5 വകഭേദങ്ങളിലും 5 നിറങ്ങളിലുമാണ് ടൊയോട്ട Innova Crysta ലഭ്യമാകുന്നത്. ടൊയോട്ട Innova Crysta മോഡലിന്റെ വില, സവിശേഷതകള്, മൈലേജ് തുടങ്ങിയ വിവരങ്ങള് ചുവടെ നല്കുന്നു. ടൊയോട്ട Innova Crysta മോഡലിന്റെ ഓണ്റോഡ് വിലയും ഇഎംഐ വിവരങ്ങളും ഇവിടെ പരിശോധിക്കാം. മറ്റു എസ്യുവി മോഡലുകളുമായി ടൊയോട്ട Innova Crysta മോഡലിനെ താരതമ്യം ചെയ്യാനും നിങ്ങള്ക്ക് അവസരമുണ്ട്.
വകഭേദങ്ങൾ | എക്സ്ഷോറൂം വില |
---|---|
എസ്യുവി | Gearbox
|
₹ 19,99,000 |
എസ്യുവി | Gearbox
|
₹ 19,99,000 |
എസ്യുവി | Gearbox
|
₹ 24,64,000 |
എസ്യുവി | Gearbox
|
₹ 24,69,000 |
എസ്യുവി | Gearbox
|
₹ 26,30,000 |
ഗിയർബോക്സ് | ഇന്ധന തരം | മൈലേജ് |
---|---|---|
ഡീസല് | 0 |
இந்தியாவின் எம்பிவி மார்க்கெட்டின் தன்னிகரற்ற மாடலாக டொயோட்டா இன்னோவா க்ரிஸ்ட்டா கார் வலம் வருகிறது. குவாலிஸ் காருக்கு மாற்றாக அறிமுகம் செய்யப்பட்ட இன்னோவா கார் வாடிக்கையாளர்களின் எதிர்பார்ப்புகளை பூர்த்தி செய்யும் விதத்தில் அவ்வப்போது கூடுதல் சிறப்பம்சங்களுடன் மேம்படுத்தப்பட்டு வருகிறது. இதனால், வாடிக்கையாளர்களின் மனதில் முதன்மை தேர்வாக விளங்குகிறது. முந்தைய இன்னோவா மாடல்களிலிருந்து புதிய இன்னோவா க்ரிஸ்ட்டா கார் டிசைனில் முற்றிலும் மாறுபட்டு பிரிமீயம் மாடல் அந்தஸ்தை அடைந்துள்ளது.
முகப்பில் க்ரோம் பட்டை க்ரில் அமைப்பு, புரொஜெக்டர் ஹெட்லைட்டுகள், எல்இடி பகல்நேர விளக்குகள் என அசத்துகிறது. க்ரோம் பட்டை க்ரில் அமைப்பும், அதற்கு கீழாக இடம்பெற்றிருக்கும் கருப்பு வண்ண ஃபினிஷிங்கும் கவர்கிறது. இந்தத காரில் முன்புற பம்பர் மிக கூர்மையாக வடிவமைக்கப்பட்டு இருப்பதுடன் இரு மருங்கிலும் பனி விளக்குகள் பொருத்தப்பட்டுள்ளன.
பக்கவாட்டிலும் மிக நேர்த்தியாக வடிவமைப்பை பெற்றிருக்கிறது. இந்த காரில் 17 அங்குல அலாய் வீல்கள் கவர்கின்றன. க்ரோம் கைப்பிடிகள் மற்றும் க்ரோம் தகடு பின்னணியுடன் சைடு மிரர்கள் பிரிமீயம் அஸ்தஸ்தை உயர்த்துகின்றன. பின்புற வடிவமைப்பும் சிறப்பு. டெயில் லைட் க்ளஸ்ட்டர், பம்பர் என அனைத்தும் அசத்துகின்றன. ஒட்டுமொத்த்தில் இன்னோவா க்ரிஸ்ட்டா டிசைன் மிக வசீகரமாக உள்ளது.
உட்புறத்தில் கருப்பு வண்ண டேஷ்போர்டு அமைப்பும், அதில் மர அலங்கார வேலைப்பாடுகளும் சிறப்பு சேர்க்கின்றன. சென்டர் கன்சோல், ஏசி வென்ட்டுகளை சுற்றிலும் க்ரோம் பீடிங் அலங்காரம் வசீகரிக்கிறது. டேஷ்போர்டு டிசைன் மிக அட்டகாசமாக வடிவமைக்கப்பட்டு இருக்கிறது. உட்புறம் அதிக இடவசதியுடன் பிரிமீயம் அம்சங்களுடன் அசத்துகிறது.
புதிய டொயோட்டா இன்னோவா க்ரிஸ்ட்டா எம்பிவி காரில் ஒரு பெட்ரோல் எஞ்சின் மற்றும் இரண்டு டீசல் எஞ்சின் தேர்வுகளில் கிடைக்கிறது. பெட்ரோல் மாடலில் இருக்கும் 2.7 லிட்டர் எஞ்சின் அதிகபட்சமாக 165 பிஎச்பி பவரையும், 245 என்எம் டார்க் திறனையும் வெளிப்படுத்தும். இந்த காரின் 2.4 லிட்டர் டீசல் எஞ்சின் அதிகபட்சமாக 150 பிஎச்பி பவரையும், 343 என்எம் டார்க் திறனையும் வெளிப்படுத்தும். டாப் மாடலில் 2.8 லிட்டர் டீசல் எஞ்சின் உள்ளது. இந்த எஞ்சின் அதிகபட்சமாக 175 பிஎச்பி பவரையும், 360 என்எம் டார்க் திறனையும் வெளிப்படுத்தும். இந்த மூன்று எஞ்சின் தேர்வுகளிலும் 6 ஸ்பீடு மேனுவல் கியர்பாக்ஸ் அல்லது ஆட்டோமேட்டிக் கியர்பாக்ஸ் தேர்வுகள் கொடுக்கப்படுகின்றன.
டொயோட்டா இன்னோவா க்ரிஸ்ட்டா கார் பார்ப்பதற்கு மிக பிரம்மாண்டமான எம்பிவி காராக இருந்தாலும், நகர்ப்புறமாகட்டும், நெடுஞ்சாலையாகட்டும், இதன் எஞ்சின்கள் சிறப்பான செயல்திறனை காட்டி அசத்துகின்றன. மூன்று இலக்க வேகத்தில் அனாயசமாக செல்கிறது. அதேநேரத்தில், வளைவுகளில் முழு பாரத்துடன் செல்லும்போது பாடி ரோல் தெரிகிறது. உட்புறத்தில் அதிர்வுகளும் சற்று அதிகமாக உணர முடிகிறது. ஆனால், இதன் சஸ்பென்ஷன் சிறப்பாக இருப்பதால் சொகுசான பயணத்தை வழங்குகிறது.
புதிய டொயோட்டா இன்னோவா க்ரிஸ்ட்டா காரின் பெட்ரோல் மாடலில் 65 லிட்டர் எரிபொருள் கலனும், டீசல் மாடலில் 55 லிட்டர் எரிபொருள் கலனும் உள்ளது. பெட்ரோல் மாடல் லிட்டருக்கு 13 முதல் 15 கிமீ மைலேஜ் செல்லும் என்று தெரிவிக்கப்படுகிறது. டீசல் மாடலும் சிறப்பான எரிபொருள் சிக்கனத்தை உறுதி செய்யும்.
புதிய டொயோட்டா இன்னோவா க்ரிஸ்ட்டா காரில் புரொஜெக்டர் ஹெட்லைட்டுகள், எலெக்ட்ரிக் அட்ஜெஸ்ட் வசதியுடன் சைடு மிரர்களK், ஸ்மார்ட் கீ, வெல்கம் விளக்குகள், புஷ் பட்டன் ஸ்டார்ட், பெரிய தொடுதிரையுடன் கூடிய இன்ஃபோடெயின்மென்ட் சிஸ்டம், லெதர் உறையுடன் கூடிய ஸ்டீயரிங் வீல், பிரிமீயம் லெதர் அப்ஹோல்ஸ்ட்ரி, எம்ஐடி திரையுடன் இன்ஸ்ட்ரூமென்ட் க்ளஸ்ட்டர் ஆகியவை முக்கிய அம்சங்களாக கூறலாம்.
புதிய டொயோட்டா இன்னோவா க்ரிஸ்ட்டா காரில் ஏழு ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ரிவர்ஸ் பார்க்கிங் சென்சார்கள் மற்றும் கேமரா, ஐசோஃபிக்ஸ் சைல்டு சீட் மவுண்ட்டுகள், ஹில் ஹோல்டு அசிஸ்ட், வெஹிக்கிள் ஸ்டெபிளிட்டி கன்ட்ரோல் என ஏராளமான பாதுகாப்பு வசதிகளை பெற்றிருக்கிறது.
டிசைன், சிறப்பான இடவசதி, அதிக தொழில்நுட்ப வசதிகள், பிரிமீயம் அந்தஸ்து என்று அனைத்து விதத்திலும் முழுமையான எம்பிவி ரக கார் மாடலாக டொயோட்டா இன்னோவா க்ரிஸ்ட்டா காரை குறிப்பிடலாம். 7 பேர் சவுகரியமாக அமர்ந்து செல்வதற்கு சிறந்த சாய்ஸ்.