Just In
- 3 hrs ago ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ്
- 7 hrs ago ഇതൊരു ബൂം ചിക്കാ വാവ മൊമെന്റ്; കേരളത്തിന് ആദ്യമായി ഡബിൾ ഡക്കർ ട്രെയിൻ
- 7 hrs ago ഉന്നം നെക്സോണും ബ്രെസയും തന്നെ, ഹൈപ്പുയർത്തി മഹീന്ദ്രയുടെ കുഞ്ഞൻ എസ്യുവിയുടെ പുത്തൻ ടീസർ
- 8 hrs ago 150 രൂപക്ക് വിമാനത്തില് പറക്കാം! സിനിമ ടിക്കറ്റിന്റെ പൈസക്ക് വിമാനയാത്ര സാധ്യമാകുന്ന റൂട്ട് കേരളത്തിലുമുണ്ട്
Don't Miss
- Movies സുഹൃത്തുക്കൾ പോയി, അപ്സര ഒറ്റപ്പെട്ട അവസ്ഥയിൽ; തിരിച്ച് വന്ന ശേഷം രസ്മിനും ആളാകെ മാറി; പ്രേക്ഷകർ
- News ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ്
- Lifestyle അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക്
- Sports IPL 2024: ഗില്ലിനെക്കൊണ്ടാവില്ല! ഹാര്ദിക് പാണ്ഡ്യ മടങ്ങി വരൂ..., ആവശ്യപ്പെട്ട് ജിടി ആരാധകര്
- Finance എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി
- Technology 2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും
- Travel ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
തനിമ നഷ്ടപ്പെടാതെ പുത്തന് ഭാവത്തില് മാരുതി വാഗണ്ആര്
ഇന്ത്യയില് ഏറ്റവും പ്രചാരമുള്ള കാറുകളിലൊന്നാണ് മാരുതി വാഗണ്ആര്. തങ്ങളുടെ ടോള് ബോയ് ഹാച്ച്ബാക്കിനോട് ഇന്ത്യയ്ക്കുള്ള പ്രിയം മാരുതിക്ക് നന്നായറിയാം. ആദ്യ വൈദ്യുത കാര് വാഗണ്ആര് ഇവിയായിരിക്കുമെന്ന് പ്രഖ്യാപിച്ച മാരുതി, കഴിഞ്ഞദിവസം മോഡലിനെ രാജ്യത്തു അവതരിപ്പിക്കുകയും ചെയ്തു.
എന്നാല് വൈദ്യുത പതിപ്പിന് മുമ്പെ അടിമുടി പരിഷ്കരിച്ച വാഗണ്ആറിന്റെ പുതുതലമുറയെ ഇങ്ങോട്ടു കൊണ്ടുവരാനുള്ള ഒരുക്കത്തിലാണ് കമ്പനി. 2019 ആദ്യപാദം പുതിയ മാരുതി വാഗണ്ആര് ഇന്ത്യയില് വില്പനയ്ക്കെത്തുമെന്ന് റിപ്പോര്ട്ട്.
ജാപ്പനീസ് വിപണിയില് മോഡല് ഇതിനകം വില്പനയിലുണ്ട്. എന്നാല് കെയ് കാര് ഗണത്തില്പ്പെടുന്ന വാഗണ്ആറില് ചെറിയ 660 സിസി എഞ്ചിനാണ് സുസുക്കി നല്കുന്നത്. എന്തായാലും ഇന്ത്യയില് എത്തുമ്പോള് വാഗണ്ആറിന് നിലവിലുള്ള 1.0 ലിറ്റര് K10 എഞ്ചിന് തന്നെ ലഭിക്കും.
രാജ്യാന്തര നിരയില് വാഗണ്ആറിന്റെ ആറാംതലമുറയാണ് ഇപ്പോള് വില്പനയ്ക്ക് വരുന്നതെങ്കിലും മുഴുവന് തലമുറയെയും ഇന്ത്യയില് കമ്പനി അവതരിപ്പിച്ചിട്ടില്ല. ഹാച്ച്ബാക്കിന്റെ ആദ്യരണ്ടു തലമുറകള് മാത്രമാണ് ഇവിടെ യഥാക്രമം വന്നത്.
Most Read: വൈദ്യുത കാര് ലോകത്ത് ഇനി മാരുതിയും, പ്രതീക്ഷ ഉയര്ത്തി വാഗണ്ആര് ഇവി
മൂന്നാംതലമുറ വാഗണ്ആറിനെ ഇവിടെ വേണ്ടെന്ന് മാരുതി തീരുമാനിക്കുകയുണ്ടായി. ശേഷം വാഗണ്ആര് സ്റ്റിംഗ്റെയ് എന്ന പേരിലാണ് നാലാംതലമുറ വില്പനയ്ക്ക് വന്നതും. വീണ്ടും അഞ്ചാംതലമുറ മോഡലിനെയും ഇന്ത്യയില് കമ്പനി ഉപേക്ഷിച്ചു.
എന്തായാലും പുതിയ ആറാംതലമുറ മാരുതി വാഗണ്ആര് ഇന്ത്യയില് എത്തും. ആള്ട്ടോ K10, സെലറിയോ മോഡലുകളിലുള്ള 1.0 ലിറ്റര് എഞ്ചിന് തന്നെയാകും പുതിയ വാഗണ്ആറിനും. അതേസമയം പുതിയ വാഗണ്ആറിന് സിഎന്ജി പതിപ്പ് ലഭിക്കുമോയെന്ന കാര്യത്തില് വ്യക്തതയില്ല.
വാഗണ്ആറിന് ഡീസല് പതിപ്പ് ഒരുങ്ങുമെന്ന അഭ്യൂഹങ്ങളുണ്ടെങ്കിലും ഇതിനുള്ള സാധ്യത വിരളമാണ്. 1.3 ലിറ്റര് ഡീസല് എഞ്ചിനെ ഉള്ക്കൊള്ളാനുള്ള ശേഷി വാഗണ്ആറിനില്ല. ശബ്ദം കൂടുതലായതുകൊണ്ടാണ് രണ്ടു സിലിണ്ടര് ഡീസല് എഞ്ചിനെ സെലറിയോയില് നിന്നും കമ്പനി നീക്കം ചെയ്തത്.
അതിനാല് വാഗണ്ആറിനെ പെട്രോള് പതിപ്പിനെ മാത്രം വിപണിയില് പ്രതീക്ഷിച്ചാല് മതി. ഇത്തവണ രണ്ടു വ്യത്യസ്ത സീറ്റ് ഘടനകളായിരിക്കും വാഗണ്ആറില്. നേരത്തെ പുറത്തുവന്ന മോഡലിന്റെ ചിത്രങ്ങള് ഇക്കാര്യം സൂചിപ്പിക്കുന്നു.
നിലവിലുള്ള 2+3 ഘടനയ്ക്ക് പുറമെ വിശാലമായ 2+3+2 സീറ്റിങ്ങ് ഘടനയുള്ള മാരുതി വാഗണ്ആറും അണിയറയില് ഒരുങ്ങുന്നുണ്ട്. സ്വിഫ്റ്റ്, ഡിസൈര് മോഡലുകള് പോലെ ഹാര്ടെക്ട് അടിത്തറ പുതുതലമുറ വാഗണ്ആറും ഉപയോഗപ്പെടുത്തും.
ഇക്കാരണത്താല് പുതിയ ഹാച്ച്ബാക്കിന് ഭാരം ഗണ്യമായി കുറയും. വിപണിയില് രണ്ടാമൂഴം കാത്തുനില്ക്കുന്ന പുത്തന് ഹ്യുണ്ടായി സാന്ട്രോയാകും പുതുതലമുറ വാഗണ്ആറിന് പ്രധാനമായും ഭീഷണി മുഴക്കുക. ടിയാഗൊയും വാഗണ്ആറിന് ശക്തനായ എതിരാളിയാണ്.
രാജ്യത്തു പ്രാബല്യത്തില് വരാനിരിക്കുന്ന സുരക്ഷാ നിര്ദ്ദേശങ്ങള് മാനിച്ച് എബിഎസും എയര്ബാഗുകളും ഹാച്ച്ബാക്കില് സ്റ്റാന്ഡേര്ഡ് ഫീച്ചറായി ഒരുങ്ങും.
Most Read: ഹോണ്ട അമേസിന്റെ കുതിപ്പില് നിലതെറ്റി മാരുതി ഡിസൈര്
പരിഷ്കരിച്ച ടച്ച്സ്ക്രീന് ഇന്ഫോടെയ്ന്മെന്റ് സംവിധാനം, എല്ഇഡി പ്രൊജക്ടര് ഹെഡ്ലാമ്പുകള്, ഡെയ്ടൈം റണ്ണിംഗ് ലൈറ്റുകള് തുടങ്ങിയ വിശേഷങ്ങള് പുതിയ മോഡലില് പ്രതീക്ഷിക്കാം. ഇന്ത്യയ്ക്ക് പുറമെ പാശ്ചാത്ത്യ യൂറോപ്യന് നാടുകളിലും ജപ്പാനിലും വാഗണ്ആര് ഹാച്ച്ബാക്കിന് ആരാധകരേറെയുണ്ട്.