Click it and Unblock the Notifications
Just In
-
-
-
-
Don't Miss
-
IPL 2024: സ്വിമ്മിങ് പൂളില് സുഹൃത്തിനൊപ്പം ചഹാലിന്റെ ഭാര്യ? വീഡിയോ വൈറല്! വസ്തുത ഇതാണ് -
ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
മുഖംമിനുക്കി ഓട്ടോമാറ്റിക്കായി മഹീന്ദ്ര KUV100 NXT — വിപണിയില്‍ ഉടന്‍
മൈക്രോ എസ്‌യുവിയെന്നു മഹീന്ദ്ര വിശേഷിപ്പിക്കുന്ന KUV100 ഓട്ടോമാറ്റിക്കാവാന്‍ ഇനിയേറെ കാലതാമസമില്ല. ബജറ്റ് കാറുകള്‍ക്കിടയില്‍ ഓട്ടോമാറ്റിക് തരംഗം ആഞ്ഞടിക്കുമ്പോള്‍ മഹീന്ദ്രയുടെ ശക്തനായ പോരാളിയായി മാറും, പുതിയ KUV100 NXT എഎംടി.
മോഡല്‍ ഏറെക്കുറെ ഉത്പാദനസജ്ജമാണ്. അവസാനവട്ട പരീക്ഷണയോട്ടങ്ങള്‍ തീരുന്നപക്ഷം KUV100 NXT എഎംടി വിപണിയില്‍ വില്‍പനയ്‌ക്കെത്തും. കഴിഞ്ഞദിവസം ബെംഗളൂരുവില്‍ ക്യാമറ പകര്‍ത്തിയ KUV100 NXT എഎംടി മോഡല്‍ മഹീന്ദ്രയുടെ ഒരുക്കങ്ങള്‍ പൂര്‍ത്തിയായെന്നു വ്യക്തമാക്കുന്നു.
മറകളൊന്നുമില്ലെങ്കിലും പിറകിലെ എഎംടി ബാഡ്ജ് മൂടിവെച്ചാണ് KUV100 -യെ കമ്പനി പരീക്ഷിക്കുന്നത്. ഡിസൈനിലെ ചെറിയ മിനുക്കുപ്പണികളൊഴിച്ചാല്‍ രൂപമോ, ഭാവമോ പുതിയ എഎംടി പതിപ്പില്‍ മാറിയിട്ടില്ല.
Most Read: കാര്‍ വിപണിയിലെ 'ഷവോമി'യാകാന്‍ എംജി മോട്ടോര്‍; വിലക്കുറവിന്റെ ചൈനീസ് മാജിക് അടുത്തവര്‍ഷം
കഴിഞ്ഞവര്‍ഷമാണ് അടിമുടി പരിഷ്‌കരിച്ച KUV100 NXT -യെ മഹീന്ദ്ര വിപണിയില്‍ കൊണ്ടുവന്നത്. അകത്തളത്തിലും വലിയ മാറ്റങ്ങള്‍ പ്രതീക്ഷിക്കേണ്ടതില്ല. എഎംടി ഗിയര്‍ബോക്‌സിന്റെ ഭാഗമായുള്ള പുതിയ ഗിയര്‍ നോബായിരിക്കും ഉള്ളിലെ മുഖ്യാകര്‍ഷണം.
മള്‍ട്ടി സ്‌പോക്ക് അലോയ് വീലുകളും പിന്‍ പാര്‍ക്കിംഗ് സെന്‍സറുകളും മോഡലില്‍ ഇടംപിടിക്കുന്നുണ്ടെന്നു പുറത്തുവന്ന ചിത്രങ്ങളില്‍ വ്യക്തം. KUV100 -യുടെ പെട്രോള്‍, ഡീസല്‍ മോഡലുകളില്‍ എഎംടി ഗിയര്‍ബോക്‌സ് മഹീന്ദ്ര ഘടിപ്പിക്കുമോയെന്ന കാര്യത്തില്‍ തീര്‍ച്ചയില്ല.
അതേസമയം എഞ്ചിന്‍ പതിപ്പുകളില്‍ മാറ്റങ്ങളുണ്ടാകില്ല. 82 bhp കരുത്തും 115 Nm torque ഉം സൃഷ്ടിക്കുന്ന 1.2 ലിറ്റര്‍ എഞ്ചിനാണ് മഹീന്ദ്ര KUV100 NXT പെട്രോളില്‍. ഡീസല്‍ മോഡലിൽ 77 bhp കരുത്തും 190 Nm torque -മുള്ള 1.2 ലിറ്റര്‍ എഞ്ചിനാണ് തുടിക്കുന്നത്.
Most Read: ഇനി ഫോര്‍ഡ് കാറുകളോടുക മഹീന്ദ്ര എഞ്ചിനില്‍
അഞ്ചു സ്പീഡ് മാനുവല്‍ ഗിയര്‍ബോക്‌സ് ഇരു എഞ്ചിന്‍ പതിപ്പുകളിലും സ്റ്റാന്‍ഡേര്‍ഡ് ഫീച്ചറാണ്. അഞ്ചു സീറ്റര്‍, ഏഴു സീറ്റര്‍ വകഭേദങ്ങള്‍ മോഡലിലുണ്ട്. വരാനിരിക്കുന്ന ദീപാവലി കാലത്തിന് മുമ്പെ KUV100 NXT എഎംടിയെ വിപണിയില്‍ പ്രതീക്ഷിക്കാം.
മഹീന്ദ്രയുടെ ഉത്സവകാല വില്‍പന കുത്തനെ ഉയര്‍ത്താന്‍ പുതിയ മോഡലിന് കഴിയും. സാധാരണ KUV100 NXT -യെക്കാളും ഒരല്‍പം വില കൂടുതലായിരിക്കും എഎംടി പതിപ്പിന്. നിലവില്‍ 4.68 ലക്ഷം മുതല്‍ 7.76 ലക്ഷം രൂപ വരെയാണ് മഹീന്ദ്ര KUV100 NXT -യ്ക്ക് വിപണിയില്‍ വില.
