Just In
- 3 min ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 24 min ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
- 2 hrs ago ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില്
- 2 hrs ago സമ്പാദിക്കുന്ന കാശ് പെട്രോളടിച്ച് കളയണോ? 516 കി.മീ. റേഞ്ചുള്ള പുത്തൻ ഇലക്ട്രിക് കാറുമായി ജർമൻ കമ്പനി
Don't Miss
- Lifestyle എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട്
- News ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Sports T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര്
- Movies ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഫോര്ച്യൂണറിന് മുന്നില് പഴഞ്ചന്; എന്ഡവര് ഫെയ്സ്ലിഫ്റ്റുമായി ഫോര്ഡ് ഇന്ത്യയിലേക്ക്!
പുതുമ വേണം, ഇല്ലെങ്കില് ടൊയോട്ട ഫോര്ച്യൂണറിനോട് ഏറെക്കാലം എതിരിട്ടു നില്ക്കാന് എന്ഡവറിന് കഴിയില്ലെന്ന് ഫോര്ഡിനറിയാം. അന്നും ഇന്നും ഇഞ്ചോടിച്ചാണ് ഫോര്ച്യൂണറും എന്ഡവറും തമ്മിലുള്ള പോരാട്ടം. പറഞ്ഞു വരുമ്പോള് ഫോര്ച്യൂണറിനെക്കാളും ഒരല്പം പഴഞ്ചനാണ് നിലവില് വില്പനയിലുള്ള എന്ഡവര്.
എന്നാല് ഈ പ്രശ്നം അധികം നാളുണ്ടാകില്ല. രാജ്യാന്തര വിപണികളില് എന്ഡവര് (എവറസ്റ്റ്) ഫെയ്സ്ലിഫ്റ്റ് ഉടന് പ്രത്യക്ഷപ്പെടും. രാജ്യാന്തര വിപണികളില് 'എവറസ്റ്റ്' എന്നാണ് ഫോര്ഡ് എസ്യുവിയുടെ പേര്. റിപ്പോര്ട്ടുകള് പ്രകാരം ഈ വര്ഷം രണ്ടാം പാദത്തോടെ എന്ഡവര് ഫെയ്സ്ലിഫ്റ്റ് വിദേശ വിപണികളില് എത്തും.
തൊട്ടുപിന്നാലെ എസ്യുവി ഇന്ത്യന് തീരണമണയുമെന്നാണ് വിവരം. 2019 ജനുവരിയില് തന്നെ എന്ഡവര് ഫെയ്സ്ലിഫ്റ്റിനെ ഇന്ത്യയില് പ്രതീക്ഷിക്കാം. പരിഷ്കരിച്ച രൂപകല്പനയാകും എന്ഡവര് ഫെയ്സ്ലിഫ്റ്റിന്റെ വിശേഷങ്ങളിൽ പ്രധാനം.
ഗ്രില്ലില് കാര്യമായ കരവിരുതകള് ഫോര്ഡ് കാട്ടും. ഫോഗ്ലാമ്പുകളുടെ ഘടനയിലും കമ്പനി മാറ്റും വരുത്തുമെന്ന് സൂചനയുണ്ട്. ബമ്പറിന് താഴെ സില്വര് അലങ്കാരമുണ്ടെന്ന് പുറത്തുവന്ന ചിത്രങ്ങള് വെളിപ്പെടുത്തുന്നു.
പുതിയ ആറു സ്പോക്ക് അലോയ് വീലുകളും എന്ഡവര് ഫെയ്സ്ലിഫ്റ്റില് എടുത്തുപറയേണ്ട വിശേഷമാണ്. അകത്തളത്തിലും കാര്യമായ മാറ്റങ്ങളുണ്ടെന്നാണ് സൂചന.
എവറസ്റ്റ് ഫെയ്സ്ലിഫ്റ്റിന്റെ രാജ്യാന്തര വരവില് പുത്തന് 2.0 ലിറ്റര് നാലു സിലിണ്ടര് ഡീസല് എഞ്ചിനാണ് ഒരുങ്ങുക.
രണ്ടു ട്യൂണിംഗ് നിലയിലാകും എഞ്ചിന് പതിപ്പ് ഒരുങ്ങുക. ഒറ്റ ടര്ബ്ബോ പതിപ്പിന് 180 bhp കരുത്തും 420 Nm torque ഉം പരമാവധി സൃഷ്ടിക്കാനാവും. അതേസമയം 213 bhp കരുത്തും 500 Nm torque ഉം ഉത്പാദിപ്പിക്കുന്നതാകും ഇരട്ട ടര്ബ്ബോ എഞ്ചിന് പതിപ്പ്.
പത്തു സ്പീഡാണ് ഓട്ടോമാറ്റിക് ഗിയർബോക്സ്. എന്നാല് ഇന്ത്യയില് വരുമ്പോള് എന്ഡവര് ഫെയ്സ്ലിഫ്റ്റിന് ഈ ഫീച്ചറുകള് ലഭിക്കാനുള്ള സാധ്യത വിരളം. നിലവിലുള്ള എഞ്ചിന് പരിവേഷത്തില് തന്നെയാകും എന്ഡവര് ഫെയ്സ്ലിഫ്റ്റ് ഇന്ത്യയില് തലയുയര്ത്തുക.
2.2 ലിറ്റര് നാലു സിലിണ്ടര്, 3.2 ലിറ്റര് അഞ്ചു സിലിണ്ടര് ഡീസല് എഞ്ചിനുകളാണ് എന്ഡവര് വിപണിയില് ലഭ്യമാകുന്നത്. 158 bhp കരുത്തും 385 Nm toruqe ഉം പരമാവധി സൃഷ്ടിക്കുന്നതാണ് 2.2 ലിറ്റര് എഞ്ചിന് പതിപ്പ്.
3.2 ലിറ്റര് എഞ്ചിന് 197 bhp കരുത്തും 470 Nm torque ഉം പരമാവധി സൃഷ്ടിക്കാനാവും. ഇരു എഞ്ചിന് പതിപ്പുകളിലും ആറു സ്പീഡ് ഓട്ടോമാറ്റിക് ഗിയര്ബോക്സ് മുഖേനയാണ് നാലു ചക്രങ്ങളിലേക്കും കരുത്തെത്തുന്നത്.
എന്തായാലും വരാനിരിക്കുന്ന എന്ഡവറില് ബിഎസ് VI മാനദണ്ഡങ്ങള് പാലിച്ചുള്ള എഞ്ചിനുകളായിരിക്കും ഇടംപിടിക്കുക. വിപണിയില് എത്താന് കാത്തുനില്ക്കുന്ന മഹീന്ദ്ര XUV700 എന്ഡവറിനും ഫോര്ച്യൂണറിനും കനത്ത ഭീഷണി ഉയര്ത്തുമെന്നാണ് വിലയിരുത്തല്.
Source: AutoCar India