Click it and Unblock the Notifications
Just In
-
-
-
-
Don't Miss
-
പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം -
സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും… -
ആശ്വാസം; ഇന്ന് മഴ പെയ്യും, ഈ രണ്ട് ജില്ലകൾ ഒഴികെയുള്ള ജില്ലകളിൽ മഴയ്ക്ക് സാധ്യത; മുന്നറിയപ്പ്.. -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
നിസാന്‍ ടെറാനോ സ്‌പോര്‍ട് എഡിഷന്‍ വിപണിയില്‍; വില 12.22 ലക്ഷം രൂപ
നിസാന്‍ ടെറാനോ സ്‌പോര്‍ട് എഡിഷന്‍ ഇന്ത്യയില്‍ പുറത്തിറങ്ങി. 12.22 ലക്ഷം രൂപയാണ് നിസാന്‍ ടെറാനോ സ്‌പോര്‍ട് എഡിഷന്റെ എക്‌സ്‌ഷോറൂം വില (ദില്ലി). രൂപത്തിലും ഭാവത്തിലും മിനുങ്ങിയെത്തുന്ന ടെറാനോ സ്‌പോര്‍ട് എഡിഷനില്‍ ഒരുപിടി പുത്തന്‍ ഫീച്ചറുകളും പ്രധാന ആകര്‍ഷണമായി മാറുന്നു.
കറുപ്പ് നിറം പൂര്‍ണ പശ്ചാത്തലമാകുന്ന മേല്‍ക്കൂരയും സ്‌പോര്‍ടി ബോഡി ഗ്രാഫിക്‌സുമാണ് നിസാന്‍ ടെറാനോ സ്‌പോര്‍ടില്‍ എടുത്തുപറയേണ്ട ആദ്യ വിശേഷം. പില്ലറുകള്‍ക്ക് നിറം കറുപ്പാണ്. വീല്‍ ആര്‍ച്ചുകളിലുള്ള ക്ലാഡിംഗും ഇതേ നിറത്തില്‍ തന്നെ.
ബോണറ്റിലും, മുന്‍ ഫെന്‍ഡറുകളിലും, പിന്‍ ബമ്പറിലും വീതിയേറിയ ചുവപ്പ് വരകള്‍ കാണാം. ഇരട്ട നിറമാണ് അകത്തളത്തിലുള്ള ഡാഷ്‌ബോര്‍ഡിന്. ക്രിംസണ്‍ നിറത്തിലുള്ള സീറ്റ് കവറുകളും ഫ്‌ളോര്‍ മാറ്റുകളും നിസാന്‍ ടെറാനോ സ്‌പോര്‍ടിന്റെ അകത്തള വിശേഷങ്ങളില്‍ ഉള്‍പ്പെടും.
7.0 ഇഞ്ച് ടച്ച്‌സ്‌ക്രീന്‍ ഇന്‍ഫോടെയ്ന്‍മെന്റ് സംവിധാനമാണ് കാറില്‍. സ്റ്റീയറിംഗ് വീലില്‍ കണ്‍ട്രോള്‍ സ്വിച്ചുകള്‍ ഒരുങ്ങുന്നുണ്ട്. ടച്ച് ലെയ്ന്‍ ചേഞ്ച് ഇന്‍ഡിക്കേറ്റര്‍, ഇരട്ട എയര്‍ബാഗുകള്‍, ഡെയ്‌ടൈം റണ്ണിംഗ് ലൈറ്റുകള്‍, ആന്റി-ലോക്ക് ബ്രേക്കിംഗ് സംവിധാനം, ബ്രേക്ക് അസിസ്റ്റ് ഉള്ള ഇലക്ട്രോണിക് ബ്രേക്ക്‌ഫോഴ്‌സ് ഡിസ്ട്രിബ്യൂഷന്‍ എന്നിങ്ങനെ നീളും നിസാന്‍ ടെറാനോ സ്‌പോര്‍ടിന്റെ സുരക്ഷാ സംവിധാനങ്ങള്‍.
അതേസമയം മോഡലിന്റെ എഞ്ചിനില്‍ മാറ്റമില്ല. നിലവിലുള്ള 1.6 ലിറ്റര്‍ പെട്രോള്‍, 1.5 ലിറ്റര്‍ ഡീസല്‍ എഞ്ചിനുകളിലാണ് നിസാന്‍ ടെറാനോ സ്‌പോര്‍ടിന്റെ ഒരുക്കം. പെട്രോള്‍ എഞ്ചിന് പരമാവധി 102 bhp കരുത്തും 145 Nm torque ഉം സൃഷ്ടിക്കാനാവും.
അഞ്ചു സ്പീഡാണ് മാനുവല്‍ ഗിയര്‍ബോക്‌സ്. രണ്ടു ട്യൂണിംഗ് നിലയിലാണ് ഡീസല്‍ എഞ്ചിന് ലഭ്യമാവുക. 84 bhp കരുത്തും 200 Nm torque ഉം ഉത്പാദിപ്പിക്കാന്‍ ആദ്യ ഡീസല്‍ പതിപ്പിന് സാധിക്കും.
108 bhp കരുത്തും 243 Nm torque ഉം പരമാവധി സൃഷ്ടിക്കുന്നതാണ് രണ്ടാം ഡീസല്‍ പതിപ്പ്. അഞ്ചു സ്പീഡ് മാനുവല്‍ ഗിയര്‍ബോക്‌സാണ് ആദ്യ ഡീസല്‍ പതിപ്പില്‍; ആറു സ്പീഡ് മാനുവല്‍, ആറു സ്പീഡ് ഓട്ടോമാറ്റിക് ഗിയര്‍ബോക്‌സ് ഓപ്ഷന്‍ കരുത്തുത്പാദനം കൂടിയ രണ്ടാം ഡീസല്‍ പതിപ്പില്‍ ലഭ്യമാണ്.
