Just In
- 28 min ago ലോകം ഇനി ബജാജിനെ ഉറ്റുനോക്കും! ഇതുപോലൊരു ടൂവീലര് ഇതുവരെ ആരും പുറത്തിറക്കിയിട്ടില്ല
- 53 min ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
- 1 hr ago 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം
- 2 hrs ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
Don't Miss
- Sports T20 World Cup 2024: ഇതു അതു തന്നെ, സഞ്ജുവും ലോകകപ്പിന്! കോള് വന്നു? നിര്ണായക സൂചന
- News തിരഞ്ഞെടുപ്പ് കമ്മീഷന്റെ സ്വീപ് യൂത്ത് ഐക്കൺ ആണ്; പക്ഷേ മമിത ബൈജുവിന് ഇത്തവണ വോട്ടില്ല
- Finance കീശ ചോരില്ല, ഈ രണ്ട് ഓഹരികൾ വാങ്ങാമെന്ന് ബ്രോക്കറേജ്, നേട്ടം എത്രയാണെന്ന് നോക്കാം
- Lifestyle ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം
- Movies നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി!
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ആഗോള വിപണിയില് പുതിയ എര്ട്ടിഗ എത്തി; ഇനി നേരെ ഇന്ത്യയിലേക്ക്!
ഒടുവില് പുതുതലമുറ എര്ട്ടിഗ ലോകത്തിന് മുന്നില് പ്രത്യക്ഷപ്പെട്ടു. നടന്നുകൊണ്ടിരിക്കുന്ന 2018 ഇന്തോനേഷ്യ മോട്ടോര് ഷോയില് ഇന്ത്യ കാത്തിരുന്ന രണ്ടാം തലമുറ എര്ട്ടിഗ പിറവിയെടുത്തു. തികച്ചും വ്യത്യസ്തമാണ് പുതിയ എര്ട്ടിഗയുടെ രൂപവും ഭാവവും. ആകാരത്തിലും എര്ട്ടിഗ വളര്ച്ച കൈവരിച്ചിട്ടുണ്ട്.
നിലവിലുള്ള മോഡലിനെക്കാളും 99 mm നീളവും, 40 mm വീതിയും, 5 mm ഉയരവും പുതിയ എര്ട്ടിഗയ്ക്ക് കൂടുതലാണ്. ഗ്രൗണ്ട് ക്ലിയറന്സ് 180 mm. വീല്ബേസില് മാറ്റമില്ല. എന്തായാലും അകത്തളം വിശാലമായിരിക്കുമെന്ന കാര്യം വ്യക്തം.
ഇനി മൂന്നാം നിരയില് യാത്രക്കാര്ക്ക് സുഖമായി ഇരിക്കാന് സാധിക്കും. ഇന്നോവ ക്രിസ്റ്റയുടെ ശൈലിയെ അങ്ങിങ്ങായി പുതിയ എര്ട്ടിഗയില് കാണാം. ഹെഡ്ലാമ്പുകളും ത്രികോണാകൃതിയുള്ള ടെയില്ലാമ്പും ഒരുപരിധി വരെ ഇന്നോവ ക്രിസ്റ്റയെ അനുസ്മരിപ്പിക്കും.
എര്ട്ടിഗയ്ക്ക് പക്വത ലഭിച്ചെന്ന് നിസംശയം പറയാം. ക്രോം അലങ്കാരത്തോടെയാണ് പുതിയ ഹെക്സഗണല് ഗ്രില്. കോണോട് കോണുള്ള ഹെഡ്ലാമ്പുകളില് പ്രൊജക്ടര് ലെന്സുകളാണ് സാന്നിധ്യമറിയിക്കുന്നത്.
പരിഷ്കരിച്ച മുന് ബമ്പറില് C ആകൃതിയിലാണ് ഫോഗ് ലാമ്പുകള്ക്കുള്ള ഇടം. ബോണറ്റിലുള്ള വരകള് എര്ട്ടിഗയുടെ പക്വത വെളിപ്പെടുത്തും. WR-V യില് നിന്നും പ്രചോദനമുള്ക്കൊണ്ട എല്ഇഡി ടെയില്ലാമ്പുകളാണ് പുതിയ എര്ട്ടിഗയ്ക്ക്.
പിറകിലെ വിന്ഡ്സ്ക്രീന് ഒരല്പം കുത്തനെ ഉയര്ത്തിയതായി കാണാം. ലൈസന്സ് പ്ലേറ്റിനുമുണ്ട് ക്രോം അലങ്കാരം. പുതിയ 15 ഇഞ്ച് 185/R65 അലോയ് വീലുകളിലാണ് രണ്ടാം തലമുറ എര്ട്ടിഗയുടെ ഒരുക്കം.
അകത്തളത്തിലും കാര്യമായ മാറ്റങ്ങളുണ്ട്. ബീജ് നിറമാണ് ഉള്ളില്. സ്വിഫ്റ്റിലും ഡിസൈറിലും കണ്ട ഡാഷ്ബോര്ഡാണ് പുതിയ എര്ട്ടിഗയുടെ അകത്തളത്തിലും. ആപ്പിള് കാര്പ്ലേ, ആന്ഡ്രോയ്ഡ് ഓട്ടോ കണക്ടിവിറ്റിയുള്ള ഇന്ഫോടെയ്ന്മെന്റ് സംവിധാനം എര്ട്ടഗിയിലുണ്ട്.
സ്റ്റാര്ട്ട്/സ്റ്റോപ് ബട്ടണ്, ഫ്ളാറ്റ് ബോട്ടം സ്റ്റീയറിംഗ് വീല്, ഉയരം ക്രമീകരിക്കാവുന്ന ഡ്രൈവര് സീറ്റ്, ചെരിവ് നിയന്ത്രിക്കാവുന്ന സ്റ്റീയറിംഗ് വീല്, നാലു സ്പീക്കറുകള് എന്നിങ്ങനെ നീളും അകത്തളത്തെ മറ്റു വിശേഷങ്ങള്.
പുത്തന് 1.5 ലിറ്റര് K15B DOHC VVT പെട്രോള് എഞ്ചിനാണ് എര്ട്ടിഗയുടെ മുഖ്യാകര്ഷണം. എഞ്ചിന് പരമാവധി 104 bhp കരുത്തും 138 Nm torque ഉം സൃഷ്ടിക്കാനാവും.
അഞ്ചു സ്പീഡ് മാനുവല്, നാലു സ്പീഡ് ടോര്ഖ് കണ്വേര്ട്ടര് ഓട്ടോമാറ്റിക് ഗിയര്ബോക്സാണ് രണ്ടാം തലമുറ എര്ട്ടിഗയില്. ഇന്ത്യയിലും ഇതേ എഞ്ചിന് പതിപ്പുകളായിരിക്കും വരിക. നിലവിലുള്ള 1.4 ലിറ്റര് എഞ്ചിന് പകരക്കാരനാണ് പുതിയ 1.5 ലിറ്റര് പെട്രോള് എഞ്ചിന്.
ഡീസല് പതിപ്പില് 1.3 ലിറ്റര് DDiS എഞ്ചിന് തന്നെയാകും തുടരുക. അഞ്ചു സ്പീഡ് മാനുവല് ഗിയര്ബോക്സ് മാത്രമായിരിക്കും ഡീസല് എര്ട്ടിഗയില്. 2012 ല് ഇന്ത്യയിലും ഇന്തോനേഷ്യയിലും ഒരുമിച്ചാണ് എര്ട്ടിഗയുടെ ഉത്പാദനവും വില്പനയും കമ്പനി തുടങ്ങിയത്.
ഇരു രാജ്യങ്ങളിലും തുടക്കം മുതല്ക്കെ എര്ട്ടിഗ എംപിവി ഹിറ്റാണ്. വരും മാസങ്ങളില് തന്നെ പുതുതലമുറ എര്ട്ടിഗയുടെ ഉത്പാദനം ഇന്ത്യയില് മാരുതി ആരംഭിക്കുമെന്നാണ് വിവരം.