മാരുതി സുസുക്കി വിറ്റാര ബ്രെസ

മാരുതി സുസുക്കി വിറ്റാര ബ്രെസ റിവ്യൂ

இந்தியாவில் சப் காம்பேக்ட் எஸ்யூவி மார்க்கெட்டில் மாருதி விட்டாரா பிரெஸ்ஸா சிறந்த தேர்வாக இருந்து வருகிறது. டிசைன், செயல்திறன், வசதிகளில் மற்றும் விலை என அனைத்திலும் வாடிக்கையாளர்களை கவர்ந்துள்ளது. இந்த நிலையில், மாருதி விட்டாரா பிரெஸ்ஸா எஸ்யூவியின் பிஎஸ்-6 மாடல் டிசைன், எஞ்சின், வசதிகளில் மேம்படுத்தப்பட்டு வந்தது.

மாருதி விட்டாரா பிரெஸ்ஸா எஸ்யூவியில் புதிய க்ரில் அமைப்பு, எல்இடி புரொஜெக்டர் ஹெட்லைட்டுகள், எல்இடி பகல்நேர விளக்குகள் முகப்பின் முக்கிய அம்சங்களாக உள்ளன. கருப்பு வண்ணத்திலான பம்பர் அமைப்பு, பெரிய ஏர் இன்டேக் அமைப்பு, பம்பரின் இருபுறத்திலும் பனி விளக்குகள் உள்ளன.

இந்த எஸ்யூவியில் 16 அங்குல அலாய் வீல்கள் பொருத்தப்பட்டுள்ளன. இன்டிகேட்டர்களுடன் கூடிய ரியர் வியூ மிரர்கள் இந்த எஸ்யூவியில் உள்ளன. பின்புறத்தில் எல்இடி டெயில் லைட்டுகள், ரூஃப் ஸ்பாய்லர் ஆகியவை முக்கிய அம்சங்களாக உள்ளன. சில்வர் வண்ணப் பூச்சுடன் கூடிய ஸ்கிட் பிளேட் இந்த எஸ்யூவிக்கு முரட்டுத்தனமான தோற்றத்தை தருகிறது.

மாருதி விட்டாரா பிரெஸ்ஸா எஸ்யூவியின் உட்புற டிசைன் அம்சங்களும் சிறப்பாக மேம்படுத்தப்பட்டுள்ளன. தொடுதிரையுடன் கூடிய இன்ஃபோடெயின்மென்ட் சிஸ்டம், இன்ஸ்ட்ரூமென்ட் க்ளஸ்ட்டர் ஆகியவை இடம்பெற்றுள்ளன.

மாருதி விட்டாரா பிரெஸ்ஸா எஸ்யூவியின் பிஎஸ்4 மாடல் டீசல் எஞ்சின் தேர்வில் கிடைத்து வந்த நிலையில், பிஎஸ்-6 மாடலானது பெட்ரோல் எஞ்சினுக்கு மாறிவிட்டது. புதிய மாருதி விட்டாரா பிரெஸ்ஸா எஸ்யூவியில் பிஎஸ்-6 மாசு உமிழ்வு தரத்திற்கு இணையான 1.5 லிட்டர் பெட்ரோல் எஞ்சின் பொருத்தப்பட்டு இருக்கிறது. இந்த எஞ்சின் அதிகபட்சமாக 104 பிஎச்பி பவரையும், 138 என்எம் டார்க் திறனையும் வெளிப்படுத்தும். 5 ஸ்பீடு மேனுவல் கியர்பாக்ஸ் அல்லது 4 ஸ்பீடு ஆட்டோமேட்டிக் கியர்பாக்ஸ் தேர்வுகளில் இந்த எஸ்யூவி கிடைக்கிறது.

புதிய மாருதி விட்டாரா பிரெஸ்ஸா எஸ்யூவியின் பெட்ரோல் மேனுவல் மாடல் லிட்டருக்கு 17.03 கிமீ மைலேஜையும், ஆட்டோமேட்டிக் மாடல் லிட்டருக்கு 18.76 கிமீ மைலேஜையும் வழங்கும் என்று அராய் சான்று கூறுகிறது. டீசல் மாடலானது லிட்டருக்கு 24.29 கிமீ மைலேஜ் கொடுத்த நிலையில், பெட்ரோல் எஞ்சின் மாடல் மைலேஜில் குறைவாக இருப்பது குறைதான். ஆனாலும், வாடிக்கையாளர்களின் சிறந்த தேர்வாக தொடர்ந்து தக்க வைத்து வருகிறது.

புதிய மாருதி விட்டாரா பிரெஸ்ஸா எஸ்யூவியில் எல்இடி ஹெட்லைட்டுகள், எல்இடி பகல்நேர விளக்குகள், எல்இடி டெயில் லைட்டுகள் கொடுக்கப்பட்டுள்ளன. 16 அங்குல அலாய் வீல்களும் முக்கிய அம்சமாக உள்ளது. இந்த காரில் 7 அங்குல தொடுதிரையுடன் கூடிய இன்ஃபோடெயின்மென்ட் சிஸ்டம், டியூவல் டோன் இன்டீரியர், ஆட்டோமேட்டிக் க்ளைமேட் கன்ட்ரோல் சிஸ்டம், ஸ்டீயரிங் வீலில் ஆடியோ கன்ட்ரோல் சுவிட்சுகள், ஆட்டோமேட்டிக் வைப்பர்கள் ஆகியவை முக்கிய அம்சங்களாக உள்ளன.

புதிய மாருதி விட்டாரா பிரெஸ்ஸா எஸ்யூவியில் டியூவல் ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ஹில் ஹோல்டு அசிஸ்ட், ரிவர்ஸ் பார்க்கிங் சென்சார்கள், ரியர் வியூ கேமரா, ஹை ஸ்பீடு வார்னிங் சிஸ்டம் உள்ளிட்ட பல பாதுகாப்பு வசதிகள் இடம்பெற்றுள்ளன.

மாருதி விட்டாரா பிரெஸ்ஸா ஏற்கனவே இந்திய வாடிக்கையாளர் மத்தியில் அதிக நம்பகத்தன்மை பெற்ற மாடலாக பெயர் பெற்றுவிட்டது. டிசைன், எஞ்சின், வசதிகள், விலை என அனைத்திலும் வாடிக்கையாளர்களுக்கு அதிக மதிப்பை வழங்குகிறது. மேலும், மாருதி நிறுவனத்தின் பெரிய அளவிலான சர்வீஸ் மையங்களின் எண்ணிக்கை, குறைவான பாரமரிப்பு போன்ற அம்சங்கள் இதற்கு வலு சேர்க்கின்றன. எனவே, சப்-காம்பேக்ட் எஸ்யூவி மார்க்கெட்டில் தொடர்ந்து முதன்மையான தேர்வாக இருந்து வருகிறது.