Click it and Unblock the Notifications
Just In
-
-
-
-
Don't Miss
-
IPL 2024: സിഎസ്കെയ്ക്കു പിഴയ്ക്കുന്നതെവിടെ? കുഴപ്പം ഒന്നും രണ്ടുമല്ല! ഇവയ്ക്കു ഉത്തരം വേണം -
55 ശതമാനം വരെ റിട്ടേൺ, നികുതി ഇളവും ഉറപ്പാണ്, ഇപ്പോൾ നിക്ഷേപിക്കാൻ 5 മ്യൂച്വൽ ഫണ്ടുകൾ -
തിരഞ്ഞെടുപ്പിന് ഉപയോഗിക്കുന്നത് എത്ര കുപ്പി മഷിയെന്ന് അറിയുമോ? പൊട്ടിച്ച് ഒഴിച്ചാല് മഷിപ്പുഴയാകും -
ദീപികയും രണ്വീറും ഒന്നിച്ചതിന് ഞാനും ഒരു കാരണമാണ്; വിധി എന്നൊന്നുണ്ട്; കരീന കപൂര് പറയുന്നു -
ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം -
നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ഫ്‌ളാഗ്ഷിപ്പ് എസ്‌യുവിയുമായി ലെക്‌സസ് ഇന്ത്യയില്‍ എത്തി; വില 2.32 കോടി രൂപ
ലെക്‌സസ് LX 570 ഇന്ത്യയില്‍. 2.32 കോടി രൂപയാണ് LX 570 -യുടെ എക്‌സ്‌ഷോറൂം വില. രാജ്യത്തുടനീളമുള്ള ലെക്‌സസ് ഡീലര്‍ഷിപ്പുകളില്‍ പുതിയ ആഢംബര എസ്‌യുവിയുടെ ബുക്കിംഗ് കമ്പനി തുടങ്ങി. ആഗോള വിപണിയില്‍ ലെക്‌സസിന്റെ ഫ്‌ളാഗ്ഷിപ്പ് എസ്‌യുവിയാണ് LX 570. ടൊയോട്ട ലാന്‍ഡ് ക്രൂയിസര്‍ 200 ഒരുങ്ങുന്ന ലാഡര്‍ ഓണ്‍ ഫ്രെയിം ഷാസിയാണ് LX 570 -യ്ക്കും അടിസ്ഥാനം.
വിശിഷ്ടമായ രൂപകല്‍പനയാണ് LX 570 -യില്‍ ലെക്‌സസ് പിന്തുടരുന്നത്. കമ്പനിയുടെ സിഗ്നച്ചേര്‍ ഗ്രില്ലില്‍ തുടങ്ങും LX 570 -യുടെ വിശേഷങ്ങള്‍. ഗ്രില്ലിന് ഇരുവശത്തും കോണോടുകോണ്‍ ചേര്‍ന്നു മൂര്‍ച്ചയേറിയ പൂര്‍ണ എല്‍ഇഡി ഹെഡ്‌ലാമ്പുകള്‍ ഒരുങ്ങുന്നു.
വീതിയും വലുപ്പവുമുള്ള വീല്‍ ആര്‍ച്ചുകളും ഫ്‌ളാഗ്ഷിപ്പ് എസ്‌യുവിയില്‍ ശ്രദ്ധയാകര്‍ഷിക്കും. ഇരട്ടനിറത്തിലാണ് അകത്തളം. 12.3 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റെ സംവിധാനവും 14 സെന്‍സറുകളോട് കൂടിയ ഓട്ടോമാറ്റിക് ക്ലൈമറ്റ് കണ്‍ട്രോളും അകത്തളിലെ മുഖ്യാകര്‍ഷണങ്ങളാണ്.
19 സ്പീക്കറുകളുള്ള മാര്‍ക്കിന്‍ ലെവിന്‍സണ്‍ ഓഡിയോ സംവിധാനവും ലെക്‌സസ് LX 570 -യില്‍ എടുത്തപറയണം. വയര്‍ലെസ് ചാര്‍ജ്ജിംഗ്, ഹെഡ്‌സ്-അപ് ഡിസ്‌പ്ലേ, ആഢംബര സീറ്റുകള്‍, ആംബിയന്റ് ലൈറ്റിംഗ് എന്നിങ്ങനെ നീളും എസ്‌യുവിയിലെ മറ്റു വിശേഷങ്ങള്‍.
പിന്‍നിര യാത്രക്കാര്‍ക്ക് വേണ്ടി പ്രത്യേക 11.6 ഇഞ്ച് എല്‍സിഡി ഡിസ്‌പ്ലേയും LX 570 -യില്‍ ഒരുങ്ങുന്നുണ്ട്. ഏഴു സീറ്റര്‍ ആഢംബര എസ്‌യുവിയാണ് ലെക്‌സസ് LX 570. മൂന്നാം നിര പൂര്‍ണമായും മടക്കി എസ്‌യുവിയുടെ ബൂട്ട് സ്‌പേസ് വര്‍ധിപ്പിക്കാനും ഉപഭോക്താക്കള്‍ക്ക് കമ്പനി അവസരം നല്‍കുന്നുണ്ട്.
5.7 ലിറ്റര്‍ V8 പെട്രോള്‍ എഞ്ചിനിലാണ് പുതിയ ലെക്‌സസ് LX 570 -യുടെ ഒരുക്കം. എഞ്ചിന് 362 bhp കരുത്തും 530 Nm torque ഉം പരമാവധി സൃഷ്ടിക്കാനാവും. വേഗതയുടെ കാര്യത്തില്‍ LX 450d ഡീസല്‍ പതിപ്പിനെ കടത്തിവെട്ടും പുതിയ ലെക്‌സസ് LX 570.
പൂജ്യത്തില്‍ നിന്നും നൂറു കിലോമീറ്റര്‍ വേഗത്തിലെത്താന്‍ ലെക്‌സസ് LX 570 -യ്ക്ക് 7.7 സെക്കന്‍ഡുകള്‍ മതി. ഡ്രൈവിംഗ് സാഹചര്യങ്ങളെ അടിസ്ഥാനപ്പെടുത്തി എസ്‌യുവിയുടെ പ്രകടനം പാകപ്പെടുത്തുന്ന മള്‍ട്ടി ടെറെയ്ന്‍ സെലക്ട് സംവിധാനവും (Multi-terrain Select) ലെക്‌സസിന്റെ ഫ്‌ളാഗ്ഷിപ്പ് മോഡലിലുണ്ട്.
ഇതിനു പുറമെ അഞ്ചു സ്പീഡ് 'ക്രൊള്‍ കണ്‍ട്രോള്‍' ഫീച്ചറും എസ്‌യുവിയുടെ മുഖ്യവിശേഷമാണ്. ഓഫ്‌റോഡിംഗ് വേളയില്‍ ടോര്‍ഖുത്പാദനവും ബ്രേക്കിംഗ് നിയന്ത്രണവും ക്രൊള്‍ കണ്‍ട്രോള്‍ ഫീച്ചര്‍ ഏറ്റെടുക്കും.
