Just In
- 39 min ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
- 1 hr ago ചൈനീസ് വാഹനങ്ങൾ അപകടകാരികളെന്ന് അമേരിക്ക, നിരോധനം ഉടനെ കാണുമോ എന്തോ
- 2 hrs ago തള്ളല്ല, എക്സ്റ്ററിന് കിട്ടുന്നത് 33 കി.മീ. മൈലേജ്; തെളിവ് സഹിതം പുറത്തുവിട്ട് ഉടമകൾ
- 3 hrs ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
Don't Miss
- Movies മുക്ത എട്ടാം ക്ലാസില് പഠിക്കുമ്പോള് കള്ളം പറഞ്ഞാണ് സിനിമയില് അഭിനയിച്ചത്; സലിം കുമാര്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- Sports IPL 2024: ലോകം മുഴുവന് കണ്ടു, കണ്ണടച്ച് അംപയര്! മുംബൈക്കു മാത്രമല്ല ചെന്നൈയ്ക്കും പിന്തുണ
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Technology മോനേ... ജാഡ കാണിക്കാൻ ഇത്രേം പറ്റിയ ഐറ്റം വേറെയില്ല! ഐഫോൺ 15 പ്രോയ്ക്ക് ഡിസ്കൗണ്ട്
- Travel ഇടുക്കി ഡാം സന്ദർശനം; പ്രവേശന നിയന്ത്രണം മുതൽ യാത്രയ്ക്കു മുൻപ് അറിയേണ്ട ആറു കാര്യങ്ങൾ
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
കോമ്പസിന് ഒന്നേകാല് ലക്ഷം രൂപ വിലക്കിഴിവ്, അപ്ഗ്രേഡ് ഓഫറുമായി ജീപ്
ജീപ് കോമ്പസ് 'അപ്ഗ്രേഡ്' ഓഫര് ജൂണ് മാസം കൂടി. കോമ്പസ് എസ്യുവിയില് പ്രഖ്യാപിച്ച ആകര്ഷകമായ അപ്ഗ്രേഡ് ഓഫര് ജൂണ് മാസം വരെ നീട്ടാന് ജീപ് ഇന്ത്യ തീരുമാനിച്ചു. ഓഫറിന്റെ ഭാഗമായി 75,000 രൂപ അധികം മുടക്കിയാല് രണ്ടു വീല് ഡ്രൈവ് കോമ്പസ് വകഭേദം വാങ്ങാന് തയ്യാറെടുക്കുന്ന ഉപഭോക്താക്കള്ക്ക് ഓള് വീല് ഡ്രൈവ് കോമ്പസിനെ സ്വന്തമാക്കാം.
നേരത്തെ കഴിഞ്ഞ വര്ഷം നിര്മ്മിച്ച ജീപ് കോമ്പസുകളില് മാത്രമായിരുന്നു കമ്പനി അപ്ഗ്രേഡ് ഓഫര് ലഭ്യമാക്കിയത്. എന്നാല് ഇപ്പോള് 2018 കോമ്പസ് പതിപ്പുകളിലും ഈ ആനുകൂല്യം ലഭിക്കുമെന്നു കമ്പനി വ്യക്തമാക്കി.
അപ്ഗ്രേഡ് ഓഫര് പ്രകാരം 75,000 രൂപ കൂടുതല് മുടക്കിയാല് ലിമിറ്റഡ് 4X2 ഡീസല് കോമ്പസിനെ വാങ്ങാന് ചെല്ലുന്ന ഉപഭോക്താവിന് ലിമിറ്റഡ് 4X4 കോമ്പസ് വകഭേദത്തെ കിട്ടും. മോഡലുകളുടെ യഥാര്ത്ഥ വില കണക്കിലെടുത്താല് വിലക്കിഴിവ് ഒരുങ്ങുന്നത് 1.25 ലക്ഷം രൂപ.
19.21 ലക്ഷം മുതല് 19.91 ലക്ഷം രൂപ വരെയാണ് ജീപ് കോമ്പസ് 4X2 വകഭേദങ്ങളുടെ വിലനിലവാരം. കോമ്പസ് 4X4 വകഭേദങ്ങള്ക്ക് വില 21.18 ലക്ഷം മുതല് 21.91 ലക്ഷം രൂപ വരെയും. 2.0 ലിറ്റര് ഫിയറ്റ് മള്ടിജെറ്റ് ടര്ബ്ബോചാര്ജ്ഡ് എഞ്ചിനാണ് കോമ്പസ് ഡീസലില്. എഞ്ചിന് 170 bhp കരുത്തും 350 Nm torque ഉം പരമാവധി സൃഷ്ടിക്കാനാവും.
മുന് വീല് ഡ്രൈവ് മാത്രമാണ് കോമ്പസ് പെട്രോള് വകഭേദങ്ങള്ക്ക്. ഏറ്റവും ഉയര്ന്ന കോമ്പസ് ഡീസല് വകഭേദങ്ങളില് മാത്രമാണ് ഓള് വീല് ഡ്രൈവുള്ളത്. ആറു സ്പീഡാണ് സ്റ്റാന്ഡേര്ഡ് മാനുവല് ഗിയര്ബോക്സ്.
ഒമ്പതു സ്പീഡ് ഓട്ടോമാറ്റിക് ഗിയര്ബോക്സുള്ള ഡീസല് പതിപ്പിനെ കോമ്പസ് നിരയില് കമ്പനി ഉടന് അവതരിപ്പിക്കും. വരാനുള്ള കോമ്പസ് ട്രെയില്ഹൊക്കിലും ഒമ്പതു സ്പീഡ് ഓട്ടോമാറ്റിക് ഗിയര്ബോക്സാണ് ഒരുങ്ങുക. എസ്യുവിയുടെ പ്രത്യേക ഓഫ്റോഡ് വകഭേദമാണ് ട്രെയില്ഹൊക്ക്.
ട്രെയില്ഹൊക്കിന്റെ വരവിന് മുന്നോടിയായി കോമ്പസ് 4X4 ഡീസലിനെ വിറ്റുതീര്ക്കാനുള്ള ജീപ് ഇന്ത്യയുടെ നീക്കം കൂടിയാണ് ജൂണ് വരെ നീട്ടിയിരിക്കുന്ന അപ്ഗ്രേഡ് ഓഫര്. ഇന്ത്യയില് കോമ്പസ് കൈയ്യടക്കിയ വന്വിജയം തെല്ലൊന്നുമല്ല അമേരിക്കന് നിര്മ്മാതാക്കളുടെ പ്രതീക്ഷകളെ തൊട്ടുണര്ത്തുന്നത്.
ആദ്യ മാസങ്ങളില് എസ്യുവി ശ്രേണി വാണ മഹീന്ദ്ര XUV500, ടാറ്റ ഹെക്സ മോഡലുകളെ വില്പനയില് കോമ്പസ് അട്ടിമറിച്ചു. എന്നാല് പുതിയ മഹീന്ദ്ര XUV500 ഫെയ്സ്ലിഫ്റ്റ് വന്നതോടു കൂടി വില്പനയില് രണ്ടു ചുവടു താഴെ പോയിരിക്കുകയാണ് ജീപ് കോമ്പസ്.
1.4 ലിറ്റര് ടര്ബ്ബോചാര്ജ്ഡ് പെട്രോള് എഞ്ചിനും ജീപ് കോമ്പസില് ലഭ്യമാണ്. എഞ്ചിന് 160 bhp കരുത്തും 250 Nm toruqe ഉം പരമാവധി ഉത്പാദിപ്പിക്കും. ആറു സ്പീഡ് മാനുവല്, ഏഴു സ്പീഡ് ഇരട്ട ക്ലച്ച് ഓട്ടോമാറ്റിക് ഗിയര്ബോക്സ് ഓപ്ഷനുകള് കോമ്പസ് പെട്രോളിലുണ്ട്.
അതേസമയം ഓപ്ഷനല് ഫീച്ചറായി പോലും കോമ്പസ് പെട്രോളില് നാലു വീല് ഡ്രൈവ് നല്കാന് ജീപ് തയ്യാറായിട്ടില്ല. നിലവില് ഇരുപതിനായിരത്തില് ഏറെ കോമ്പസുകളെ ജീപ് ഇന്ത്യയില് വിറ്റു കഴിഞ്ഞു.