Just In
- 58 min ago 40 കിട്ടിയില്ലെങ്കിലും 30 കിലോമീറ്ററിനടുത്തുണ്ട്! യുകെയില് വില്ക്കുന്ന സ്വിഫ്റ്റിന്റെ മൈലേജ് അറിയാം
- 2 hrs ago റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ അഭ്യാസം; നടപടി പിന്നാലെ വരും
- 3 hrs ago ഇന്ത്യയ്ക്ക് പപ്പടം പായസം, UK-യ്ക്ക് ബീഫ് സ്റ്റീക്കും; 2024 സ്വിഫ്റ്റിന്റെ കാര്യത്തിൽ സുസുക്കിയുടെ നയം ഇങ്ങനെ
- 3 hrs ago 'കുടുംബം' നോക്കാന് ഏഥര്! രാജ്യം കാത്തിരുന്ന ഫാമിലി സ്കൂട്ടറിനായുള്ള ബുക്കിംഗ് തുടങ്ങി
Don't Miss
- News കോണ്ഗ്രസിന് പിന്നാലെ സിപിഎമ്മിനും സിപിഐക്കും ആദായ നികുതി വകുപ്പിന്റെ നോട്ടീസ്; സിപിഎം കോടതിയിലേക്ക്
- Lifestyle മുടി കൊഴിച്ചിലും മുടിയുടെ കട്ടി കുറയുന്നതും തടയാം; ഇതാ ചില പരിഹാരമാര്ഗ്ഗങ്ങള്
- Movies മീര ജാസ്മിനെ വാവേയെന്ന് വിളിച്ചപ്പോൾ മകൾ കരച്ചിൽ; ടൊവിനോയുടെ അമ്മയായപ്പോൾ മകൻ പറഞ്ഞത്; ഉർവശി
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
പുതിയ ഗൂര്ഖ എക്സ്ട്രീമുമായി ഫോഴ്സ്, എതിരാളി മഹീന്ദ്ര ഥാര്
ഗൂര്ഖയ്ക്ക് പുതിയ പതിപ്പിനെ നല്കാനുള്ള ഒരുക്കങ്ങള് ഫോഴ്സ് മോട്ടോര്സ് പൂര്ത്തിയാക്കി. പുതിയ ഫോഴ്സ് ഗൂര്ഖ എക്സ്ട്രീം വിപണിയില് ഉടനെത്തും. മൂന്നു ഡോര് എക്സ്പ്ലോറര് മോഡലിനെ അടിസ്ഥാനപ്പെടുത്തിയാണ് ഗൂര്ഖ എക്സ്ട്രീമിന്റെ ഒരുക്കം. ഹാര്ഡ് ടോപ്, സോഫ്റ്റ് ടോപ് വകഭേദങ്ങള് ഗൂര്ഖ എക്സ്ട്രീമിനുണ്ടാകും.
നിലവില് വില്പനയ്ക്കെത്തുന്ന ഗൂര്ഖയ്ക്ക് സമാനമായിരിക്കും ഗൂര്ഖ എക്സ്ട്രീമിന്റെ പുറംമോടി. എന്നാല് മെക്കനിക്കല് മുഖത്ത് കാര്യമായ മാറ്റങ്ങള് വരാനുള്ള പുതിയ മോഡല് അവകാശപ്പെടും. ഇതില് കരുത്തുത്പാദനമാണ് മുഖ്യം.
മെര്സിഡീസ് ബെന്സ് OM611 -ല് നിന്നുമുള്ള 2.2 ലിറ്റര് ഡീസല് എഞ്ചിന് ഫോഴ്സ് ഗൂര്ഖ എക്സ്ട്രീമിന് കരുത്തു പകരും. പരമാവധി 138 bhp കരത്തും 321 Nm torque ഉം എഞ്ചിന് സൃഷ്ടിക്കാനാവും. 84 bhp കരുത്തും 230 Nm torque ഉം ഉത്പാദിപ്പിക്കുന്ന 2.6 ലിറ്റര് എഞ്ചിന് പകരക്കാരനാണിത്.
മെര്സിഡീസ് ബെന്സ് G32 അഞ്ചു സ്പീഡ് മാനുവല് ഗിയര്ബോക്സും പുതിയ ഗൂര്ഖയുടെ പ്രധാന വിശേഷമാണ്. കുറഞ്ഞ അനുപാതമുള്ള ട്രാന്സ്ഫര് കേസ്, മുന് – പിന് ഡിഫറന്ഷ്യല് ലോക്കുകള് എന്നിവയും മോഡലിന്റെ ഫീച്ചറുകളില്പ്പെടും.
പ്രകടനക്ഷമത കൂട്ടാന് വേണ്ടി ഗൂര്ഖ എക്സ്ട്രീമിന്റെ സസ്പെന്ഷനില് കമ്പനി മാറ്റങ്ങള് വരുത്തിയെന്നാണ് വിവരം. വര്ധിച്ച ദൃഢത സസ്പെന്ഷനില് പ്രതീക്ഷിക്കാം. സസ്പെന്ഷന് പരിഷ്കരിച്ചതു കൊണ്ടു തന്നെ അപ്രോച്ച്, ഡിപാര്ച്ചര്, റാമ്പ് ബ്രേക്ക്ഓവര് കോണുകള് ഇക്കുറി കൂടുതല് മെച്ചപ്പെടും.
പുതിയ ഗൂര്ഖ എക്സ്ട്രീം 205 mm ഗ്രൗണ്ട് ക്ലിയറന്സ് രേഖപ്പെടുത്തുമെന്നാണ് റിപ്പോര്ട്ട്. ജലാശയങ്ങളില് 550 mm ആഴത്തില് വരെ കടന്നുപോകാനുള്ള ശേഷിയും ഫോഴ്സ് ഗൂര്ഖ എക്സ്ട്രീമിനുണ്ടാകും.
ഈ മാസം തന്നെ പുതിയ ഗൂര്ഖ എക്സ്ട്രീം ഫോഴ്സ് നിരയില് വില്പനയ്ക്കെത്തുമെന്നാണ് റിപ്പോര്ട്ട്. മോഡലിന്റെ പ്രീ-ബുക്കിംഗ് ഡീലര്മാര് തുടങ്ങിക്കഴിഞ്ഞു. ഗൂര്ഖ എക്സ്പ്ലോററിനെക്കാളും ഉയര്ന്ന വിലയിലായിരിക്കും ഹാര്ഡ്കോര് ഓഫ്റോഡറായ ഗൂര്ഖ എക്സ്ട്രീം വിപണിയില് എത്തുക.
14 ലക്ഷം രൂപ വരെ മോഡലിന് വില പ്രതീക്ഷിക്കാം. വിപണിയില് മഹീന്ദ്ര ഥാറിനോടാണ് ഗൂര്ഖ എക്സ്ട്രീം മത്സരിക്കുക.
Source: Autocar India