Just In
- 2 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 3 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 3 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 4 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Sports IPL 2024: രാമനാഥന് പവര് ഹിറ്റിംഗും വശമുണ്ട്!! ഡല്ഹിയെ അടിച്ചൊതുക്കി അശ്വിന്റെ രക്ഷാപ്രവര്ത്തനം
- Movies ട്രെയിനില് വിശന്നിരുന്ന എനിക്ക് ഭക്ഷണം തന്ന ആ യുവാവ്; സുരേഷ് ഗോപിയെക്കുറിച്ച് മണിയന് പിള്ള രാജു
- Lifestyle ബ്രേക്ക്ഫാസ്റ്റിനെ കുറിച്ചോര്ത്ത് ടെന്ഷന് വേണ്ട; പത്തുമിനിട്ടില് കിടിലന് സേമിയ ഉപ്പുമാവ് ഉണ്ടാക്കാം
- News സിദ്ധാര്ത്ഥന്റെ മരണം: അന്വേഷണ കമ്മീഷനെ നിയോഗിച്ച് ഗവര്ണര്, മുന് ഹൈക്കോതി ജഡ്ജി അന്വേഷിക്കും
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
കളംനിറഞ്ഞ് ബ്രെസ്സ, ചുവടുപിഴയ്ക്കാതെ ക്രെറ്റ — ഏറ്റവും കൂടുതല് വില്ക്കുന്ന 10 എസ്യുവികള്
ഇന്ത്യന് വിപണിയില് എസ്യുവി തരംഗം തുടരുന്നു. ജൂലായിലെ വില്പന കണക്കെടുപ്പില് എസ്യുവികളും ക്രോസ്ഓവറുകളും അരങ്ങുനിറഞ്ഞു നില്ക്കുകയാണ്. ഏറ്റവും കൂടുതല് വില്ക്കുന്ന എസ്യുവികളുടെ പട്ടികയില് മൂന്നു മോഡലുകളുമായി മഹീന്ദ്രയും രണ്ടു മോഡലുകളുമായി മാരുതിയും തങ്ങളുടെ അപ്രമാദിത്വം ഒരിക്കല്കൂടി പറഞ്ഞുവെച്ചു.
ആദ്യപത്തില് ഹ്യുണ്ടായിക്കും ടൊയോട്ടയ്ക്കും ഫോര്ഡിനും ഹോണ്ടയ്ക്കും ടാറ്റയ്ക്കുമുണ്ട് ഓരോ മോഡലുകള്. 14,181 യൂണിറ്റ് വിറ്റുപോയ മാരുതി ബ്രെസ്സയാണ് നിലവില് ഇന്ത്യയില് ഏറ്റവുമധികം വില്ക്കപ്പെടുന്ന എസ്യുവി.
ജൂണ് വില്പനയില് ഹ്യുണ്ടായി ക്രെറ്റയ്ക്ക് പിന്നിലായിരുന്നു മാരുതി ബ്രെസ്സയുടെ സ്ഥാനം. എന്നാല് ബ്രെസ്സ ശക്തമായ തിരിച്ചുവരവ് നടത്തിയതോടെ ജൂലായില് ക്രെറ്റ രണ്ടാം സ്ഥാനത്തേക്ക് പിന്തള്ളപ്പെട്ടു.
10,423 കെറ്റകളെയാണ് കഴിഞ്ഞമാസം ഹ്യുണ്ടായി വിറ്റത്. അതേസമയം ലാഭവിഹിതം താരതമ്യം ചെയ്താല് ക്രെറ്റയാണ് ബ്രെസ്സയെക്കാള് മുന്നില്. ബ്രെസ്സയുടെ ഒരു യൂണിറ്റ് വിപണിയില് വില്ക്കുമ്പോള് മാരുതിക്ക് ലഭിക്കുന്ന ലാഭത്തെക്കാള് കൂടുതലാണ് ക്രെറ്റയുടെ ഒരു യൂണിറ്റ് വില്ക്കുമ്പോള് ഹ്യുണ്ടായി കുറിക്കുന്നത്.
പതിവുപോലെ ഏറ്റവുമധികം വില്ക്കപ്പെടുന്ന ആദ്യഅഞ്ചു എസ്യുവികളില് മഹീന്ദ്ര ബൊലേറോ തലയുയര്ത്തി നില്പ്പുണ്ട്. ഇത്തവണ പട്ടികയില് മൂന്നാമനാണ് ബൊലേറോ. കഴിഞ്ഞമാസം മഹീന്ദ്ര വിറ്റതാകട്ടെ 6,559 യൂണിറ്റ് ബൊലേറോകളെയും.
തുടക്കത്തില് മാരുതിയെ ആശങ്കപ്പെടുത്തിയെങ്കിലും ഇന്ത്യന് നിര്മ്മാതാക്കളുടെ താളത്തിലേക്ക് എസ്-ക്രോസും തിരിച്ചുവന്നിരിക്കുകയാണ്. 5,308 യൂണിറ്റിന്റെ വില്പനയുമായി മാരുതി എസ്-ക്രോസാണ് എസ്യുവികളില് നാലാമന്.
മോഡലിന്റെ വില കുറയ്ക്കാനുള്ള മാരുതിയുടെ തീരുമാനം എസ്-ക്രോസിന്റെ പ്രചാരത്തില് നിര്ണായകമായി. ജൂലായില് ഫോര്ഡ് ഇക്കോസ്പോര്ടും മോശമാക്കിയില്ല. 4,040 യൂണിറ്റ് വില്പനയാണ് ഇക്കോസ്പോര്ടില് ഫോര്ഡ് കുറിച്ചത്.
സ്കോര്പിയോ, XUV500, TUV300 മോഡലുകള് മഹീന്ദ്രയുടെ പ്രതീക്ഷ എന്നത്തേയുംപോലെ കാത്തു. സ്കോര്പിയോയുടെ 3,876 യൂണിറ്റ് വിപണിയില് വിറ്റുപോയപ്പോള് 2,766 യൂണിറ്റ്, 2,091 യൂണിറ്റുകളുടെ വില്പനയാണ് XUV500, TUV300 എസ്യുവികള് കൈയ്യടക്കിയത്.
നെക്സോണില് 3,876 യൂണിറ്റ് വില്പന ടാറ്റയും WR-V ക്രോസ്ഓവറില് 3,386 യൂണിറ്റ് വില്പന ഹോണ്ടയും കാഴ്ച്ചവെച്ചു. ഉയര്ന്ന വിലയുള്ള പ്രീമിയം എസ്യുവിയായിട്ടു കൂടി പതിനൊന്നാം സ്ഥാനത്ത് ടൊയോട്ട ഫോര്ച്യൂണറുണ്ട്. 1,856 ഫോര്ച്യൂണറുകളാണ് കഴിഞ്ഞമാസം മാത്രം ഇന്ത്യയില് വിറ്റുപോയത്.
ഏറ്റവും കൂടുതല് വില്ക്കപ്പെടുന്ന എസ്യുവികള് —
- മാരുതി ബ്രെസ്സ
- ഹ്യുണ്ടായി ക്രെറ്റ
- മഹീന്ദ്ര ബൊലേറോ
- മാരുതി എസ്-ക്രോസ്
- ഫോര്ഡ് ഇക്കോസ്പോര്ട്
- മഹീന്ദ്ര സ്കോര്പിയോ
- ടാറ്റ നെക്സോണ്
- ഹോണ്ട WR-V
- മഹീന്ദ്ര XUV500
- മഹീന്ദ്ര TUV300