 ബൈക്കിനേയും പുതിക്കിയവതരിപ്പിച്ചിട്ടുണ്ട്.

പുതിയ പെയിന്റ്, ബോഡി ഡെക്കാൽ എന്നീ പുതുമകളുമായാണ് പൾസർ 200എൻഎസിന്റെ വിപണിപ്രവേശം. ഗ്രാഫൈറ്റ് ബ്ലാക്ക്, മിറാഷ് വൈറ്റ്, വൈൽഡ് റെഡ് എന്നീ വ്യത്യസ്ത മൂന്ന് നിറങ്ങളിൽ ഈ ബൈക്ക് ലഭ്യമായിരിക്കും.

23.5ബിഎച്ച്പിയും 18.3എൻഎം ടോർക്കും നൽകുന്ന 199.5സിസി സിങ്കിൾ സിലിണ്ടർ ലിക്വിഡ് കൂൾഡ് 4 വാൾവ് എൻജിനാണ് 200എൻഎസ് പൾസറിന് കരുത്തേകുന്നത്.

151 കിലോഗ്രാം ഭാരമാണ് ഈ പുതിയ ബൈക്കിനുള്ളത് പഴയ മോഡലുമായി താരതമ്യം ചെയ്യുമ്പോൾ 6കി.ഗ്രാം അധിക ഭാരമുണ്ട്. ബിഎസ് IV ചട്ടങ്ങൾ പാലിക്കുന്ന തരത്തിൽ എൻജിനിൽ വരുത്തിയ മാറ്റമാണ് ഈ ഭാരക്കൂടതലിന് കാരണം.

ബൈക്കിനൊരു സ്പോർടി ലുക്ക് നൽകുന്ന രീതിയിൽ എൻജിൻ കൗൾ ഉൾപ്പെടുത്തിയതും ഒരു പുതുമയായി പറയാവുന്നതാണ്. ബ്രേക്കിംഗ് സംബന്ധിച്ച കാര്യങ്ങൾക്ക് മുന്നിൽ 280എംഎം ഡിസ്കും പിന്നിൽ 230എംഎം ഡിസ്കുമാണുള്ളത്.