Just In
- 2 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 3 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 3 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
- 4 hrs ago വെറും 2.99 ലക്ഷം മാത്രം! വർക്കിലും ലുക്കിലും നിഞ്ചയെ തൂക്കും മാക് 2 പതിപ്പുമായി അൾട്രാവയലറ്റ്
Don't Miss
- Movies വളരെ പക്വതയുള്ളവളാണ്; ഞങ്ങൾ തമ്മിൽ വഴക്കുണ്ടാകുമ്പോൾ; ശാലിനിയെക്കുറിച്ച് അജിത്ത് പറഞ്ഞ വാക്കുകൾ
- Sports IPL 2024: പന്ത് നിലത്ത് തട്ടി? എന്നിട്ടും ഔട്ട് വിളിച്ചു! പൃഥ്വിയുടെ പുറത്താകല് വിവാദത്തില്
- News നിമിഷപ്രിയയെ യെമനിലെ ജയിലിലെത്തി കണ്ട് അമ്മ; കൂടിക്കാഴ്ച്ച 12 വര്ഷങ്ങള്ക്ക് ശേഷം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Lifestyle അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ഹ്യുണ്ടായി ക്രെറ്റയോടു മത്സരിക്കാന് ഫോക്സ്വാഗണും, ഇതാണ് പുതിയ ടി-ക്രോസ്
ടി-ക്രോസ്, ഫോക്സ്വാഗണിന്റെ പുതിയ കോമ്പാക്ട് എസ്യുവി. ഹ്യുണ്ടായി ക്രെറ്റ കളംനിറഞ്ഞ ശ്രേണിയില് ടി-ക്രോസുമായി കടന്നുവരാനുള്ള തയ്യാറെടുപ്പിലാണ് ജര്മ്മന് നിര്മ്മാതാക്കള്. 2016 ജനീവ മോട്ടോര് ഷോയിലാണ് ടി-ക്രോസിനെ ഫോക്സ്വാഗണ് ആദ്യമായി കാഴ്ചവെച്ചത്.
അന്നു കോളിളക്കം സൃഷ്ടിച്ചെങ്കിലും മോഡലിനെ കുറിച്ച് പിന്നീടൊന്നും പറഞ്ഞു കേട്ടില്ല. എന്നാല് രണ്ടുവര്ഷങ്ങള്ക്കിപ്പുറം തങ്ങളുടെ ഏറ്റവും ചെറിയ എസ്യുവിയെ ഫോക്സ്വാഗണ് മറയ്ക്ക് പുറത്തു കൊണ്ടുവരികയാണ്.
ടി-റോക്ക്, ടിഗ്വാന്, ടിഗ്വാന് ഓള്സ്പേസ്, ടൂറെഗ് എന്നിവരാണ് മറ്റു ഫോക്സ്വാഗണ് എസ്യുവികള്. ഇന്ത്യന് സാഹചര്യങ്ങള്ക്ക് അനുയോജ്യമായ ചെറു എസ്യുവിയായിരിക്കും പുതിയ ഫോക്സ്വാഗണ് ടി-ക്രോസ്. കമ്പനിയുടെ ഏറ്റവും പുത്തന് ഡിസൈന് ശൈലി അഞ്ചു സീറ്റര് എസ്യുവി അവകാശപ്പെടും.
ക്രോം സ്ലാറ്റ് ഗ്രില്ലിനോട് ചേര്ന്നണയുന്ന ഹെഡ്ലാമ്പുകള് മോഡലിന്റെ ഡിസൈന് സവിശേഷതയാണ്. ഫോഗ്ലാമ്പുകള്ക്ക് അടിവര നല്കുംവിധത്തിലാണ് മുന്നില് സ്കിഡ് പ്ലേറ്റ് ഒരുങ്ങുക. കമ്പനി പുറത്തുവിട്ട മോഡലിന്റെ രേഖാചിത്രം ഇക്കാര്യങ്ങള് വെളിപ്പെടുത്തുന്നു.
മറ്റു ഫോക്സ്വാഗണ് എസ്യുവികളിലേതു പോലെ കടുപ്പം കൂടിയ വരകള് ടി-ക്രോസിന്റെ വശങ്ങളിലുണ്ടാകും. ടയറുകള്ക്ക് വലുപ്പം കുറയാനാണ് സാധ്യത. 16 ഇഞ്ച് അലോയ് വീലുകള് ടി-ക്രോസില് പ്രതീക്ഷിക്കാം. പിറകില് എല്ഇഡി ടെയില്ലാമ്പുകള് ശ്രദ്ധയാകര്ഷിക്കും.
സ്കിഡ് പ്ലേറ്റും മേല്ക്കൂരയില് നിന്നും ചാഞ്ഞിറങ്ങുന്ന സ്പോയിലറും മോഡലിന്റെ സവിശേഷതകളില്പ്പെടും. ഇന്ത്യന് വിപണിയ്ക്കായി കമ്പനി പ്രത്യേകം വികസിപ്പിക്കുന്ന MQB A0 അടിത്തറയിലാണ് ടി-ക്രോസ് പുറത്തുവരിക.
വിഖ്യാത MQB അടിത്തറയെ പശ്ചാത്തലമാക്കി സ്കോഡ നിര്മ്മിക്കുന്ന ചെലവു കുറഞ്ഞ പുത്തന് അടിത്തറയാണിത്. നീളം 4,107 mm. അതായത് ഹ്യുണ്ടായി ക്രെറ്റയെക്കാളും (4,270 mm) ടി-ക്രോസിന് നീളം കുറവായിരിക്കും.
എന്നാല് ഫോര്ഡ് ഇക്കോസ്പോര്ടിനെക്കാളും (3,998 mm) നീളം എസ്യുവിക്കുണ്ടുതാനും. പോളോയുമായി വെച്ചുനോക്കിയാല് 54 mm നീളം മാത്രമെ ടി-ക്രോസ് കൂടുതല് അവകാശപ്പെടുകയുള്ളു. മോഡലിന്റെ എഞ്ചിന് വിവരങ്ങള് കമ്പനി പുറത്തുവിട്ടിട്ടില്ല.
1.2 ലിറ്റര് ടര്ബ്ബോചാര്ജ്ഡ് പെട്രോള്, 1.5 ലിറ്റര് ഡീസല് എഞ്ചിനുകള് ടി-ക്രോസില് ഒരുങ്ങുമെന്നു പ്രതീക്ഷിക്കാം. അഞ്ചു സ്പീഡ് മാനുവല്, ഏഴു സ്പീഡ് ഡിഎസ്ജി ഓട്ടോമാറ്റിക് എന്നിങ്ങനെയായിരിക്കും ഗിയര്ബോക്സ്.
ഇന്ത്യയില് മുന് വീല് ഡ്രൈവ് ഘടന മാത്രമെ ടി-ക്രോസിലുണ്ടാവുകയുള്ളു. എന്നാല് വിദേശ വിപണികളില് ടി-ക്രോസിന്റെ ഓള് വീല് ഡ്രൈവ് വകഭേദങ്ങള് വില്പനയ്ക്കെത്തും. ആഗോള വിപണിയില് ഈ വര്ഷാവസാനം അല്ലെങ്കില് അടുത്തവര്ഷം ആദ്യപാദം എസ്യുവി അവതരിക്കും. ഇന്ത്യയില് 2020 ഓടെ മോഡലിനെ പ്രതീക്ഷിക്കാം.