മാരുതി സുസുക്കി വിറ്റാര ബ്രെസ്സ

മാരുതി സുസുക്കി വിറ്റാര ബ്രെസ്സ
Style: എസ്‍യുവി
7.68 - 10.65 ലക്ഷം
ജിഎസ്ടി എക്സ്ഷോറൂം വില

9 വകഭേദങ്ങളിലും 6 നിറങ്ങളിലുമാണ് മാരുതി സുസുക്കി വിറ്റാര ബ്രെസ്സ ലഭ്യമാകുന്നത്. മാരുതി സുസുക്കി വിറ്റാര ബ്രെസ്സ മോഡലിന്റെ വില, സവിശേഷതകള്‍, മൈലേജ് തുടങ്ങിയ വിവരങ്ങള്‍ ചുവടെ നല്‍കുന്നു. മാരുതി സുസുക്കി വിറ്റാര ബ്രെസ്സ മോഡലിന്റെ ഓണ്‍റോഡ് വിലയും ഇഎംഐ വിവരങ്ങളും ഇവിടെ പരിശോധിക്കാം. മറ്റു എസ്‍യുവി മോഡലുകളുമായി മാരുതി സുസുക്കി വിറ്റാര ബ്രെസ്സ മോഡലിനെ താരതമ്യം ചെയ്യാനും നിങ്ങള്‍ക്ക് അവസരമുണ്ട്.

മാരുതി സുസുക്കി വിറ്റാര ബ്രെസ്സ ഡീസല്‍ മോഡലുകൾ

വകഭേദങ്ങൾ എക്സ്ഷോറൂം വില
എസ്‍യുവി | Manual Gearbox
7,67,743
എസ്‍യുവി | Manual Gearbox
8,19,743
എസ്‍യുവി | Automatic Gearbox
8,69,743
എസ്‍യുവി | Manual Gearbox
8,97,243
എസ്‍യുവി | Automatic Gearbox
9,47,243
എസ്‍യുവി | Manual Gearbox
9,92,743
എസ്‍യുവി | Manual Gearbox
10,08,553
എസ്‍യുവി | Automatic Gearbox
10,42,743
എസ്‍യുവി | Automatic Gearbox
10,64,743

മാരുതി സുസുക്കി വിറ്റാര ബ്രെസ്സ മൈലേജ്

ഗിയർബോക്സ് ഇന്ധന തരം മൈലേജ്
Manual ഡീസല്‍ 24.29 kmpl
Automatic ഡീസല്‍ 24.29 kmpl

മാരുതി സുസുക്കി വിറ്റാര ബ്രെസ്സ റിവ്യൂ

മാരുതി സുസുക്കി വിറ്റാര ബ്രെസ്സ Exterior And Interior Design

മാരുതി സുസുക്കി വിറ്റാര ബ്രെസ്സ പുറം ഡിസൈനും അകം ഡിസൈനും

തിളങ്ങുന്ന ക്രോം ഗ്രില്ലും കൃത്യതയോടെ അടുക്കിവെച്ച പ്രൊജക്ടര്‍ ഹെഡ്‌ലാമ്പുകളും. മറ്റു മാരുതി കാറുകളില്‍ നിന്നും വ്യത്യസ്തമാണ് വിറ്റാര ബ്രെസ്സയുടെ രൂപവും ഭാവവും. കോണോടുകോണ്‍ നിലകൊള്ളുന്ന മുന്‍ ബമ്പര്‍ ഹണികോമ്പ് ഗ്രില്ലിന് അടിവരയിടുന്നു. ബമ്പറില്‍ സില്‍വര്‍ സ്‌കിഡ് പ്ലേറ്റും മാരുതി സമര്‍പ്പിക്കുന്നുണ്ട്. ബ്രെസ്സയ്ക്ക് പരുക്കന്‍ പ്രതിച്ഛായ നല്‍കുന്നതില്‍ സ്‌കിഡ് പ്ലേറ്റിന് നിര്‍ണായക പങ്കുണ്ട്. പാര്‍ശ്വങ്ങളില്‍ നിന്നു നോക്കിയാല്‍ കണാം എസ്‌യുവിയുടെ ഒഴുകിയിറങ്ങുന്ന ശൈലി. കറുപ്പ്, വെളുപ്പ് നിറങ്ങളില്‍ മേല്‍ക്കൂര തിരഞ്ഞെടുക്കാന്‍ ഉപഭോക്താക്കള്‍ക്ക് അവസരമുണ്ട്. 16 ഇഞ്ചാണ് ബ്രെസ്സയുടെ അലോയ് വീലുകള്‍ക്ക് വലുപ്പം. കോമ്പാക്ട് എസ്‌യുവിയായതുകൊണ്ട് ഗ്രൗണ്ട് ക്ലിയറന്‍സിന്റെ കാര്യത്തിലും ബ്രെസ്സയൊട്ടും പിന്നിലല്ല. മേല്‍ക്കൂരയില്‍ നിന്നും ഉത്ഭവിക്കുന്ന സ്‌പോയിലര്‍ വിറ്റാര ബ്രെസ്സയ്ക്ക് സ്‌പോര്‍ടി ഭാവം കല്‍പ്പിക്കുന്നു. പിറകില്‍ ക്രോമില്‍ പതിപ്പിച്ച ബ്രെസ്സ ബ്രാന്‍ഡിങ്ങാണ് എസ്‌യുവിയുടെ പ്രധാനാകര്‍ഷണം. ഉയര്‍ന്ന ബ്രെസ്സ മോഡലുകളില്‍ ടെയില്‍ലാമ്പുകള്‍ എല്‍ഇഡി യൂണിറ്റാണ്. പിന്‍ ബമ്പറിലും സ്‌കിഡ് പ്ലേറ്റ് നല്‍കാന്‍ കമ്പനി വിട്ടുപോയിട്ടില്ല. ബ്രെസ്സയുടെ അകത്തളത്തില്‍ കറുപ്പു നിറത്തിനാണ് പ്രാതിനിധ്യം കൂടുതല്‍. സില്‍വര്‍ നിറമുള്ള അലങ്കാരച്ചമയങ്ങള്‍ ക്യാബിന്റെ പകിട്ടു ഉയര്‍ത്തിപ്പിടിക്കുന്നു. സെന്റര്‍ കണ്‍സോളിന് പിയാനൊ ബ്ലാക്ക് നിറമാണ്. ഇന്‍സ്ട്രമെന്റ് ക്ലസ്റ്ററിന് വൈവിധ്യമാര്‍ന്ന ആംബിയന്റ് ലൈറ്റിങ് നിറങ്ങള്‍ ചാരുതയേകും. മേല്‍ത്തരം ഫാബ്രിക്കുകൊണ്ട് നിര്‍മ്മിച്ച സീറ്റുകളും മാരുതി ബ്രെസ്സയുടെ സവിശേഷതയാണ്.

മാരുതി സുസുക്കി വിറ്റാര ബ്രെസ്സ എഞ്ചിനും പ്രകടനവും

മാരുതി സുസുക്കി വിറ്റാര ബ്രെസ്സ Engine And Performance

കേവലം ഒരു ഡീസല്‍ എഞ്ചിന്‍ മാത്രമേ വിറ്റാര ബ്രെസ്സയിലുള്ളൂ. എസ്‌യുവിയില്‍ തുടിക്കുന്ന 1.3 ലിറ്റര്‍ നാലു സിലിണ്ടര്‍ ഡീസല്‍ എഞ്ചിന്‍ 4,000 rpm -ല്‍ 89 bhp കരുത്തും 1,750 rpm -ല്‍ 200 Nm torque ഉം സൃഷ്ടിക്കാന്‍ പ്രാപ്തമാണ്. അഞ്ചു സ്പീഡാണ് കാറിലെ മാനുവല്‍ ഗിയര്‍ബോക്‌സ്. എഎംടി ഗിയര്‍ബോക്‌സും ആവശ്യക്കാര്‍ക്ക് തിരഞ്ഞെടുക്കാം. എഞ്ചിന്‍ കരുത്ത് മുന്‍ ചക്രങ്ങളിലേക്കാണ് വന്നെത്തുക. നഗര യാത്രകളിലും ഹൈവേ യാത്രകളിലും ഒരുപോലെ മികവു പുലര്‍ത്താന്‍ വിറ്റാര ബ്രെസ്സയ്ക്ക് കഴിയും. ഡ്രൈവിങ് ഇഷ്ടപ്പെടുന്നവര്‍ക്ക് ബ്രെസ്സ മാനുവലാണ് കൂടുതല്‍ അനുയോജ്യമാവുക. ഇതേസമയം, തിരക്കേറിയ റോഡുകളില്‍ വലിയ ബുദ്ധിമുട്ടുകളില്ലാതെ ഓടിക്കാന്‍ എഎംടി ഗിയര്‍ബോക്‌സ് സഹായിക്കും.

മാരുതി സുസുക്കി വിറ്റാര ബ്രെസ്സ ഇന്ധനക്ഷമത

മാരുതി സുസുക്കി വിറ്റാര ബ്രെസ്സ Fuel Efficiency

24.3 കിലോമീറ്റര്‍ മൈലേജാണ് വിറ്റാര ബ്രെസ്സയില്‍ മാരുതി വാഗ്ദാനം ചെയ്യുന്നത്. ഉയര്‍ന്ന മൈലേജ് കോമ്പാക്ട് എസ്‌യുവികള്‍ക്കിടയില്‍ ബ്രെസ്സയുടെ മൂല്യം കൂട്ടുന്നു.

മാരുതി സുസുക്കി വിറ്റാര ബ്രെസ്സ പ്രധാന ഫീച്ചറുകൾ

മാരുതി സുസുക്കി വിറ്റാര ബ്രെസ്സ Important Features

ഉപഭോക്താക്കള്‍ക്ക് ആവശ്യമായ സൗകര്യങ്ങളും സംവിധാനങ്ങളുമെല്ലാം വിറ്റാര ബ്രെസ്സയില്‍ മാരുതി ഉറപ്പുവരുത്തുന്നുണ്ട്. ക്രമീകരിക്കാവുന്ന സ്റ്റീയറിങ് വീല്‍, ശീതീകരിച്ച ഗ്ലോവ് ബോക്‌സ്, ക്രൂയിസ് കണ്‍ട്രോള്‍ (മാനുവല്‍ പതിപ്പില്‍ മാത്രം), ആംബിയന്റ് ലൈറ്റിങ്ങുള്ള ഇന്‍സ്ട്രമെന്റ് ക്ലസ്റ്റര്‍, പുഷ് ബട്ടണ്‍ സ്റ്റാര്‍ട്ട്, ഗിയര്‍ ഷിഫ്റ്റ് ഇന്‍ഡിക്കേറ്റര്‍ (മാനുവല്‍ പതിപ്പില്‍ മാത്രം), ഗിയര്‍ പൊസിഷന്‍ ഇന്‍ഡിക്കേറ്റര്‍ (എഎംടി പതിപ്പില്‍ മാത്രം), 7.0 ഇഞ്ച് വലുപ്പമുള്ള ടച്ച്‌സ്‌ക്രീന്‍ ഡിസ്‌പ്ലേ എന്നിങ്ങനെ നീളും മാരുതി ബ്രെസ്സയുടെ ഫീച്ചറുകള്‍. ഏറ്റവും ഉയര്‍ന്ന മോഡലുകള്‍ക്ക് മാത്രമേ ഓട്ടോമാറ്റിക് ഹെഡ്‌ലാമ്പുകളും വൈപ്പറുകളും ലഭിക്കുകയുള്ളൂ. യാത്രക്കാരുടെ സുരക്ഷയ്ക്കായി ഇരട്ട എയര്‍ബാഗുകള്‍, ആന്റി - ലോക്ക് ബ്രേക്കിങ് സംവിധാനം, ഇലക്ട്രോണിക് ബ്രേക്ക്‌ഫോഴ്‌സ് ഡിസ്ട്രിബ്യൂഷന്‍, പാര്‍ക്കിങ് സെന്‍സറുകള്‍, ISOFIX ചൈല്‍ഡ് സീറ്റ് മൗണ്ടുകള്‍, വേഗ മുന്നറിയിപ്പ് സംവിധാനം തുടങ്ങിയ ക്രമീകരണങ്ങള്‍ കമ്പനി ഉറപ്പുവരുത്തുന്നുണ്ട്. കൂട്ടത്തില്‍ പിന്‍ പാര്‍ക്കിങ് ക്യാമറ ഉയര്‍ന്ന ബ്രെസ്സ മോഡലിന്റെ മാത്രം സവിശേഷതയാണ്.

മാരുതി സുസുക്കി വിറ്റാര ബ്രെസ്സ അഭിപ്രായം

മാരുതി സുസുക്കി വിറ്റാര ബ്രെസ്സ Verdict

ഇന്ത്യയില്‍ ഏറ്റവും പ്രചാരമുള്ള എസ്‌യുവിയേതെന്ന ചോദ്യത്തിന് ഉത്തരം ഒന്നുമാത്രം — മാരുതി വിറ്റാര ബ്രെസ്സ. നാലു മീറ്ററില്‍ താഴെയാണ് നീളമെങ്കിലും ബ്രെസ്സയ്ക്ക് പ്രായോഗികത കൂടുതലാണ്. മറ്റേതു മാരുതി കാറെന്നപോലെ വിറ്റാര ബ്രെസ്സയ്ക്കും വിപണിയില്‍ ഉയര്‍ന്ന റീസെയില്‍ മൂല്യമുണ്ട്. മാരുതിയുടെ വിശ്വാസ്യതയും വിപുലമായ വില്‍പ്പനാന്തര സേവനങ്ങളും മത്സരത്തില്‍ വിറ്റാര ബ്രെസ്സയെ തുണയ്ക്കുന്നു.

മാരുതി സുസുക്കി വിറ്റാര ബ്രെസ്സ നിറങ്ങൾ


Granite Grey
Premium Silver
Blazing Red
Pearl Arctic White
Autumn Orange
Pearl Arctic White

മാരുതി സുസുക്കി വിറ്റാര ബ്രെസ്സ ചിത്രങ്ങൾ

 
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more