Just In
- 16 min ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
- 58 min ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 1 hr ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
- 2 hrs ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
Don't Miss
- News 'ശോഭാ സുരേന്ദ്രൻ 10 ലക്ഷം വാങ്ങി, അനിൽ ആന്റണി 25 ലക്ഷം വാങ്ങി തിരിച്ചുതന്നു'; ആരോപണവുമായി ദല്ലാൾ നന്ദകുമാർ
- Sports IPL 2024: പഴയ തന്ത്രം മാറ്റി സഞ്ജു, മുംബൈ അതൊട്ടും പ്രതീക്ഷിച്ചില്ല! കളി മാറ്റിയത് ഇങ്ങനെ
- Movies ഇത്ര നല്ല പിന്ഭാഗം അവര് കണ്ടിട്ടുണ്ടാകില്ല! പാപ്പരാസികളുടെ സൂമിംഗിനെക്കുറിച്ച് നോറ ഫത്തേഹി
- Lifestyle ജീവിതത്തില് സന്തോഷവും ഐശ്വര്യവും, വാസ്തുദോഷങ്ങള് നീക്കും വെള്ളി മയില് വീട്ടില് ഈ ദിശയില്
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ടാറ്റയ്ക്ക് ടിയാഗൊ ഇവിയെങ്കില് മാരുതിക്ക് വാഗണ്ആര് ഇലക്ട്രിക്ക്, കാഴ്ച്ചക്കാരനാവുമോ മഹീന്ദ്ര?
മുഖ്യാധാര വാഹന നിര്മ്മാതാക്കളില് മഹീന്ദ്ര മാത്രമാണ് ഇന്ത്യയില് വൈദ്യുത വാഹനങ്ങള് വില്ക്കുന്നത്. ഇവെരിറ്റോ (സെഡാന്), e2O പ്ലസ് (ഹാച്ച്ബാക്ക്), ഇസുപ്രോ (വാന്), ഇആല്ഫ മിനി (റിക്ഷ), ട്രിയോ (റിക്ഷ) - വാഹന ശ്രേണിയില് എല്ലായിടത്തും വൈദ്യുത വിപ്ലവത്തിന് മഹീന്ദ്ര തുടക്കമിട്ടു കഴിഞ്ഞു.
ഇതുവരെ മഹീന്ദ്രയുടെ സര്വ്വാധിപത്യമാണ് വൈദ്യുത വാഹന വിപണിയില്. പക്ഷെ ചിത്രം മാറാന് പോകുന്നു. ടാറ്റയും മാരുതിയും സജ്ജമാണ് ഈ നിരയിലേക്കു കടന്നുവരാന്. ടിയാഗൊ ഇവി, ടിഗോര് ഇവി മോഡലുകളെ ടാറ്റ അവതരിപ്പിക്കും. മാരുതിയാകട്ടെ വാഗണ്ആര് ഇലക്ട്രിക്കുമായി കളംനിറയാനുള്ള പടപുറപ്പാടിലാണ്.
2020 ഓടെ വാഗണ്ആര് ഇലക്ട്രിക് ഇന്ത്യയില് യാഥാര്ത്ഥ്യമാകും. നിലവില് വാഗണ്ആര് ഇലക്ട്രിക് ഹാച്ച്ബാക്കുകളെ ഇന്ത്യയില് പരീക്ഷിക്കുന്നതിന്റെ തിരക്കിലാണ് മാരുതി. ഇറക്കുമതി ചെയ്ത കാറുകളാണ് ഇപ്പോള് പരീക്ഷണയോട്ടത്തിന് ഇറങ്ങിയിട്ടുള്ളതെങ്കിലും ഏറെവൈകാതെ മോഡലിനെ പ്രാദേശികമായി നിര്മ്മിക്കാനുള്ള സാധ്യതകള് മാരുതി തേടും. [ചിത്രങ്ങൾ പവർഡ്രിഫ്റ്റിൽ നിന്നും]
ജപ്പാനിലെ സുസുക്കി മോട്ടോര്സാണ് വാഗണ്ആര് ഇലക്ട്രിക് വികസിപ്പിക്കുന്നത്. വൈദ്യുത സാങ്കേതികവിദ്യ ഇവിടുത്തെ ശാല സ്വായത്തമാക്കിയാല് വാഗണ്ആര് ഇലക്ട്രിക്കിന് ഏഴു മുതല് ഒമ്പതുലക്ഷം രൂപ വിലനിലവാരം നിശ്ചയിക്കാന് മാരുതിക്ക് കഴിയും.
ബജറ്റു വിലയില് കാറുകളെ അണിനിരത്തി മാത്രമാണ് മാരുതിക്ക് ശീലം. വാഗണ്ആര് ഇലക്ട്രിക്കിലും പതിവു തെറ്റില്ല. അടുത്തിടെ ദില്ലിയില് നടന്ന 'മൂവ്' ഉച്ചകോടിയിലാണ് വാഗണ്ആര് ഇലക്ട്രിക്കിനെ കമ്പനി ആദ്യമായി പൊതുസമക്ഷം അവതരിപ്പിച്ചത്.
Most Read: 2020 ഏപ്രില് വരെ കാത്തുനില്ക്കില്ല, ബിഎസ് VI വാഹനങ്ങള് പുറത്തിറക്കാന് മാരുതി
ജാപ്പനീസ് ആഭ്യന്തര വിപണിയില് വില്പനയ്ക്കെത്തുന്ന വാഗണ്ആറിന്റെ മാതൃകയിലാണ് ഹാച്ച്ബാക്കിന്റെ ഒരുക്കം. വാഗണ്ആര് ഇവിയായിരിക്കും മാരുതിയുടെ ആദ്യ വൈദ്യുത കാറെന്ന വിവരം കമ്പനി ആദ്യമെ സ്ഥിരീകരിച്ചിട്ടുണ്ട്.
രൂപം വിലയിരുത്തിയാല് വൈദ്യുത കാറായിട്ടു കൂടി രണ്ടായി വിഭജിച്ച വലിയ ഗ്രില്ലുകള് വാഗണ്ആര് ഇലക്ട്രിക്കിന് മുന്നില് കാണാം. വേര്പ്പെട്ട ഹെഡ്ലാമ്പ് ശൈലി കാറിന് ആധുനിക മുഖരൂപം സമ്മാനിക്കുന്നു. വശങ്ങളിലാണ് വാഗണ്ആര് ഇവിക്ക് കൂടുതല് പക്വത.
ബോഡി നിറമുള്ള B പില്ലര് മുന് പിന് ക്യാബിനുകളെ തമ്മില് വേര്തിരിക്കുന്നു. പില്ലറുകള്ക്ക് വീതി കൂടുതലാണ്. ഡോറുകളില് ഘടിപ്പിച്ചിട്ടുള്ള സൈഡ് മിററുകളും മോഡലില് ശ്രദ്ധയാകര്ഷിക്കും. പിറകില് ലളിതമാര്ന്ന ഡിസൈന് ശൈലിയാണ് കാര് പിന്തുടരുന്നത്. താഴ്ന്നിറങ്ങിയ ടെയില്ലാമ്പുകള് പിന്ബമ്പറിനോടു ചേര്ന്നൊരുങ്ങുന്നു.
വകഭേദങ്ങള് അടിസ്ഥാനപ്പെടുത്തി 10-25 kWh വരെ ബാറ്ററി ശേഷിയുള്ള വാഗണ്ആര് ഇലക്ട്രിക്കില് 72 വോള്ട്ട് സംവിധാനമാകും ഇടംപിടിക്കുക. പുതുതലമുറ വാഗണ്ആര് വരാനിരിക്കുന്ന HEARTECT അടിത്തറ വാഗണ്ആര് ഇലക്ട്രിക്കും ഉപയോഗപ്പെടുത്തും.
Most Read: 87 ലക്ഷം രൂപ മുടക്കി വാങ്ങിയ പോര്ഷ കാറില് അക്ഷരത്തെറ്റ് — സംഭവം വൈറൽ
സ്വിഫ്റ്റും ഡിസൈറും ഇതേ അടിത്തറയിലാണ് പുറത്തിറങ്ങുന്നത്. ഇന്ത്യയില് ടൊയോട്ടയുമായി പങ്കുചേര്ന്നാണ് വൈദ്യുത വാഹനങ്ങളെ മാരുതി സുസുക്കി വികസിപ്പിക്കുക. ഇരു കമ്പനികളും ഒപ്പുവെച്ച ധാരണപ്പത്രം പ്രകാരം ടൊയോട്ടയുടെ സാങ്കേതികവിദ്യ ഉപയോഗിച്ചു വൈദ്യുത വാഹനങ്ങളെ മാരുതി നിര്മ്മിക്കും.
ലിഥിയം അയോണ് ബാറ്ററി പാക്കുകളുടെ ഉത്പാദനത്തിനായി ഡെന്സോ, തോഷിബ കമ്പനികളുമായും മാരുതി കൈകോര്ത്തിട്ടുണ്ട്.