Just In
- 22 min ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
- 2 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 13 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 16 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
Don't Miss
- Lifestyle ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- News പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ?
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Finance വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും
- Sports T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
എംപിവി സെഗ്മെന്റിന് പുത്തൻ പകിട്ടേകാൻ Kia Carens; റിവ്യൂ വിശേഷങ്ങൾ ഇതാ
കൂടുതൽ സീറ്റുകളും സ്റ്റോറേജ് സ്പേസും പ്രായോഗികതയുമുള്ളതിനാൽ ഇന്ത്യക്കാർക്ക് യൂട്ടിലിറ്റി വാഹനങ്ങളോട് എന്നുമൊരു കമ്പമാണ്. ഇത് നന്നായി അറിയാവുന്നൊരു കമ്പനിയാണ് ദക്ഷിണ കൊറിയക്കാരായ കിയ മോട്ടോർസ്.
2019-ലാണ് സെൽറ്റോസ് എന്ന മിഡ്-സൈസ് എസ്യുവിയുമായി കിയ ഇന്ത്യയിൽ അരങ്ങേറ്റം കുറിക്കുന്നത്. തുടർന്ന് ആ ഒരൊറ്റ മോഡലിലൂടെ വിപണിയുടെ ആഴത്തിലേക്ക് വേരോടിക്കാൻ ബ്രാൻഡിന് സാധിച്ചു. തുടർന്ന് കാർണിവൽ എന്ന ആഢംബര എംപിവിയും സോനെറ്റ് എന്ന സബ്-4 മീറ്റർ എസ്യുവിയെയും നിരത്തിലെത്തിച്ച് കമ്പനി പ്രമുഖനായി.
ദക്ഷിണ കൊറിയൻ വാഹന നിർമാതാക്കളുടെ മൂന്ന് മോഡലുകളും ഇന്ത്യയിൽ വൻ വിജയമാണ് നേടിയെടുത്തത്. അതിനാൽ തന്നെ ഇനി വരാനിരിക്കുന്ന കാറുകളും അതേ വിജയം ആവർത്തിക്കണമെന്ന് കിയയ്ക്ക് വാശിയുണ്ടായിരുന്നു. അങ്ങനെയാണ് ഇന്ത്യയുടെ നാലാമത്തെ ഉൽപന്നമായി കാരെൻസ് എന്ന എംപിവിയെ കമ്പനി തെരഞ്ഞെടുത്തത്.
യൂട്ടിലിറ്റി വാഹന നിര കീഴടക്കാൻ ഉതകുന്ന എല്ലാത്തരം കഴിവുകളുമായാണ് പുതുപുത്തൻ കാരെൻസ് എത്തുന്നത്. എസ്യുവി പോലുള്ള അനുപാതങ്ങളുള്ള ഒരു മൾട്ടി പർപ്പസ് വാഹനമാണ് ഇത്. കിയ ഇതിനെ വിനോദ വാഹനം എന്നാണ് വിശേഷിപ്പിക്കുന്നതു തന്നെ. ഇക്കാരണങ്ങളാൽ തന്നെ ഏവരും മോഡലിന്റെ വിൽപ്പന ആരംഭിക്കാൻ കാത്തിരിക്കുകയാണ്.
2022 ഫെബ്രുവരിയിൽ വിപണിയിൽ എത്തുന്ന കിയ കാരെൻസ് എംപിവിയുടെ റിവ്യൂ വിശേഷങ്ങൾ എന്തെല്ലാമാണെന്ന് അറിയേണ്ടേ.. ഇത് ശരിക്കും പ്രായോഗികമാണോ? മൂന്നാം നിരയിലെ ഇരിപ്പിടത്തിന്റെ കാര്യങ്ങൾ, എഞ്ചിൻ വിശദാംശങ്ങൾ എല്ലാം അറിയാൻ തുടർന്ന് വായിക്കുക.
ഡിസൈനും ശൈലിയും
ഏത് കോണിൽ നിന്ന് വീക്ഷിച്ചാലും കിയ കാരെൻസിന് ആരേയും ആകർഷിക്കാൻ പാകമായ രൂപം തന്നെയാണുള്ളത്. നിരവധി സവിശേഷമായ ഡിസൈൻ സവിശേഷതകളും ഇതിൽ ഉൾക്കൊള്ളുന്നുണ്ട്. അതിനാൽ വിശദാംശങ്ങൾ കണ്ടെത്താൻ കുറച്ച് സമയമെടുത്തേക്കാം.
ബ്രഷ്ഡ് അലൂമിനിയത്തിൽ പൂർത്തിയാക്കിയ സൂപ്പർ സ്റ്റൈലിഷ് പുതിയ കിയ ലോഗോയാണ് കാരെൻസിന്റെ മുന്നിൽ ആദ്യം കാണാനാവുക. അതോടൊപ്പം തന്നെ വാഹനത്തിന്റെ എൽഇഡി ഡിആർഎല്ലുകളിലേക്കും ഹെഡ്ലാമ്പ് സജ്ജീകരണത്തിലേക്കും കണ്ണോടിയെത്തും.
എൽഇഡി ഡിആർഎല്ലുകളുടെ പ്രചോദനം നക്ഷത്രങ്ങളുടെ ഒരു കൂട്ടത്തിൽ നിന്നാണ് എടുത്തതെന്ന് പറയപ്പെടുന്നു. തൽഫലമായി നിങ്ങൾക്ക് ഒരു അദ്വിതീയ രൂപമാണ് എംപിവിയിൽ ലഭിക്കുക. കൂടാതെ ഡിആർഎല്ലുകൾ ടേൺ സിഗ്നൽ ഇൻഡിക്കേറ്ററുകളായും പ്രവർത്തിക്കും.
ഡിആർഎല്ലുകൾക്ക് താഴെയായി ത്രീ-മാട്രിക്സ് എൽഇഡി ഹെഡ്ലാമ്പ് യൂണിറ്റുകളും ഇടംപിടിച്ചിരിക്കുന്നു. ഈ മുഴുവൻ സജ്ജീകരണവും കറുപ്പിൽ ഒരുക്കിയ എക്സ് ആകൃതിയിലുള്ള ഘടകത്തിന്റെ ഭാഗമായാണ് ഇടംപിടിച്ചിരിക്കുന്നത്. അതിൽ ഫോക്സ് ഗ്രില്ലും ഉൾപ്പെടുന്നു.
ഈ ഗ്രില്ലിൽ വളഞ്ഞ പാറ്റേണും കാറിന്റെ വീതിയും ഉൾക്കൊള്ളുന്നു. ഇതിന് താഴെയായി കിയയുടെ സിംഗേച്ചർ ടൈഗർ-നോസ് ഗ്രില്ലാണ് കാണാനാവുന്നത്. അതിന് പിന്നിൽ സ്ഥാപിച്ചിരിക്കുന്ന റേഡിയേറ്ററിലേക്ക് വായുപ്രവാഹം അനുവദിക്കുന്ന ഒരു മെഷ് പാറ്റേണും കമ്പനി സമ്മാനിച്ചിട്ടുണ്ട്.
ടൈഗർ-നോസ് ഗ്രില്ലിന് ചുറ്റും കിയയുടെ ഐസ് ക്യൂബ് ഫോഗ് ലാമ്പ് സജ്ജീകരണമുണ്ട്. ബോണറ്റ് ചെറുതായി ഉയർത്തി, ഹെഡ്ലാമ്പ് യൂണിറ്റ് സ്വീപ്ബാക്ക്, വശങ്ങളിൽ പോലും വ്യക്തമായി കാണാം. മുന്നിൽ നിന്ന് കാരെൻസിന്റെ പിൻഭാഗം വരെ പോകുകയും ചെയ്യുന്ന വ്യക്തമായ ഷോൾഡർ ലൈനും എംപിവിയുടെ രൂപത്തോട് ഇഴുകിചേരുന്നുണ്ട്.
വശങ്ങളിൽ നിന്ന് നോക്കുമ്പോൾ കിയ കാരെൻസിന്റെ വലിയ അനുപാതം വ്യക്തമാകും. എ, ബി, സി പില്ലറുകൾ കറുത്തിരുണ്ടിരിക്കുന്നു. അതേസമയം ഡി-പില്ലർ ബോഡി കളറിലാണ് കമ്പനി പൂർത്തിയാക്കിയിരിക്കുന്നത്. ഒരു ബ്രഷ്ഡ് അലുമിനിയം സ്ട്രിപ്പും അതിലൂടെ നീളുന്നതു കാണാനാവും. ഡോർ ഹാൻഡിലുകൾ നല്ലതും കട്ടിയുള്ളതും ക്രോമിലാണ് ഒരുക്കിയിരിക്കുന്നത്.
16 ഇഞ്ച് അലോയ് വീലുകളിലാണ് കാരെൻസ് നിരത്തിലെത്തുന്നത്. ഈ ഡ്യുവൽ-ടോൺ ഫിനിഷുള്ള വീലുകൾ എംപിവിക്ക് ഒരു സ്പോർട്ടി ആകർഷണമാണ് നൽകുന്നത്. വാഹനത്തിന് ചുറ്റും ഓടുന്ന മാറ്റ്-ബ്ലാക്ക് ക്ലാഡിംഗോടുകൂടിയ ഫ്ലേഡ് വീൽ ആർച്ചുകളും ഒട്ടും മടുപ്പിക്കുന്നില്ല. സൈഡ് ക്ലാഡിംഗിൽ സിൽവർ സ്ട്രിപ്പും ഇതിലുണ്ട്.
പിൻവശത്തുനിന്നു നോക്കിയാൽ ഒരു എസ്യുവി പോലെ കാണപ്പെടുന്ന ശൈലിയാണ് കിയ കാരെൻസ് സ്വീകരിച്ചിരിക്കുന്നത്. ശ്രദ്ധ ആകർഷിക്കുന്ന ഏറ്റവും വലിയ ഘടകം സ്പ്ലിറ്റ് എൽഇഡി ടെയിൽ ലാമ്പാണ്. എംയുവിയുടെ രണ്ടറ്റത്തുമുള്ള ടെയിൽ ലാമ്പുകൾ മധ്യഭാഗത്തുള്ള ഒരു ഫാക്സ് ടെയിൽ ലാമ്പ് വഴിയാണ് കിയ ബന്ധിപ്പിച്ചിരിക്കുന്നതു തന്നെ.
ടെയിൽഗേറ്റും വലുതാണ്. സ്റ്റൈലിഷ് കിയ ലോഗോ ഇവിടെ വീണ്ടും പ്രാധാന്യം നേടുന്നു. ഒരു ക്രോം സ്ട്രിപ്പുള്ള ഒരു ചങ്കി ബമ്പറും പിന്നിലെ ആകർഷണം വർധിപ്പിക്കുന്നുണ്ട്. മുകളിൽ ഒരു സ്പോയിലറും അതിൽ ഒരു സ്റ്റോപ്പ് ലാമ്പും സംയോജിപ്പിച്ചിട്ടുമുണ്ട്.
ഇന്റീരിയർ
വിശാലവും വായുസഞ്ചാരമുള്ളതുമായ ഒരു അകത്തളമാണ് കിയ കാരെൻസിൽ ഒരുക്കിയിരിക്കുന്നത്. ആദ്യ കാഴ്ചയിൽ തന്നെ വാഹനത്തിൽ ധാരാളം സാങ്കേതിക വിദ്യകൾ നിറച്ചിട്ടുണ്ടെന്ന് വ്യക്തമാണ്. ടോപ്പ്-എൻഡ് മോഡൽ ഒരു സവിശേഷമായ നേവി ബ്ലൂ, ബീജ് എന്നിവ സംയോജിപ്പിച്ച ഡ്യുവൽ-ടോൺ ഇന്റീരിയറോടെയാണ് വരുന്നത്.
കൂടാതെ എംപിവിയുടെ അകത്തളത്തിൽ നിരവധി ഘടകങ്ങളും ടെക്സ്ചറുകളും കുറച്ച് നിറങ്ങളും ഇടംപിടിച്ചിട്ടുണ്ട്. ഡാഷ്ബോർഡിന്റെ മുകൾഭാഗം നേവിയിലും അടിഭാഗം ബീജ് നിറത്തിലുമാണ് തീർത്തിരിക്കുന്നത്. എന്നിരുന്നാലും കാര്യങ്ങൾ വളരെ രസകരമാക്കുന്നത് സെന്റർ ബിറ്റ് ആണ്. നക്ഷത്രങ്ങളിൽ നിന്ന് ഒരിക്കൽ കൂടി പ്രചോദനം ഉൾക്കൊണ്ട് ഒരു അദ്വിതീയ പാറ്റേൺ ഉള്ള ഒരു പിയാനോ ബ്ലാക്ക് ഫിനിഷാണ് ഇവിടം പ്രീമിയമാക്കുന്നത്.
ഡാഷ്ബോർഡിന്റെ മധ്യഭാഗത്തായി 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റമാണ് നൽകിയിരിക്കുന്നത്. ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയ്ക്കൊപ്പമാണ് വരുന്നതെങ്കിലും ഇതിന് വയർലെസ് കണക്റ്റിവിറ്റി ഇല്ലെന്നത് നിരാശാജനമാണ്. എന്നിരുന്നാലും ഇത് ബ്ലൂടൂത്ത് കണക്റ്റിവിറ്റിയുടെ സവിശേഷത ലഭ്യമാണ്.
സിസ്റ്റവുമായി ഫോൺ ജോടിയാക്കുന്നത് എളുപ്പവും ലളിതവുമായ ഒരു പ്രക്രിയയാണ്. ബോസിൽ നിന്നുള്ള 8-സ്പീക്കർ സിസ്റ്റമാണ് കിയ കാരെൻസിന് ലഭിക്കുന്നത്. സൗണ്ട് ക്വാളിറ്റി വളരെ മികച്ചതാണ്. ഫോൺ കോളുകൾ ചെയ്യാനും ടെക്സ്റ്റ് മെസേജുകൾ വായിക്കാനും 64 നിറങ്ങളിലുള്ള ആംബിയന്റ് ലൈറ്റിംഗും മറ്റ് വിവിധ വാഹന പ്രവർത്തനങ്ങളും നിയന്ത്രിക്കാനും ഇൻഫോടെയ്ൻമെന്റ് സിസ്റ്റം ഉപയോഗിക്കാം.
കൂടാതെ കിയ കണക്ട് ഫീച്ചറും ഇതിൽ നൽകിയിട്ടുണ്ട്. അതിലൂടെ വാഹനം സ്മാർട്ട്ഫോൺ ആപ്പ് വഴി നിരീക്ഷിക്കാനാകും. യാത്രക്കാർക്ക് ശാന്തമായ യാത്ര നൽകുന്നതിനായി പിൻ സ്പീക്കറുകൾ വിച്ഛേദിച്ചിരിക്കുന്ന ഒരു ക്വയറ്റ് മോഡും ലഭിക്കും. ഇൻഫോടെയ്ൻമെന്റ് സിസ്റ്റത്തിന് താഴെ ബ്രഷ്ഡ് അലുമിനിയം കൊണ്ട് പൂർത്തിയാക്കിയ ഡാഷ്ബോർഡിന്റെ വീതിയിൽ പ്രവർത്തിക്കുന്ന ഒരു യുണീക് ലൈൻ ഉണ്ട്.
ടെംപ്രേച്ചർ, ഫാൻ സ്പീഡ്, ബ്ലോവർ ഡിറക്ഷൻ എന്നിവ പ്രദർശിപ്പിക്കുന്നതിന് ഒരു ചെറിയ സ്ക്രീനോടുകൂടിയ എയർ കണ്ടീഷനിംഗിനുള്ള കൺട്രോളുകളും ഇതിന് ചുവടെയായി കാണാം. മൊത്തത്തിൽ, ഡാഷ്ബോർഡിലെയും സെന്റർ കൺസോളിലെയും എല്ലാ ഘടകങ്ങളും വൃത്തിയാക്കിയാണ് രൂപാന്തരപ്പെടുത്തിയിരിക്കുന്നത്.
സെന്റർ കൺസോൾ വളരെ പ്രായോഗികവും വളരെ ഉപയോഗപ്രദവുമാണ്. ഡ്രൈവ് മോഡുകൾ മാറ്റാനും ഹിൽ ഡിസന്റ് കൺട്രോൾ ഓൺ/ഓഫ് ചെയ്യാനും ഫ്രണ്ട് സീറ്റുകൾക്ക് വെന്റിലേഷൻ / കൂളിംഗ് ചെയ്യാനുമുള്ള കുറച്ച് ബട്ടണുകളും മുന്നിലായി ഇടംപിടിച്ചിട്ടുണ്ട്. ഈ ബട്ടണുകൾക്കിടയിലും ഗിയർ ലിവറിന് മുന്നിലും വയർലെസ് സ്മാർട്ട്ഫോൺ ചാർജിംഗ് പാഡ് സ്ഥാപിച്ചിരിക്കുന്ന ഒരു സ്ഥലവും കാണാം.
ഇതിനു മുകളിൽ ഇൻഫോടെയ്ൻമെന്റിനുള്ള യുഎസ്ബി പോർട്ട്, 12V സോക്കറ്റ്, യുഎസ്ബി ടൈപ്പ്-സി ചാർജിംഗ് പോർട്ട് എന്നിവയുണ്ട്. ഗിയർ ലിവർ നല്ലതും ചങ്കിയുമാണ്. ബ്രഷ്ഡ് അലുമിനിയം ഫിനിഷിംഗ് അകത്തളത്തിന് മൊത്തത്തിൽ ഒരു പ്രീമിയം ടച്ച് ആൻഡ് ഫീൽ നൽകുന്നു.
ഗിയർ ലിവറിന് പിന്നിൽ കൂളിംഗ് ഫംഗ്ഷൻ ഫീച്ചർ ചെയ്യുന്ന കപ്പ് ഹോൾഡറാണ്. കപ്പ് ഹോൾഡറിന് പിന്നിൽ ഡ്രൈവർക്കും കോ-ഡ്രൈവറിനുമുള്ള ആംറെസ്റ്റാണുള്ളത്. ആംറെസ്റ്റ് ഉയർത്തിയാൽ വാലറ്റിന് അനുയോജ്യമായ ഒരു നീക്കം ചെയ്യാവുന്ന ട്രേയും കാണാം.
ലെതർ റാപ്പിംഗുള്ള ഒരു യുണീക് സ്റ്റിച്ചിംഗ് പാറ്റേൺ ഉപയോഗിച്ച് സ്ഥാപിച്ചിരിക്കുന്ന സ്റ്റിയറിംഗ് വീലാണ് ഡൈവറിനായി ഒരുക്കിയിരിക്കുന്നത്. കൂടാതെ ഫ്ലാറ്റ്-ബോട്ടം സ്റ്റിയറിംഗ് വീലിൽ ഇൻഫോടെയ്ൻമെന്റ്, ക്രൂയിസ് കൺട്രോൾ, വോയ്സ് കമാൻഡുകൾ മുതലായവയ്ക്കായുള്ള സംയോജിത കൺട്രോളുകളും ഉൾക്കൊള്ളിച്ചിട്ടുണ്ട്.
സ്റ്റിയറിംഗ് വീലിന് പിന്നിൽ ഇടംപിടിച്ചിരിക്കുന്നത് ഈ സെഗ്മെന്റിലെ ഏറ്റവും വിപുലമായ ഇൻസ്ട്രുമെന്റേഷൻ ഡിസ്പ്ലേകളിൽ ഒന്നാണ്. നടുവിൽ ഒരു ചെറിയ 4.2 ഇഞ്ച് MID ഉള്ള വലിയ, പൂർണ കളർ എൽസിഡിസ്ക്രീനാണിത്. ഈ MID ശ്രേണി, ശരാശരി ഇന്ധനക്ഷമത, ഡ്രൈവിംഗ് മോഡുകൾ, നാവിഗേഷൻ എന്നിവയുൾപ്പെടെ ധാരാളം വിവരങ്ങളും പ്രദർശിപ്പിക്കുന്നു.
പ്രീമിയം ഫീലിംഗ് ഡോർ പാനലുകളാണ് മറ്റൊരു ശ്രദ്ധേയമായ ഘടകം. അതിലെ ആംറെസ്റ്റ് ലെതർ കൊണ്ടാണ് നിർമിച്ചിരിക്കുന്നത്. അതിനു താഴെയായി ബോസ് സ്പീക്കറും രണ്ട് 1-ലിറ്റർ ബോട്ടിലുകൾക്ക് ആവശ്യമായ വലിയ സ്റ്റോറേജ് സ്പേസുമാണ് കിയ നൽകിയിരിക്കുന്നത്. കൂടാതെ വെള്ളം ഒഴുകിപ്പോകാൻ അടിയിൽ ഡ്രെയിൻ ഹോൾ ഉള്ള ഒരു അംബർല ഹോൾഡറും ഉണ്ട്.
കംഫർട്ട്, പ്രായോഗികത, ബൂട്ട് സ്പേസ്
കിയ കാരെൻസ് ഏറ്റവും കൂടുതൽ മിടുക്ക് കാണിക്കുന്ന സ്ഥലമാണിത്. കംഫർട്ട്, പ്രായോഗികത, ബൂട്ട് സ്പേസ് എന്നിവയുള്ള എല്ലാ യൂട്ടിലിറ്റി വാഹനങ്ങളെയും പോലെ തന്നെയാണ് കാരെൻസും ഒരുങ്ങിയെത്തുന്നത്. കൂടാതെ കിയ ഇന്ത്യ ഇക്കാര്യത്തിൽ തികച്ചും ആധിപത്യം പുലർത്തുന്ന മേഖലകൂടിയാണിത്.
പുതിയ എംപിവിയിലെ സീറ്റുകൾ പ്രത്യേക പരാമർശം അർഹിക്കുന്നുണ്ട്. ടോപ്പ്-എൻഡ് ലക്ഷ്വറി പ്ലസ് വേരിയന്റിൽ വെന്റിലേറ്റഡ്/കൂൾഡ് ഫ്രണ്ട് സീറ്റുകളാണ് കിയ വാഗ്ദാനം ചെയ്യുന്നത്. ഇത് കാര്യങ്ങൾ മുൻവശത്ത് വളരെ സുഖകരവും ആകർഷകവുമാക്കുന്നു. ഏതാണ്ട് തികഞ്ഞ കുഷ്യനിംഗ് ലഭിച്ച വലിയ സീറ്റുകൾക്ക് മാത്രമേ ഈ ഫീച്ചർ കൂടുതൽ മൂല്യം നൽകുന്നുള്ളൂ.
ലക്ഷ്വറി പ്ലസ് വേരിയന്റിലെ രണ്ടാമത്തെ നിരയിൽ രണ്ട് ക്യാപ്റ്റൻ സീറ്റുകൾ ഉണ്ട്. വലിപ്പത്തിലും ആകൃതിയിലും മുൻവശത്തെ രണ്ട് സീറ്റുകൾ പോലെ തന്നെയാണ് ഇവയും. തൈസ് സപ്പോർട്ട്, ബാക്ക് സപ്പോർട്ട്, ബോൾസ്റ്ററിംഗ്, ടെക്സ്ചറിംഗ് എന്നിവ ശ്രദ്ധേയമാണ്. രണ്ട് ക്യാപ്റ്റൻ സീറ്റുകളിലും ആംറെസ്റ്റുകൾ ഉണ്ട്. ഈ സീറ്റുകൾ മുന്നോട്ടും പിന്നോട്ടും ചലിപ്പിക്കാനും ചാരിയിരിക്കാനും ക്രമീകരിക്കാനും കഴിയും. കൂടാതെ ടംബിൾ ഫീച്ചറും ഇതിൽ വരുന്നുണ്ട്.
ഈ ടംബിൾ ഫീച്ചർ വളരെ ഉപയോഗപ്രദവും പ്രായോഗികവുമാണെന്ന് എടുത്തു പറയേണം. മൂന്നാം നിര സീറ്റുകളുള്ള 6 സീറ്റർ അല്ലെങ്കിൽ 7 സീറ്റർ പതിപ്പായായിട്ടാണ് കിയ കാരെൻസ് വിൽക്കുന്നത്. മറ്റ് പരിചിതമായ എംപിവികൾ പോലെ തന്നെ മൂന്നാം നിരയും ഇടുങ്ങിയതായിരിക്കുമെന്ന് പ്രതീക്ഷിച്ചെങ്കിൽ നിങ്ങൾ തീർച്ചയായും ആശ്ചര്യപ്പെടും.
മൂന്നാം നിരയിൽ വലതുവശത്തുള്ള ക്യാപ്റ്റൻ സീറ്റിൽ ടംബിൾ-ഡൗൺ ഫംഗ്ഷനുവേണ്ടി സ്വമേധയാ പ്രവർത്തിപ്പിക്കുന്ന ലിവർ ഉണ്ട്. ഇടതുവശത്തുള്ള സീറ്റിന് വൺ-ടച്ച് ഇലക്ട്രിക് ടംബിൾ-ഡൗൺ ഫീച്ചർ ഉണ്ടെങ്കിലും മൂന്നാം നിരയിലെ യാത്രക്കാർ സീറ്റ് മടക്കിവെക്കാൻ ആഗ്രഹിക്കുമ്പോൾ ഇത് ഉപയോഗപ്രദമാകും.
പിന്നിലെ സ്ഥലം അതിശയിപ്പിക്കുന്നതാണ്. രണ്ടാം നിര സീറ്റുകൾ പിന്നിലേക്ക് തള്ളിയാലും മുതിർന്നവർക്ക് പോലും മൂന്നാം നിരയിൽ സുഖമായി ഇരിക്കാൻ കഴിയും. മൂന്നാം നിരയിലെ ഇടം സെഗ്മെന്റിലെ ഏറ്റവും മികച്ചത് മാത്രമല്ല. ഇത് ചില വലിയ എസ്യുവികളേക്കാളും സമ്പന്നമാണെന്നതും പലരേയും അതിശയിപ്പിച്ചേക്കും.
മൂന്നാം നിര സീറ്റുകൾക്ക് റിക്ലൈൻ ഫംഗ്ഷനുമുണ്ട്. കൂടാതെ ക്രമീകരിക്കാവുന്ന ഹെഡ്റെസ്റ്റുകളും ലഭിക്കുന്നു. മൂന്നാം നിരയിൽ രണ്ട് യാത്രക്കാർക്കും ഓവർഹെഡ് എസി വെന്റുകളുടെ അധിക സൗകര്യവുമുണ്ട്. അവർക്ക് ഒരു കപ്പ് ഹോൾഡറിനൊപ്പം ഒരു ടൈപ്പ്-സി സ്മാർട്ട്ഫോൺ ചാർജിംഗ് സ്ലോട്ടും ഫോൺ/ടാബ്ലെറ്റ് ഹോൾഡറും ലഭിക്കും.
മൂന്നാംനിര ഇരിപ്പിടങ്ങളോടെ 3 ക്യാബിൻ ബാഗുകൾ ഉൾക്കൊള്ളാൻ കഴിയുന്നത്ര വലിയ ബൂട്ട് സ്പേസ് കിയ കാരെൻസിനുണ്ട്. ഇത്രയും കാര്യങ്ങളിൽ വരാനിരിക്കുന്ന എംപിവി മികച്ചു നിൽക്കുന്നുണ്ടെങ്കിലും വാഹനത്തിൽ കുറച്ച് ഒഴിവാക്കലുകൾ നടന്നിട്ടുണ്ട്. മുൻ സീറ്റുകൾക്ക് വെന്റിലേഷൻ / കൂളിംഗ് ലഭിക്കുന്നുണ്ടെങ്കിലും ഡ്രൈവർ സീറ്റിൽ ഇലക്ട്രിക് അഡ്ജസ്റ്റ്മെന്റ് ഫീച്ചർ കമ്പനി ഉൾപ്പെടുത്തിയിട്ടില്ല.
ഒരു ഇലക്ട്രിക് ടെയിൽഗേറ്റ് ഫീച്ചർ ചെയ്യുന്നുവെന്ന മേൻമ കാരെൻസിനുണ്ടെങ്കിലും കിയ ഒരു പനോരമിക് സൺറൂഫ് എംപിവിക്ക് നൽകിയിട്ടില്ല. പക്ഷേ സിംഗിൾ-പാൻ സൺറൂഫ് കമ്പനി വാഹനത്തിലേക്ക് കൊണ്ടുവന്നിട്ടുണ്ട്.
എഞ്ചിൻ പെർഫോമൻസും ഡ്രൈവിംഗ് ഇംപ്രഷനും
നമുക്ക് ഇപ്പോൾ പരിചിതമായ എഞ്ചിൻ, ഗിയർബോക്സ് ഓപ്ഷനുകളാണ് കിയ കാരെൻസിന് തുടിപ്പേകുന്നത്. ഈ ഓപ്ഷനുകൾ ആദ്യം കിയ സെൽറ്റോസിലാണ് അരങ്ങേറിയിരിക്കുന്നത്. തുടർന്ന് ഹ്യുണ്ടായി ക്രെറ്റയിലും അൽകാസറിലും കമ്പനി ലഭ്യമാക്കി. രണ്ട് പെട്രോൾ എഞ്ചിനും ഒരു ഡീസൽ എഞ്ചിനുമാണ് എംപിവിയിൽ തെരഞ്ഞെടുക്കാൻ സാധിക്കുന്നത്.
1.4 ലിറ്റർ ടർബോ-പെട്രോൾ യൂണിറ്റാണ് കാരെൻസ് ലൈനപ്പിലെ ഏറ്റവും ശക്തമായ എഞ്ചിൻ. ഇത് 138 bhp കരുത്തിൽ 242 Nm torque ആണ് നൽകുന്നത്. ഇത് 6 സ്പീഡ് മാനുവൽ അല്ലെങ്കിൽ 7 സ്പീഡ് DSG ഗിയർബോക്സുമായി സ്വന്തമാക്കാം. 113.4 bhp, 144 Nm torque ഉത്പാദിപ്പിക്കുന്ന നാച്ചുറലി ആസ്പിറേറ്റഡ് യൂണിറ്റാണ് ഓഫറിലുള്ള മറ്റൊരു പെട്രോൾ എഞ്ചിൻ.
ഈ എഞ്ചിൻ 6 സ്പീഡ് മാനുവൽ ഗിയർബോക്സുമായി മാത്രമാണ് ജോടിയാക്കിയിരിക്കുന്നത്. ഒരു ഓട്ടോമാറ്റിക് ഓപ്ഷൻ ഇതിലില്ല. CRDi ഡീസൽ എഞ്ചിൻ നൽകുന്ന ലക്ഷ്വറി പ്ലസ് വേരിയന്റാണ് റിവ്യൂവിനായി കമ്പനി നൽകിയത്.
ഇതിന് 4,000 rpm-ൽ പരമാവധി 113.4 bhp പവർ ഔട്ട്പുട്ടും 1,500-2,750 rpm-ൽ 250 Nm torque ഉം ലഭിക്കും. ഈ എഞ്ചിൻ 6 സ്പീഡ് മാനുവൽ അല്ലെങ്കിൽ 6 സ്പീഡ് ഓട്ടോമാറ്റിക് ഗിയർബോക്സുമായി തെരഞ്ഞെടുക്കാം. സ്റ്റാർട്ട്/സ്റ്റോപ്പ് ബട്ടണിന്റെ അധിക സഹായവും ഇതിലുണ്ട്.
ഇക്കോ, നോർമൽ, സ്പോർട്ട്. ഈ ഡ്രൈവ് മോഡുകൾ കാരെൻസിന്റെ ഓട്ടോമാറ്റിക് വേരിയന്റുകളിൽ മാത്രമേ ലഭ്യമാകൂ. ഡ്രൈവർക്ക് സെൻട്രൽ കൺസോളിലെ ബട്ടൺ ഉപയോഗിച്ച് ഡ്രൈവ് മോഡുകൾ മാറാൻ കഴിയും. കൂടാതെ ഓരോ ഡ്രൈവ് മോഡിനും ഒരു പ്രത്യേക സ്വഭാവമാണുള്ളത്.
ഇക്കോ മോഡ് ഇന്ധനക്ഷമതയ്ക്കു വേണ്ടിയുള്ളതാണ്. അതിനാൽ ഗിയർഷിഫ്റ്റുകൾ നേരത്തെ തന്നെ സംഭവിക്കുകയും ത്രോട്ടിൽ പ്രതികരണം അൽപ്പം വൈകുകയും ചെയ്യുന്നു. സ്റ്റിയറിംഗ് വീൽ മനോഹരവും ഭാരം കുറഞ്ഞതുമാണ്. ഈ മോഡ് സിറ്റി യാത്രകൾക്കാകും കൂടുതൽ അനുയോജ്യമാവുക.
നോർമൽ മോഡിലേക്ക് മാറിയാൽ സ്റ്റിയറിംഗ് വീലിന് അൽപ്പം ഭാരമുള്ളതായി തോന്നിയേക്കാം. ഇതിൽ എഞ്ചിൻ പ്രതികരണം മികച്ചതാണ്. സ്പോർട്സ് മോഡിൽ എഞ്ചിൻ ഏറ്റവും ഉയർന്ന പെർഫോമൻസ് കണക്കുകളാണ് നൽകുന്നത്. ഗിയർ ലിവർ സ്പോർട്/മാനുവൽ മോഡിലേക്ക് സ്ലോട്ട് ചെയ്യാനും പാഡിൽ ഷിഫ്റ്ററുകൾ ഗിയർ മാറ്റാൻ ഉപയോഗിക്കാനും കഴിയും. ഈ മോഡിൽ, ഗിയർ ഷിഫ്റ്റുകൾ വളരെ വേഗത്തിലാണ് സംഭവിക്കുന്നത്.
ഹാൻഡിലിങിന്റെ കാര്യത്തിൽ തെരഞ്ഞെടുത്ത ഡ്രൈവ് മോഡ് അനുസരിച്ച് സ്റ്റിയറിംഗ് വീലിലെ ഫീൽ മാറുന്നു. എന്നിരുന്നാലും എല്ലാ ഡ്രൈവ് മോഡുകളിലും ബോഡി റോൾ ഒരുപോലെയാണ്. കിയ സസ്പെൻഷനായി മികച്ച ബാലൻസ് കണ്ടെത്തിയിട്ടുണ്ട്. സുഖപ്രദമായ യാത്രയും മികച്ച ഹാൻഡിലിംഗും നൽകുന്നതിനായി ട്യൂൺ ചെയ്തിട്ടുള്ള ഒന്നാണിത്. കൂടാതെ എംപിവിയുടെ ബ്രേക്കിംഗ് സജ്ജീകരണവും മോശമല്ല.
സുരക്ഷയും പ്രധാന സവിശേഷതകളും
എല്ലാ വേരിയന്റുകളിലും സ്റ്റാൻഡേർഡ് ഉപകരണങ്ങളായി വാഗ്ദാനം ചെയ്യുന്ന നിരവധി സജീവവും നിഷ്ക്രിയവുമായ സുരക്ഷാ ഫീച്ചറുകളുമായാണ് കാരെൻസ് വരുന്നത്. ആറ് എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, വെഹിക്കിൾ സ്റ്റെബിലിറ്റി മാനേജ്മെന്റ്, ഓൾ-വീൽ ഡിസ്ക് ബ്രേക്കുകൾ, ബ്രേക്ക് അസിസ്റ്റ് സിസ്റ്റം, ഡൗൺഹിൽ ബ്രേക്ക് കൺട്രോൾ എന്നിവയെല്ലൊം പുതിയ മോഡലിലുണ്ട്.
തീർന്നില്ല, ഇതിനു പുറമെ ഹിൽ അസെന്റ് കൺട്രോൾ, ടയർ പ്രഷർ മോണിറ്ററിംഗ് സിസ്റ്റം, ആന്റി-ലോക്ക് ബ്രേക്കുകൾ, പിൻ പാർക്കിംഗ് സെൻസറുകൾ, ISOFIX ചൈൽഡ് സീറ്റ് ആങ്കറുകൾ, സ്പീഡ് സെൻസിംഗ് ഡോർ ലോക്ക് എന്നീ സുരക്ഷാ സംവിധാനങ്ങളും കിയ കാരെൻസിൽ വാഗ്ദാനം ചെയ്തിട്ടുണ്ട്.
ഈ ഫീച്ചറുകളെല്ലാം എല്ലാ വേരിയന്റുകളിലും സ്റ്റാൻഡേർഡായി വാഗ്ദാനം ചെയ്യുന്നതിനാൽ സെഗ്മെന്റിലെ ഏറ്റവും സുരക്ഷിതമായ വാഹനമായി കിയ കാരെൻസ് മാറും.
ഫ്ലെക്സിബിൾ സീറ്റിങ്, കാർഗോ സ്പേസ്, 64 കളർ ആംബിയന്റ് ലൈറ്റിംഗ്, വയർലെസ് സ്മാർട്ട്ഫോൺ ചാർജർ, വെന്റിലേറ്റഡ് ഫ്രണ്ട് സീറ്റുകൾ, ഡിജിറ്റൽ ഇൻസ്ട്രുമെന്റ് ക്ലസ്റ്റർ, രണ്ടാം നിരയ്ക്കായി വൺ-ടച്ച് ടംബിൾ, കിയ കണക്ട് ടെക്നോളജി, 10.25 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ്, 8-സ്പീക്കർ ബോസ് ഓഡിയോ സിസ്റ്റം, സ്മാർട്ട് എയർ പ്യൂരിഫയർ എന്നിവയാണ് വാഹനത്തിൽ ഒരുക്കിയിട്ടുള്ള മറ്റ് പ്രധാന സവിശേഷതകൾ.