Just In
- 15 min ago കൊതിപ്പിക്കുന്ന വിലയ്ക്ക് പുതിയ 9 സീറ്റർ എസ്യുവി പുറത്തിറക്കി മഹീന്ദ്ര; വില കേട്ടാൽ വാങ്ങിപ്പോവും
- 56 min ago ക്രെറ്റയുടെ ആൽഫ എഡീഷൻ കണ്ടോ, ബാങ്കോക്ക് ഇൻ്റർനാഷണൽ മോട്ടോർ ഷോയിലെ താരം
- 1 hr ago മാരുതി ഏരിയയിലേ ഇല്ല, ഇന്ത്യയില് ഏറ്റവും കൂടുതല് വിറ്റഴിക്കുന്ന എസ്യുവികള് രണ്ടും ടാറ്റയുടേത്
- 2 hrs ago കനേഡിയൻ മല്ലൂസ്... ഈ പ്രവിശ്യയിൽ കൂടി ഇത്തരം കാറുകൾ ഓടിച്ചാൽ ചിലപ്പോൾ തടവ് വരെ കിട്ടിയേക്കാം
Don't Miss
- Sports IPL 2024: രോഹിത്തിനൊപ്പം ഒരാളും നിന്നില്ല! തനിച്ച് ഒരാളെത്ര അധ്വാനിക്കും? കൈയടിച്ച് ഷമി
- News 'ഇത്തവണ സിവിൽ സർവീസ് പരീക്ഷ എഴുതിയത് അറിഞ്ഞിരുന്നില്ല'; സന്തോഷം പങ്കുവച്ച് സിദ്ധാർത്ഥിന്റെ കുടുംബം
- Lifestyle ഗര്ഭിണിയാവില്ലെന്ന് ശരീരം പറയും, ഈ ലക്ഷണങ്ങള് നേരത്തെയറിയാം
- Technology മോട്ടറോള എങ്ങനെയാ ഇത്ര സെറ്റപ്പായത്! അതിശയിപ്പിക്കുന്ന മികവുമായി മോട്ടോ G64 5G എത്തി
- Finance കുതിപ്പിലേക്ക് തിരിച്ചെത്തി സെല്ലോ വേൾഡ് ഓഹരി, വാങ്ങാൻ ബ്രോക്കറേജ് ശുപാർശ, നോക്കുന്നോ
- Movies മിന്നല് അടിച്ച് ഒരു പയ്യന് ശക്തി കിട്ടുന്നതായിരുന്നു ഐഡിയ, വില്ലനെ കിട്ടിയില്ല; സെറ്റായത് ഇങ്ങനെ; ബേസില്
- Travel ബാംഗ്ലൂരിൽ നിന്ന് പോണ്ടിച്ചേരി ട്രെയിനിൽ കണ്ട് വരാം... ചെലവും ഇല്ല, കിടിലൻ കാഴ്ചകളും..
സമയമായി, മാരുതി ആള്ട്ടോ 800 ഹാച്ച്ബാക്കും മടങ്ങുന്നു
കാര് നിര അടിമുടി പുതുക്കാനുള്ള തയ്യാറെടുപ്പിലാണ് മാരുതി സുസുക്കി. സുരക്ഷ കുറഞ്ഞ പഴയ മോഡലുകള് പിന്വലിച്ച് പകരം നിരയിലേക്കു പുത്തന് അവതാരങ്ങളെ കൊണ്ടുവരുമെന്നു മാരുതി പ്രഖ്യാപിച്ചു കഴിഞ്ഞു. അടുത്തവര്ഷം വരെ മാത്രമെ ജിപ്സിക്കും ഒമ്നിക്കും ആയുസ്സുള്ളൂ. മുഖംനോക്കാതെയുള്ള മാരുതിയുടെ നടപടിയില് ഇത്തവണ ആള്ട്ടോ 800 ഹാച്ച്ബാക്കിനും മടക്ക ടിക്കറ്റ് ലഭിക്കുകയാണ്.
കേട്ടതു ശരി തന്നെ, ആള്ട്ടോ 800 ഹാച്ച്ബാക്കിനെ കമ്പനി ഉടന് പിന്വലിക്കും. മാരുതി സുസുക്കി ഡിസൈന് ആന്ഡ് ഡെവലപ്പ്മെന്റ് സീനിയര് വൈസ് പ്രസിഡന്റ് ദീപക് സവര്ക്കാര് ഇക്കാര്യം ഔദ്യോഗികമായി സ്ഥിരീകരിച്ചു. അടുത്തവര്ഷം മൂന്നാംപാദം മാരുതി ആള്ട്ടോ 800 ഹാച്ച്ബാക്ക് ഇന്ത്യയില് നിന്നു വിടവാങ്ങും.
1983 -ല് തുടങ്ങും മാരുതി 800 ഹാച്ച്ബാക്കിന്റെ ജീവച്ചരിത്രം. ഇന്ത്യയെ ഡ്രൈവിംഗ് പഠിപ്പിച്ച 800 ഹാച്ച്ബാക്കിന്റെ യാത്ര സംഭവബഹുലമായിരുന്നു. 2000 -ലാണ് 800 ഹാച്ച്ബാക്കിനെക്കാളും പ്രീമിയം പകിട്ടുള്ള ആള്ട്ടോയെ മാരുതി കൊണ്ടുവരുന്നത്.
Most Read: സാന്ട്രോയുടെ ബുക്കിംഗ് ഹ്യുണ്ടായി നിര്ത്തി, കാരണമിതാണ്
800 ഹാച്ച്ബാക്കിന്റെ ബോക്സി ഘടനയില് നിന്നും വ്യത്യസ്തമായി വടിവൊത്ത രൂപവും കൂടുതല് ഫീച്ചറുകളും ആള്ട്ടോയുടെ പ്രചാരം അതിവേഗം ഉയര്ത്തി. പിന്നീട് 2010 -ല് 800 ഹാച്ച്ബാക്കിനെ കമ്പനി പൂര്ണ്ണമായി നിര്ത്തിയപ്പോള്, മാരുതിയുടെ പ്രാരംഭ കാറെന്ന വിശേഷണം ആള്ട്ടോയെ തേടിയെത്തി.
2012 -ല് ആള്ട്ടോ 800 എന്ന പേരില് കമ്പനി അവതരിപ്പിച്ച രണ്ടാംതലമുറ ആള്ട്ടോ ഹാച്ച്ബാക്ക്, മാരുതിയുടെ വിജയ കുതിപ്പിന് വേഗം കൂട്ടി. വന്നകാലം മുതല് ഇന്നു ഈ നിമിഷം വരെ കമ്പനിയുടെ ഏറ്റവുമധികം വില്ക്കപ്പെടുന്ന കാറുകളില് ഒന്നായി ആള്ട്ടോ 800 തുടരുകയാണ്.
രാജ്യത്തു പ്രാബല്യത്തില് വരാനിരിക്കുന്ന സുരക്ഷാ ചട്ടങ്ങളും മലിനീകരണ നിര്ദ്ദേശങ്ങളുമാണ് മാരുതി ആള്ട്ടോ 800 ഹാച്ച്ബാക്കിന്റെ സാധ്യതകള് കൊട്ടിയടയ്ക്കുന്നത്. സുരക്ഷാ നിര്ദ്ദേശങ്ങള് പാലിക്കാനും ബിഎസ് VI എഞ്ചിനിലേക്കു ചുവടുമാറാനും ആള്ട്ടോ 800 -ന് കഴിയാഞ്ഞിട്ടല്ല.
എന്നാല് ഈ നടപടി ചിലവു ഗണ്യമായി ഉയര്ത്തും. ആള്ട്ടോ 800 ഹാച്ച്ബാക്കിനെ പരിഷ്കരിക്കുന്നത് തങ്ങള്ക്കു തന്നെ ബാധ്യതയായി പിന്നീടു മാറുമെന്നു മാരുതി വിലയിരുത്തുന്നു. ഇതിനു പകരം ശ്രേണിയില് പുതിയ മോഡലിനെ കൊണ്ടുവരുന്നതാണ് കൂടുതല് അഭികാമ്യം.
പഴയ കാറുകള് പുനര്രൂപകല്പന ചെയ്ത് എബിഎസും എയര്ബാഗുകളും ഘടിപ്പിക്കുക ചില്ലറക്കാര്യമല്ല. മോഡലുകള് പുനര്രൂപകല്പന ചെയ്യുമ്പോള് ചിലവു വീണ്ടും കുതിച്ചുയരും. നിലവില് 2.52 ലക്ഷം രൂപ മുതലാണ് വിപണിയില് ഓള്ട്ടോ 800 ഹാച്ച്ബാക്കിന് വില.
കാറിലുള്ള 796 സിസി പെട്രോള് എഞ്ചിന് 48 bhp കരുത്തും 69 Nm torque ഉം പരമാവധി സൃഷ്ടിക്കും. അഞ്ചു സ്പീഡ് ഗിയര്ബോക്സുമായി താളം കണ്ടെത്തുന്ന ആള്ട്ടോ 800 ഹാച്ച്ബാക്കിന്, ഓട്ടോമാറ്റിക് ഗിയര്ബോക്സ് നല്കണമെന്ന ചിന്ത മാരുതിയെ ഒരിക്കല് പോലും കടന്നുപോയിട്ടില്ല.
Most Read: സുരക്ഷയില് വിട്ടുവീഴ്ച്ചയില്ലാത്ത പത്തുലക്ഷത്തിന്റെ കാറുകള്
കുറഞ്ഞ എഞ്ചിന് ശേഷി മോഡലിന്റെ മൈലേജിനെ കാര്യമായി സ്വാധീനിക്കുന്നുണ്ട്. 24.7 കിലോമീറ്റര് വരെ മൈലേജ് ഹാച്ച്ബാക്ക് കാഴ്ച്ചവെക്കും. 695 കിലോയാണ് മോഡലിന്റെ ഭാരം.
Source: CarandBike