Just In
- 19 min ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 47 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 59 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 1 hr ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
Don't Miss
- Movies മണ്ടനെന്നു വിളിക്കുന്നവരെ മണ്ടനാക്കുന്നവന്; വിന്നറാകാന് ഏറ്റവും യോഗ്യന് ജിന്റോ തന്നെ!
- Technology ഇനി ഡാഷ് ക്യാം വാങ്ങേണ്ട! പഴയ ഫോൺ ഉണ്ടെങ്കിൽ എല്ലാം സെറ്റ്!
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പുതിയ ടാറ്റ ടിയാഗൊ XZ പ്ലസ് വിപണിയില്, വില 5.57 ലക്ഷം രൂപ മുതല്
വീണ്ടും ടിയാഗൊയ്ക്ക് പുത്തന് വകഭേദം സമര്പ്പിച്ച് ടാറ്റ. പുതിയ ടിയാഗൊ XZ പ്ലസ് വിപണിയില് പുറത്തിറങ്ങി. ടിയാഗൊ നിരയിലെ ഏറ്റവും ഉയര്ന്ന വകഭേദമാണിത്. ഇതോടെ ടിയാഗൊ വകഭേദങ്ങളുടെ എണ്ണം ഇരുപത്തിയാറായി. 5.57 ലക്ഷം രൂപയാണ് ടാറ്റ ടിയാഗൊ XZ പ്ലസ് പെട്രോള് പതിപ്പിന് വില. ഇരട്ടനിറമുള്ള പെട്രോള് പതിപ്പ് 5.64 ലക്ഷം രൂപയ്ക്ക് വില്പ്പനയ്ക്ക് വരും.
6.31 ലക്ഷം രൂപ മുതലാണ് ടിയാഗൊ XZ പ്ലസ് ഡീസലിന് വില. ഇരട്ടനിറമുള്ള ഡീസല് മോഡല് ലഭ്യമാവുക 6.38 ലക്ഷം രൂപയ്ക്കും. വിലകള് ദില്ലി ഷോറൂം അടിസ്ഥാനപ്പെടുത്തി. ടിയാഗൊ ജെടിപി എഡിഷന് തൊട്ടുതാഴെയാണ് പുതിയ XZ പ്ലസ് വകഭേദം സ്ഥാനം പിടിക്കുന്നത്.
കാന്യണ് ഓറഞ്ച്, ഓഷ്യന് ബ്ലൂ എന്നീ പുതുനിറങ്ങള് ടിയാഗൊ XZ പ്ലസിന്റെ മുഖ്യവിശേഷങ്ങളില്പ്പെടും. ഡിസൈനില് ചെറിയ മാറ്റങ്ങള് XZ പ്ലസ് കുറിക്കുന്നുണ്ട്. നിരയിലെ മറ്റു മോഡലുകളെ അപേക്ഷിച്ച് പുറംമോടിയില് ക്രോം അലങ്കാരങ്ങള്ക്ക് കൂടുതല് പ്രധാന്യം കാണാം.
വശങ്ങളിലെ മൗള്ഡിംഗ് ഘടനകള് കാറിന് പുതുമയേകുന്നു. ഇരട്ടനിറ പതിപ്പുകള്ക്ക് തിളക്കമേറിയ കറുത്ത മേല്ക്കൂരയാണുള്ളത്. ഇരുണ്ട (സ്മോക്ക്ഡ്) പ്രൊജക്ടര് ഹെഡ്ലാമ്പുകള്, വൈദ്യുത പിന്തുണയാല് ക്രമീകരിക്കാനും മടക്കാനും കഴിയുന്ന മിററുകള്, ഇരട്ടനിറമുള്ള പുതിയ 15 ഇഞ്ച് അലോയ് വീലുകള് എന്നിവയും XZ പ്ലസ് മോഡലില് എടുത്തുപറയണം.
ഉള്ളില് 7.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സംവിധാനമാണ് ആകര്ഷണം. കണക്ട് നെക്സ്റ്റ്, ആന്ട്രോയ്ഡ് ഓട്ടോ, വോയിസ് കമ്മാന്ഡ് ഓപ്ഷനുകളുടെ പിന്തുണ ഇന്ഫോടെയ്ന്മെന്റ് സംവിധാനത്തിനുണ്ട്. XZ വകഭേദത്തില് നിന്നുള്ള മുഴുവന് ഫീച്ചറുകളും പുതിയ XZ പ്ലസിലേക്കും കമ്പനി കൊണ്ടുവന്നിട്ടുണ്ട്.
എഞ്ചിനില് പരിഷ്കാരങ്ങളില്ല. നിലവിലെ 1.2 ലിറ്റര് പെട്രോള്, 1.1 ലിറ്റര് ഡീസല് എഞ്ചിനുകള് ടിയാഗൊ XZ പ്ലസിലും തുടിക്കും. മൂന്നു സിലിണ്ടര് പെട്രോള് എഞ്ചിന് 84 bhp കരുത്തും 115 Nm torque ഉം പരമാവധി സൃഷ്ടിക്കാനാവും.
Most Read: ടാറ്റ കാറുകളില് വമ്പന് ഡിസ്കൗണ്ട് — വര്ഷാവസാന ഓഫറുകള് ഇങ്ങനെ
ടര്ബ്ബോയുള്ള മൂന്നു സിലിണ്ടര് എഞ്ചിന് 69 bhp കരുത്തും 140 Nm torque -മുണ്ട്. അഞ്ചു സ്പീഡ് മാനുവല് ഗിയര്ബോക്സ് ഇരു എഞ്ചിന് പതിപ്പുകളിലും സ്റ്റാന്ഡേര്ഡ് ഫീച്ചറാണ്. അഞ്ചു സ്പീഡ് എഎംടി ഗിയര്ബോക്സ് പിന്നീടൊരു അവസരത്തില് മാത്രമെ XZ പ്ലസിന് കമ്പനി നല്കുകയുള്ളൂ.
കഴിഞ്ഞമാസമാണ് ടിയാഗൊയുടെ പെര്ഫോര്മന്സ് പതിപ്പ് ജെടിപി എഡിഷനെ ടാറ്റ വിപണിയില് കൊണ്ടുവന്നത്. ഇന്ത്യയിലെ ഏറ്റവും വില കുറഞ്ഞ പെര്ഫോര്മന്സ് ഹാച്ച്ബാക്കാണ് ടിയാഗൊ JTP എഡിഷന്.
പ്രകടനക്ഷമത മുന്നിര്ത്തി റീട്യൂണ് ചെയ്തതിനാല് കാറിലെ 1.2 ലിറ്റര് ടര്ബ്ബോ പെട്രോള് എഞ്ചിന് 114 bhp കരുത്തും 150 Nm torque ഉം പരമാവധിയേകും. ചടുലമായ ഡ്രൈവിംഗിന് വേണ്ടി ഗിയര് അനുപാതവും അഞ്ചു സ്പീഡ് മാനുവല് ഗിയര്ബോക്സില് കമ്പനി പരിഷ്കരിച്ചിട്ടുണ്ട്. വിപണിയില് 6.39 ലക്ഷം മുതലാണ് ടിയാഗൊ JTP എഡിഷന് വില.