Just In
- 1 hr ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 1 hr ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 1 hr ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 2 hrs ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
Don't Miss
- Movies സിജോ തന്നെ ഊച്ചാളിയെന്ന് വിളിച്ചെന്ന പരാതിയുമായി ശ്രീതു, ഊച്ചാളിയുടെ അർത്ഥം പറഞ്ഞ് കൊടുക്കാൻ പാടുപെട്ട് അർജുൻ
- News യുപിയില് തരംഗം സൃഷ്ടിക്കാന് കോണ്ഗ്രസ്; രാഹുലും പ്രിയങ്കയും മല്സരിച്ചേക്കും, അയോധ്യ സന്ദര്ശിക്കുമോ?
- Sports IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Finance 260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..?
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഭീകരരൂപം പ്രാപിച്ച് ടാറ്റ സെനോണ്
സെനോണിനെ ടാറ്റ നിര്ത്തിയെങ്കിലും വാഹന പ്രേമികള്ക്കിടയില് മോഡലിന് ഇന്നും വലിയ പ്രചാരമുണ്ട്. ദൃഢതയുള്ള പരുക്കന് നിര്മ്മിതി. അമ്പരപ്പിക്കുന്ന ഓഫ്റോഡിംഗ് മികവ്. ടാറ്റ സെനോണ് പ്രശംസ പിടിച്ചുപറ്റിയില്ലെങ്കിലെ അത്ഭുതമുള്ളു. മോഡിഫിക്കേഷന് ലോകത്ത് പിക്കപ്പ് ട്രക്കുകള്ക്ക് ഇടമൊരുക്കിയത് ഇസൂസു വി-ക്രോസാണെങ്കിലും അടുത്തകാലത്തായി രൂപംമാറിയ ടാറ്റ സെനോണുകള് നിരത്തു കൈയ്യടക്കുകയാണ്.
കഴിഞ്ഞ ദിവസം ഹൈദരാബാദില് രൂപംമാറിയ സെനോണും ശ്രദ്ധയാകര്ഷിക്കുന്നതില് ഒട്ടും പിന്നില് പോകുന്നില്ല. ഹൈദരാബാദ് കേന്ദ്രമായി പ്രവര്ത്തിക്കുന്ന അസെസ് ഓട്ടോമോട്ടിവാണ് മോഡിഫിക്കേഷന് പിന്നില്.
പരുക്കന് സെനോണിനെ കൂടുതല് പരുക്കനാക്കി മാറ്റാന് മോഡിഫിക്കേഷന് നടപടികള്ക്ക് കഴിഞ്ഞിട്ടുണ്ട്. ബുള്ബാര് ഒരുങ്ങുന്ന ലോഹ നിര്മ്മിത ബമ്പര് മാത്രം മതി സെനോണിന്റെ രൂപഭാവം വെളിപ്പെടാന്. ഏതുനിമിഷവും ഓഫ്റോഡിംഗിന് ഇറങ്ങാന് സെനോണ് സജ്ജമാണ്.
മുന് ബമ്പറില് റിഫ്ളക്ടറുകളും ലാമ്പുകളും ഇടംപിടിക്കുന്നുണ്ട്. സെനോണിന് ടാറ്റ നല്കിയ ഗ്രില്ല് ഇവര് പൂര്ണമായും പൊളിച്ചെഴുതി. പകരം വയര് മെഷ് ശൈലിയുള്ള കറുപ്പ് ഗ്രില്ലാണ് സെനോണിന് മുന്നില്. കസ്റ്റം നിര്മ്മിത ബോണറ്റും മേല്ക്കൂരയിലുള്ള എല്ഇഡി ലൈറ്റുകളും ഡിസൈന് സവിശേഷതകളില്പ്പെടും.
വശങ്ങളില് ഭീമന് ടയറുകളാണ് കാഴ്ച്ചക്കാരെ എതിരേല്ക്കുക. ടയറുകള്ക്ക് താവളമൊരുക്കുന്ന ലോഹ നിര്മ്മിത വീല് ആര്ച്ചുകളും മോഡലില് എടുത്തുപറയണം. ടേണ് ഇന്ഡിക്കേറ്ററുകള് വീല് ആര്ച്ചുകളില് തന്നെയാണ്.
കസ്റ്റം നിര്മ്മിത സൈഡ് സ്റ്റെപ്പുകളും സെനോണിന് ഇവര് നല്കിയിട്ടുണ്ട്. മുമ്പത്തേതിലും ഉയര്ന്ന ഗ്രൗണ്ട് ക്ലിയറന്സാണ് സെനോണ് അവകാശപ്പെടുന്നത്. പിറകില് ഭീമന് സ്പെയര് വീല് ടെയില്ഗേറ്റിന്റെ സിംഹഭാഗവും കൈയ്യടക്കുന്നത് കാണാം.
മോഡലിന് സ്പോര്ടി ഭാവം നേടിക്കൊടുക്കാനുള്ള ശ്രമമാണ് പിന്നില് ഒരുങ്ങുന്ന ഇരുണ്ട ടെയില്ലൈറ്റുകള് (സ്മോക്ക്ഡ്). ലോഡിംഗ് ബേ പൂര്ണമായും മറച്ച വിധത്തിലാണ്. ടാന് നിറത്തിലുള്ള അപ്ഹോള്സ്റ്ററിയും പാനലുകളുമാണ് അകത്തളത്തില്.
പുറംമോടിയില് വരുത്തിയതു പോലെ സെനോണിന്റെ എഞ്ചിനിലും ഇവര് മാറ്റങ്ങള് വരുത്തിയിട്ടുണ്ടോയെന്ന കാര്യം വ്യക്തമല്ല. 2.2 ലിറ്റര് VTT DICOR ടര്ബ്ബോചാര്ജ്ഡ് ഡീസല് എഞ്ചിനാണ് ടാറ്റ സെനോണിലുള്ളത്.
വിപണിയില് എര്ട്ടിഗയെയും ഇന്നോവയെയും വെല്ലുവിളിച്ചുകൊണ്ട് മറാസോയെ മഹീന്ദ്ര കൊണ്ടുവന്നു കഴിഞ്ഞു. വിലയുടെ കാര്യത്തില് എര്ട്ടിഗയോടും വലുപ്പത്തിന്റെ കാര്യത്തില് ഇന്നോവയോടുമാണ് മറാസോ എംപിവിയുടെ മത്സരം. പുതിയ മഹീന്ദ്ര മറാസോയുടെ ചിത്രങ്ങൾ മുകളില് കാണാം.
എഞ്ചിന് 138 bhp കരുത്തും 320 Nm torque ഉം പരമാവധി സൃഷ്ടിക്കും. സഫാരിയുമായി അടിത്തറ പങ്കിട്ടാണ് സെനോണ് വിപണിയില് വന്നിരുന്നത്. വില്പന മോശമായതിനെ തുടര്ന്ന് കഴിഞ്ഞ വര്ഷമാണ് സെനോണിനെ ടാറ്റ പിന്വലിച്ചത്.
Source: Shariqh Abdul / 4x4 India