Just In
- 18 min ago മഹീന്ദ്ര 'പപ്പടം' അങ്ങനെ ഇറക്കാത്തതാണല്ലോ..! ഈ എസ്യുവിക്ക് ക്രാഷ് ടെസ്റ്റില് കിട്ടിയത് 1 സ്റ്റാര്
- 1 hr ago സ്കൂട്ടറിനേക്കാൾ ലാഭമാണല്ലോ, 70 കി.മീ. വരെ റേഞ്ചുള്ള ഇലക്ട്രിക് സൈക്കിളുമായി ഹീറോ
- 2 hrs ago വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം
- 2 hrs ago 10 പേര്ക്ക് സുഖമായി പോകാം, കിലോമീറ്ററിന് ചെലവ് വെറും 3.5 രൂപ! 'മാജിക്' തുടരാന് ടാറ്റ വാന്
Don't Miss
- Sports T20 World Cup: ലോകകപ്പ് കണ്ടാരും പനിക്കണ്ട! യോഗ്യന് പന്ത് തന്നെ; പിന്തുണച്ച് ദാദയും പോണ്ടിംഗും
- Lifestyle 18 മാസം കൊണ്ട് 108 കിലോ കുറച്ചത് വെറുതേയായി; വീണ്ടും തടി കൂടി ആനന്ദ് അംബാനി; കാരണം ഇത്
- Finance 1 വർഷത്തെ കാലാവധിയുള്ള എഫ്.ഡിക്ക് മികച്ച പലിശ നേടാം, ഈ ബാങ്കിലേക്ക് പോകൂ
- News കോൺഗ്രസ് ഭരണത്തിൽ ഹനുമാൻ ചാലിസ കേൾക്കുന്നത് പോലും കുറ്റകരം; വിദ്വേഷ പരാമർശം ആവർത്തിച്ച് മോദി
- Movies ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി
- Technology രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
മാരുതി എര്ട്ടിഗയെ പൂട്ടാന് പുതിയ എക്സ്പാന്ഡര്, രണ്ടും കല്പിച്ച് മിത്സുബിഷി
വര്ഷം 2012. ടൊയോട്ട അടക്കിവാണ എംപിവി ശ്രേണിയില് എര്ട്ടിഗയെ മാരുതി കൊണ്ടുവന്നപ്പോള് വിപണി സംശയിച്ചു. രാജ്യത്തു കോമ്പാക്ട് എസ്യുവി വിപ്ലവം പൊട്ടിപ്പുറപ്പെട്ട കാലം. എല്ലാവര്ക്കും നാലു മീറ്ററില് താഴെയുള്ള എസ്യുവികളെ മതി. ഈ അവസരത്തില് എര്ട്ടിഗയുടെ വരവ് അബദ്ധമല്ലേ? ചോദ്യങ്ങള്ക്ക് മുമ്പില് എര്ട്ടിഗ എംപിവി പതറിയില്ല. കുറഞ്ഞ വിലയും മാരുതിയുടെ വിശ്വാസ്യതയും ഒത്തുചേര്ന്നപ്പോള് എര്ട്ടിഗ ഇന്ത്യയില് ബമ്പര് ഹിറ്റ്.
ഇന്നവോകളെ മാത്രം കണ്ടുപരിചയപ്പെട്ട വിപണിയ്ക്ക് എര്ട്ടിഗ പുതുഅനുഭവമായി. എന്നാല് എന്തുകൊണ്ടോ എര്ട്ടിഗ വെട്ടിത്തെളിച്ച പാതിയിലൂടെ കൂടുതല് നിര്മ്മാതാക്കള് കടന്നുവന്നില്ല. ഫലമോ, ബജറ്റ് എംപിവി നിരയില് ഭീഷണികളില്ലാതെ എര്ട്ടിഗ സ്വസ്ഥമായി തുടരുന്നു.
എന്നാല് മാരുതി എര്ട്ടിഗയുടെ ആധിപത്യം ഉടന്തന്നെ ചോദ്യം ചെയ്യപ്പെട്ടേക്കാം. ജാപ്പനീസ് കാര് നിര്മ്മാതാക്കളായ മിത്സുബിഷി ബജറ്റ് എംപിവി ശ്രേണിയില് ഒരു കൈ നോക്കാനുള്ള പുറപ്പാടിലാണ്. മാരുതി എര്ട്ടിഗയ്ക്കെതിരെ ശക്തനായ ഒരു എതിരാളി.
ഇതിനുവേണ്ടി പുതിയ എക്സ്പാന്ഡറിനെ കമ്പനി കണ്ടുവെച്ചു കഴിഞ്ഞു. മോഡലിനെ ഇങ്ങോട്ടു കൊണ്ടുവരുന്നത് സംബന്ധിച്ച ഔദ്യോഗിക പ്രഖ്യാപനങ്ങള് കമ്പനി നടത്തിയിട്ടില്ല. എന്നാല് എക്സ്പാന്ഡറിനെ ഇന്ത്യന് തീരത്തെത്തിക്കാനുള്ള ഒരുക്കങ്ങള് കമ്പനി തുടങ്ങിയെന്നാണ് വിവരം.
വരവു യാഥാര്ത്ഥ്യമായാല് ആറു മുതല് ഒമ്പതു ലക്ഷം രൂപ വരെ വിലനിലവാരം എക്സ്പാന്ഡറിന് പ്രതീക്ഷിക്കാം. കഴിഞ്ഞ വര്ഷം ഓഗ്സ്റ്റിലാണ് മിത്സുബിഷി എക്സ്പാന്ഡര് ആഗോള വിപണിയില് അവതരിച്ചത്. നിലവില് ഇന്തോനേഷ്യന് വിപണിയില് മോഡല് വില്പനയ്ക്ക് എത്തുന്നുണ്ട്.
ഇന്ത്യയ്ക്ക് പുറമെ തായ്ലാന്ഡ്, ഫിലിപ്പീന്സ് വിപണികളിലേക്കും എക്സ്പാന്ഡറിനെ മിത്സുബിഷി പരിഗണിക്കും. ഏഴു പേര്ക്ക് സഞ്ചരിക്കാവുന്ന തരത്തിലാണ് മിത്സുബിഷി എംപിവിയുടെ ഘടന. എക്സ്പാന്ഡര് ഒരുങ്ങുന്നതാകട്ടെ കമ്പനിയുടെ ഏറ്റവും പുതിയ ഡയനാമിക് ഷീല്ഡ് ഡിസൈന് ശൈലിയിലും.
എക്സ്പാന്ഡറിന്റെ രൂപഭാവത്തില് അക്രമണോത്സുകത തെളിഞ്ഞു കാണാം. എസ്യുവിയുടെ കുപ്പായമിട്ട എംപിവിയെന്നു വേണമെങ്കില് എക്സ്പാന്ഡറിനെ വിശേഷിപ്പിക്കാം. എല്ഇഡി ഡെയ്ടൈം റണ്ണിംഗ് ലൈറ്റുകള് ഒരുങ്ങുന്ന ഹെഡ്ലാമ്പുകള്ക്ക് മൂര്ച്ചേയറിയ ശൈലിയാണ്.
ഹെഡ്ലാമ്പുകള്ക്ക് കീഴെയാണ് ടേണ് ഇന്ഡിക്കേറ്ററുകളും ഹൈബീമുകളും. ഗ്രില്ലിന് താഴെയുള്ള ഭീമന് എയര്ഡാം കാഴ്ച പിടിച്ചുപറ്റുന്നതില് പിന്നില് പോകില്ല. സ്കിഡ് പ്ലേറ്റ് ഒരുങ്ങുന്ന മുന് ബമ്പറിലാണ് ഫോഗ്ലാമ്പുകളുടെ സ്ഥാനം.
വശങ്ങളില് നിന്നും ടെയില്ലാമ്പിലേക്ക് ചേര്ന്നണയുന്ന ഷൗള്ഡര് ലൈന് ഡോര് ഹാന്ഡിലുകള്ക്ക് അടിവരയിട്ടാണ് കടന്നുപോകന്നത്. ടെയില്ലാമ്പുകള് മുന്തലമുറ പജേറോ സ്പോര്ടിനെ മിത്സുബിഷി എക്സ്പാന്ഡര് ഓര്മ്മപ്പെടുത്തും.
മേല്ക്കൂരയില് നിന്ന് നീളുന്ന സ്പോയിലറും ലളിതമായ പിന് ബമ്പറും എക്സ്പാന്ഡറിന്റെ രൂപകല്പനയില് എടുത്തുപറയണം. ബീജ് - ഗ്രെയ് ശൈലിയുള്ള ഇരട്ടനിറമാണ് എംപിവിയുടെ വിശാലമായ അകത്തളത്തിന് ചന്തം ചാര്ത്തുക.
4,475 mm നീളവും 1,750 mm വീതിയും 1,700 mm ഉയരവും എക്സ്പാന്ഡറിനുണ്ട്. ഗ്രൗണ്ട് ക്ലിയറന്സ് 205 mm. ഇന്ത്യന് സാഹചര്യങ്ങള്ക്ക് ഉത്തമമായ ഗ്രൗണ്ട് ക്ലിയറന്സാണിത്. നിലവില് 1.5 ലിറ്റര് നാലു സിലിണ്ടര് നാച്ചുറലി ആസ്പിരേറ്റഡ് MIVEC (മിത്സുബിഷിയുടെ വേരിയബിള് വാല്വ് ടൈമിങ്ങ് സാങ്കേതികവിദ്യ) പെട്രോള് എഞ്ചിന് മാത്രമാണ് മിത്സുബിഷി എക്സ്പാന്ഡറില് തുടിക്കുന്നത്.
എഞ്ചിന് 103.2 bhp കരുത്തും 141 Nm torque ഉം പരമാവധി ഉത്പാദിപ്പിക്കും. അഞ്ചു സ്പീഡാണ് മാനുവല് ഗിയര്ബോക്സ്. ഓട്ടോമാറ്റിക് ഗിയര്ബോക്സ് നാലു സ്പീഡും. നിലവില് പജേറോ സ്പോര്ട്, ഔട്ട്ലാന്ഡര് എസ്യുവികള് മാത്രമാണ് മിത്സുബിഷിയുടെ ഇന്ത്യന് മോഡലുകള്.
Source: CarBlogIndia