Just In
- 9 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 11 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 11 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 12 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- News ദീപിക പദുക്കോണുമായി കൈകോര്ത്ത് ഇഷ അംബാനി, ചില്ലറക്കാരിയല്ല അംബാനിയുടെ മകള്; ആസ്തി ഇത്ര
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Movies അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ടാറ്റയ്ക്ക് ഒരുമുഴം മുൻപേ എറിയാന് എംജി മോട്ടോര് — വരുന്നൂ പൂര്ണ്ണ വൈദ്യുത എസ്യുവി
വൈദ്യുത വാഹനലോകത്ത് വന്കുതിച്ചു ചാട്ടത്തിനൊരുങ്ങുകയാണ് ഇന്ത്യ. ഇതുവരെ മഹീന്ദ്ര മാത്രമായിരുന്നു വൈദ്യുത കാറുകളെ കുറിച്ചു ചിന്തിച്ചതെങ്കില് ഇപ്പോള് മാരുതിയും ടാറ്റയും ഹ്യുണ്ടായിയും ഈ വഴിക്ക് ആലോചനകള് ഉണര്ത്തിക്കഴിഞ്ഞു. വാഗണ്ആറാണ് മാരുതിയുടെ ആദ്യ വൈദ്യുത മോഡല്. ടിയാഗൊ, ടിഗോര് കാറുകള്ക്ക് ടാറ്റയും അവതരിപ്പിക്കും വൈദ്യുത പതിപ്പുകളെ. ഇന്ത്യയ്ക്കായി കോനയുടെ വൈദ്യുത പതിപ്പാണ് ഹ്യുണ്ടായിയുടെ മനസ്സില്.
എന്നാല് ഇവര്ക്കെല്ലാം മുൻപേ വൈദ്യുത വിപണി പിടിക്കാന് പുറമെനിന്നൊരാള് വരുന്നൂ — എംജി മോട്ടോര്. കേട്ടതു ശരിയാണ്. ഇന്ത്യന് മണ്ണില് ഒരേസമയം ഒന്നിലധികം ശ്രേണികളില് കൈവെയ്ക്കാനാണ് എംജി മോട്ടോറിന്റെ പുറപ്പാട്.
2020 ആദ്യപാദം പൂര്ണ്ണമായും വൈദ്യുതിയിലോടുന്ന ഏഴു സീറ്റര് എസ്യുവിയെ എംജി ഇങ്ങോട്ടു കൊണ്ടുവരും. SAIC ഇന്റര്നാഷണല് ബിസിനസ് ഡയറക്ടറായ മൈക്കല് യാങ് ഇക്കാര്യം സ്ഥിരീകരിച്ചു.
Most Read: കാര് വിപണിയിലെ 'ഷവോമി'യാകാന് എംജി മോട്ടോര്; വിലക്കുറവിന്റെ ചൈനീസ് മാജിക് അടുത്തവര്ഷം
ഇന്ത്യന് വൈദ്യുത വാഹന നിരയില് പുതിയ അളവുകോലുകള് സൃഷ്ടിക്കാന് തങ്ങളുടെ എസ്യുവിക്ക് കഴിയുമെന്ന അടിയുറച്ച വിശ്വാസം കമ്പനിക്കുണ്ട്. ഇന്ത്യയില് എംജിയുടെ രണ്ടാമത്തെ മോഡലായി വൈദ്യുത എസ്യുവി വില്പനയ്ക്കെത്തും.
ഹോണ്ട CR-V, ഹ്യുണ്ടായി ട്യൂസോണ് മോഡലുകളെക്കാള് വലുപ്പമുള്ള സി സെഗ്മന്റ് എസ്യുവിയാണ് വരാന്പോകുന്ന ആദ്യ എംജി അവതാരം. നേരത്തെ ബെയ്ജുന് E100 എന്ന ചെറു വൈദ്യുത കാറിനെ SAIC ഇന്ത്യയില് പരീക്ഷിച്ചിരുന്നു.
മൈക്രോ ഇലക്ട്രിക് കാര് ഗണത്തില്പ്പെടുന്ന ബെയ്ജുന് E100 -ന്റെ ഇന്ത്യന് സാധ്യതകള് കമ്പനി ആരായുന്നുണ്ട്. കഴിഞ്ഞവര്ഷം ഓഗസ്റ്റ് മുതലാണ് മോഡല് വില്പനയ്ക്കു വന്നുതുടങ്ങിയത്. രണ്ടുമീറ്ററോളം മാത്രമെ ബെയ്ജുന് E100 -ന് നീളമുള്ളൂ.
ഇതാണ് കാറിന്റെ മുഖ്യ സവിശേഷതയും. പറഞ്ഞുവരുമ്പോള് നാനോയെക്കാളും കുഞ്ഞനാണ് ബെയ്ജുന് E100. ഉയരം 1,600 mm; വീല്ബേസ് 1,670 mm ഉം. ഒറ്റ ചാര്ജ്ജില് ഇരുനൂറു കിലോമീറ്റര് ദൂരമോടാന് ബെയ്ജുന് E100 പ്രാപ്തമാണ്.
Most Read: ഇതാണ് ക്രെറ്റയ്ക്ക് എതിരെ നിസാന് കൊണ്ടുവരുന്ന കിക്ക്സ്
തിരക്കേറിയ നഗര പരിസ്ഥിതികളില് E100 -ന് പ്രയോഗികത കൂടും. കേവലം ഒരു വൈദ്യുത മോട്ടോര് മാത്രമെ ബെയ്ജുന് E100 -നുള്ളൂ. എന്തായാലും അടുത്തവര്ഷം മുതല് എംജി മോട്ടോര് ഇന്ത്യയില് സജീവമാകുന്നതോടുകൂടി SAIC -ന് ഇന്ത്യയില് വേരുറപ്പിക്കാന് തുറന്ന അവസരം ലഭിക്കും.
ഇന്ത്യയില് ആദ്യഘട്ടത്തില് 80,000 മോഡലുകളെ പ്രതിവര്ഷം വില്പനയ്ക്കു കൊണ്ടുവരാനാണ് എംജിയുടെ പദ്ധതി. പിന്നീടു രണ്ടുലക്ഷമായി ഉത്പാദനം കൂട്ടാനും കമ്പനിക്ക് ആലോചനയുണ്ട്. എന്തായാലും വരുംഭാവിയില് കൂടുതല് SAIC മോഡലുകള് ഇന്ത്യയില് മത്സരവിലയില് അവതരിക്കുമെന്ന കാര്യത്തില് തര്ക്കമില്ല.