Just In
- 4 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 7 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 7 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 8 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Sports IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള്
- News മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
'ഹാരിയര്', പുതിയ എസ്യുവിക്ക് ടാറ്റ പേരിട്ടു — അടുത്ത വര്ഷം വിപണിയില്
ലോകം ഇത്രനാളും H5X എന്നു പേരുചൊല്ലി വിളിച്ച എസ്യുവി ഇനി അറിയപ്പെടുക ടാറ്റ ഹാരിയറായി (Harrier). ഹാരിയര് എന്ന പേരില് പുതിയ അഞ്ചു സീറ്റര് എസ്യുവി വിപണിയില് എത്തുമെന്നു ഇന്ത്യന് നിര്മ്മാതാക്കളായ ടാറ്റ പ്രഖ്യാപിച്ചു. അടുത്ത വര്ഷം ആദ്യപാദം ടാറ്റ ഹാരിയര് ഇന്ത്യയില് പുറത്തിറങ്ങും. മാരുതിയുടെ പ്രീമിയം നെക്സ ഡീലര്ഷിപ്പുകള് പോലെ ഹാരിയര് എസ്യുവിക്ക് വേണ്ടി പ്രത്യേക വിപണന ശൃഖല ടാറ്റ സ്ഥാപിക്കും.
വരും ദിവസങ്ങളില് തന്നെ ഹാരിയര് എസ്യുവിയുടെ ഉത്പാദനം ടാറ്റ തുടങ്ങുമെന്നാണ് വിവരം. പുതിയ ഹാരിയര് എസ്യുവിയെ നിര്മ്മാണം മുന്നിര്ത്തി പൂനെ നിര്മ്മാണശാലയുടെ ഉത്പാദനശേഷി കമ്പനി കൂട്ടാൻ പോവുകയാണ്.
2018 ഓട്ടോ എക്സ്പോയില് ടാറ്റ കാഴ്ചവെച്ച H5X കോണ്സെപ്റ്റ് എസ്യുവിയുടെ രൂപവും ഭാവവുമായിരിക്കും ഹാരിയറിന്. കമ്പനിയുടെ ഏറ്റവും പുതിയ ഒപ്റ്റിമല് മൊഡ്യുലാര് എഫിഷ്യന് ഗ്ലോബല് അഡ്വാന്സ്ഡ് ആര്കിടെക്ചറിലാണ് എസ്യുവി പുറത്തുവരിക.
ലാന്ഡ് റോവര് ഡിസ്കവറി സ്പോര്ട് ഒരുങ്ങുന്നതും ഇതേ അടിത്തറയില് നിന്നാണ്. ഹാരിയറിന്റെ രൂപകല്പനയില് ജാഗ്വാര് ലാന്ഡ് റോവര് നിര്ണായക സ്വാധീനം ചെലുത്തിയിട്ടുണ്ട്. അതേസമയം ഇന്ത്യന് സാഹചര്യങ്ങള് മുന്നിര്ത്തി ഹാരിയറിന് വേണ്ടി ലാന്ഡ് റോവര് അടിത്തറയെ ടാറ്റ തദ്ദേശീയമായി വികസിപ്പിക്കും.
ഘടകങ്ങളുടെ പ്രാദേശിക സമാഹരണം പരമാവധി വര്ധിപ്പിച്ച് ഹാരിയറിന്റെ വില നിയന്ത്രിച്ചു നിര്ത്താനാണ് കമ്പനിയുടെ തീരുമാനം. ജീപ് കോമ്പസില് തുടിക്കുന്ന ഫിയറ്റിന്റെ 2.0 ലിറ്റര് ഡീസല് മള്ട്ടിജെറ്റ് എഞ്ചിന് ഹാരിയറില് ടാറ്റ ഉപയോഗിക്കും.
എഞ്ചിന് 140 bhp കരുത്തും 320 Nm torque ഉം പരമാവധി സൃഷ്ടിക്കാനാവും. ആറു സ്പീഡായിരിക്കും സ്റ്റാന്ഡേര്ഡ് മാനുവല് ഗിയര്ബോക്സ്. ഇന്ത്യയില് 2.0 ലിറ്റര് ഫിയറ്റ് ഡീസല് എഞ്ചിന് തുടിക്കുന്ന രണ്ടാമത്തെ മോഡലായി ടാറ്റ ഹാരിയര് മാറും.
മുന് വീല് ഡ്രൈവ്, ഓള് വീല് ഡ്രൈവ് വകഭേദങ്ങള് ഹാരിയറിന് ലഭിക്കുമെന്നാണ് വിവരം. ലാന്ഡ് റോവറിന്റെ ടെറെയ്ന് റെസ്പോണ് സംവിധാനം ഒരുങ്ങുന്ന ഓള് വീല് ഡ്രൈവ് ടാറ്റ എസ്യുവിയില് മുഖ്യാകര്ഷണമായി മാറും.
ഇതിന് പുറമെ ഡിസ്കവറിയില് ഇടംപിടിക്കുന്ന ഓള് ഇന്ഡിപെന്ഡന്റ് സസ്പെന്ഷനും ഹാരിയര് അവകാശപ്പെടും. എസ്യുവിയുടെ ഓട്ടോമാറ്റിക് പതിപ്പിനെ കുറിച്ചു പിന്നീടൊരു ഘട്ടത്തില് മാത്രമെ കമ്പനി ചിന്തിക്കുകയുള്ളു.
ടാറ്റയുടെ ഏറ്റവും പുതിയ ഇംപാക്ട് 2.0 ഡിസൈന് ശൈലിയ്ക്കാണ് പുതിയ ഹാരിയര് തുടക്കം കുറിക്കുക. 4,575 mm നീളവും 1,960 mm വീതിയും 1,686 mm ഉയരവും ടാറ്റയുടെ ഫ്ളാഗ്ഷിപ്പ് എസ്യുവിക്കുണ്ട്. വീല്ബേസ് 2,740 mm.
ജീപ് കോമ്പസും മഹീന്ദ്ര XUV500 ഉം എതിരാളികളാണെന്നു തുടക്കത്തിലെ ഹാരിയര് പ്രഖ്യാപിച്ചു കഴിഞ്ഞു. ഇവര്ക്കു പുറമെ ഉയര്ന്ന ഹ്യുണ്ടായി ക്രെറ്റ വകഭേദങ്ങളുമായും റെനോ ക്യാപ്ച്ചറുമായും അഞ്ചു സീറ്റര് ടാറ്റ ഹാരിയര് മത്സരിക്കും.
ഹാരിയറിനെ ഏഴു സീറ്റര് പതിപ്പിനെയും അണിയറയില് ടാറ്റ ഒരുക്കുന്നുണ്ട്. ടൊയോട്ട ഫോര്ച്യൂണര്, ഫോര്ഡ് എന്ഡവര്, സ്കോഡ കൊഡിയാക്ക് തുടങ്ങിയ വമ്പന്മാരുമായിട്ടാകും ഏഴു സീറ്റ് മോഡല് കൊമ്പുകോര്ക്കുക.