മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

By Dijo Jackson

മാറ്റങ്ങളോടെ പുതിയ ആസ്‌പൈര്‍ ഫെയ്‌സ്‌ലിഫ്റ്റ് ജൂണില്‍ വിപണിയില്‍ എത്തും. തൊട്ടുപിന്നാലെ പുതിയ ഫിഗൊ ഫെയ്‌സ്‌ലിഫ്റ്റിനെയും ഫോര്‍ഡ് ഇന്ത്യയില്‍ കൊണ്ടുവരും. ഇരുകാറുകളെയും പലകുറി ക്യാമറ പകര്‍ത്തി കഴിഞ്ഞു. ഡിസൈന്‍ പരിഷ്‌കാരങ്ങളാണ് ഇരു കാറുകളിലും മുഖ്യം. കൂടുതല്‍ പക്വത ഇരു ഫെയ്‌സ്‌ലിഫ്റ്റ് മോഡലുകളും വെളിപ്പെടുത്തും. ഇത്തവണ അകത്തളത്തിലെ ഫീച്ചറുകളിലും പുതുമകളുണ്ട്.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

വിപണിയില്‍ ഔദ്യോഗികമായി എത്താന്‍ ദിവസങ്ങള്‍ മാത്രം ബാക്കി നില്‍ക്കെ വീണ്ടും ഇന്ത്യന്‍ നിരത്തില്‍ പ്രത്യക്ഷപ്പെട്ട ആസ്‌പൈര്‍ ഫെയ്‌സ്‌ലിഫ്റ്റ്, പുതിയ മോഡലിനെ കുറിച്ചുള്ള കൂടുതല്‍ വിവരങ്ങള്‍ പുറത്തുവിടുകയാണ്. യാതൊരുവിധ മറകളും കൂടാതെയാണ് കോമ്പാക്ട് സെഡാനെ ക്യാമറ പിടികൂടിയത്.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

ഫെയ്‌സ്‌ലിഫ്റ്റിന്റെ പിന്‍ബമ്പര്‍ കമ്പനി പരിഷ്‌കരിച്ചിട്ടുണ്ട്. ബമ്പറിന് ഇരുവശത്തും പുതിയ വെന്റുകള്‍ കാണാം. ടെയില്‍ലാമ്പുകളിലും ചെറിയ പുതുമ അനുഭവപ്പെടും. പതിവിന് വിപരീതമായി ബൂട്ടില്‍ ക്രോം അലങ്കാരം തെല്ലുമില്ല.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

ഡോര്‍ ഹാന്‍ഡിലുകള്‍ക്ക് നിറം കറുപ്പ്. ആസ്‌പൈര്‍ ഫെയ്‌സ്‌ലിഫ്റ്റിന്റെ പ്രാരംഭ വകഭേദമാണ് ചിത്രത്തില്‍. മുന്‍നിര വകഭേദങ്ങളില്‍ പുതുക്കിയ അലോയ് ഘടന പ്രതീക്ഷിക്കാം. ഗ്രില്ലിലും മുന്‍ബമ്പറിലും ഹെഡ്‌ലാമ്പുകളിലും ഫോര്‍ഡ് കൈകടത്തിയിട്ടുണ്ടെന്നാണ് വിവരം.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

നേരത്തെ പുറത്തുവന്ന ചിത്രങ്ങള്‍ ഇക്കാര്യം പറഞ്ഞുവെയ്ക്കുന്നു. ശ്രദ്ധയാകര്‍ഷിക്കുന്നതില്‍ അകത്തളവും പിന്നില്‍ പോകില്ല. ഫ്രീസ്റ്റൈലില്‍ കണ്ട ഡാഷ്‌ബോര്‍ഡ് ശൈലി ആസ്‌പൈര്‍ ഫെയ്‌സ്‌ലിഫ്റ്റിലും ഫോര്‍ഡ് സ്വീകരിക്കും.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

പുതിയ SYNC3 ടച്ച്സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനം ആസ്‌പൈര്‍ ഫെയ്‌സ്‌ലിഫ്റ്റിലുണ്ടാകും. ഇക്കോസ്‌പോര്‍ട് ഫെയ്‌സ്‌ലിഫ്റ്റിലും ഇതു കണ്ടിരുന്നു. ആന്‍ഡ്രോയ്ഡ് ഓട്ടോ, ആപ്പിള്‍ കാര്‍ പ്ലേ കണക്ടിവിറ്റി ഫീച്ചറുകള്‍ ഇന്‍ഫോടെയ്ന്‍മെന്റ് സംവിധാനം അവകാശപ്പെടും.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

ഇതെല്ലാമുണ്ടെങ്കിലും ഫെയ്‌സ്‌ലിഫ്റ്റില്‍ ക്യാബിന്‍ വിശാലത കൂടിയിട്ടില്ലെന്നാണ് സൂചന. 1.2 ലിറ്റര്‍ മൂന്നു സിലിണ്ടര്‍ ഡ്രാഗണ്‍ സീരീസ് പെട്രോള്‍ എഞ്ചിന്‍ ആസ്‌പൈര്‍ ഫെയ്‌സ്‌ലിഫ്റ്റില്‍ തുടിക്കും. 95 bhp കരുത്തും 140 Nm torque ഉം എഞ്ചിന്‍ പരമാവധി ഉത്പാദിപ്പിക്കും.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

ഇതിനു പുറമെ 1.5 ലിറ്റര്‍ ഡീസല്‍ എഞ്ചിനും ആസ്പൈര്‍ ഫെയ്സ്ലിഫ്റ്റില്‍ പ്രതീക്ഷിക്കാം. 99 bhp കരുത്തും 215 Nm torque ഉത്പാദിപ്പിക്കുന്നതാകും ഡീസല്‍ എഞ്ചിന്‍. അഞ്ചു സ്പീഡ് മാനുവല്‍ ഗിയര്‍ബോക്സ് ഇരു എഞ്ചിന്‍ പതിപ്പുകളിലും സ്റ്റാന്‍ഡേര്‍ഡ് ഫീച്ചറായി ഒരുങ്ങും.

മാറ്റങ്ങളോടെ പുതിയ ഫോര്‍ഡ് ആസ്‌പൈര്‍ ഫെയ്‌സ്‌ലിഫ്റ്റ്, ചിത്രം പുറത്ത്

പെട്രോള്‍ എഞ്ചിനില്‍ ഓപ്ഷനല്‍ ഓട്ടോമാറ്റിക് ഗിയര്‍ബോക്സ് ലഭിക്കുമെന്നാണ് വിവരം. ഇന്ത്യന്‍ വിപണിയില്‍ മാരുതി ഡിസൈര്‍, ഹ്യുണ്ടായി എക്‌സെന്റ്, ഫോക്‌സ്വാഗണ്‍ അമിയോ, വരാനിരിക്കുന്ന പുതുതലമുറ ഹോണ്ട അമേസ് എന്നിവരാണ് ഫോര്‍ഡ് ആസ്‌പൈറിന്റെ എതിരാളികള്‍.

Spy Image Source: Auto Adrenalin

Most Read Articles

Malayalam
കൂടുതല്‍... #ford #Spy Pics
English summary
2018 Ford Figo Aspire Facelift Spotted Undisguised. Read in Malayalam.
Story first published: Friday, June 1, 2018, 13:24 [IST]
 
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X