Just In
- 17 min ago ഹൈലക്സിനെ ആണിയടിച്ച് ചുവരിൽ തൂക്കുമോ ഇസൂസു? 2024 V -ക്രോസിന്റെ പുത്തൻ വിശദാംശങ്ങൾ പുറത്ത്
- 59 min ago മകൾക്ക് 3 കോടിയുടെ പോർഷ കാർ സമ്മാനിച്ച് മലയാളി വ്യവസായി; ഹൈലൈറ്റായ അച്ഛനെയും മകളെയും മനസിലായോ
- 1 hr ago ബൈക്കുകള്ക്ക് വില കൂട്ടി എന്ഫീല്ഡ് എതിരാളികള്; പേടിക്കണ്ട, ഒരു ഷര്ട്ട് വാങ്ങുന്ന പൈസയേ കൂടിയിട്ടുള്ളൂ...
- 2 hrs ago സംസ്ഥാന സർക്കാർ കൂടുതൽ ഇടപെടേണ്ടെന്ന് ഹൈകോടതി, ഭാരത് രജിസ്ട്രേഷനിൽ കോടതി വിധി
Don't Miss
- News 'ശോഭാ സുരേന്ദ്രൻ 10 ലക്ഷം വാങ്ങി, അനിൽ ആന്റണി 25 ലക്ഷം വാങ്ങി തിരിച്ചുതന്നു'; ആരോപണവുമായി ദല്ലാൾ നന്ദകുമാർ
- Sports IPL 2024: പഴയ തന്ത്രം മാറ്റി സഞ്ജു, മുംബൈ അതൊട്ടും പ്രതീക്ഷിച്ചില്ല! കളി മാറ്റിയത് ഇങ്ങനെ
- Movies ഇത്ര നല്ല പിന്ഭാഗം അവര് കണ്ടിട്ടുണ്ടാകില്ല! പാപ്പരാസികളുടെ സൂമിംഗിനെക്കുറിച്ച് നോറ ഫത്തേഹി
- Lifestyle ജീവിതത്തില് സന്തോഷവും ഐശ്വര്യവും, വാസ്തുദോഷങ്ങള് നീക്കും വെള്ളി മയില് വീട്ടില് ഈ ദിശയില്
- Finance ആദ്യ സെഷനിൽ നേട്ടം കൊയ്ത രണ്ട് കമ്പനികൾ, മുന്നേറ്റം 5 ശതമാനം വരെ, വിപണിയിലും ഉണർവ്വ്
- Technology തലച്ചോറുള്ളവർ ഇത് വാങ്ങും, അല്ലാത്തവർ പുച്ഛിക്കും! ഹോണറിന്റെ ഈ 5ജി ഫോണിന് ഞെട്ടിക്കുന്ന വിലക്കുറവ്
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കൊറോള ആള്ട്ടിസിന് മാരുതി സിയാസിന്റെ പെട്രോള് എഞ്ചിന് — രണ്ടുംകല്പ്പിച്ച് ടൊയോട്ട
ഇന്ത്യയില് പരസ്പരം സഹകരിച്ചു പ്രവര്ത്തിക്കാന് മാരുതി സുസുക്കിയും ടൊയോട്ടയും ധാരണയില് എത്തിയതോടെ മാരുതി, ടൊയോട്ട മോഡലുകളുടെ തലവര മാറാന് പോവുകയാണ്. നിര്മ്മാണച്ചിലവുകള് കുറയ്ക്കുന്നതിന്റെ ഭാഗമായി മാരുതിയുടെ പുതിയ 1.5 ലിറ്റര് കെ - സീരീസ് പെട്രോള് എഞ്ചിനെ ടൊയോട്ട കടമെടുക്കും.
കൊറോള ആള്ട്ടിസില് 1.5 ലിറ്റര് കെ - സീരീസ് പെട്രോള് എഞ്ചിന് നല്കാനാണ് ടൊയോട്ടയുടെ തീരുമാനം. ഇതേ എഞ്ചിനിലാണ് പുതിയ സിയാസ് ഫെയ്സ്ലിഫ്റ്റ് വിപണിയില് വരിക. സിയാസിലുള്ള പുതിയ 1.5 ലിറ്റര് പെട്രോള് എഞ്ചിന് 102.5 bhp കരുത്തും 138 Nm torque ഉം പരമാവധി സൃഷ്ടിക്കാനാവും.
21 കിലോമീറ്ററിന് മേലെ മൈലേജ് എഞ്ചിന് കാഴ്ച്ചവെക്കുമെന്നാണ് വിവരം. ജാപ്പനീസ് നിര്മ്മാതാക്കളായ സുസുക്കിയാണ് 1.5 ലിറ്റര് കെ - സീരീസ് പെട്രോള് എഞ്ചിന്റെ സൃഷ്ടാക്കള്.
ഇന്ത്യയില് മൈല്ഡ് ഹൈബ്രിഡ് ടെക്നോളജിയുടെ പിന്ബലത്തോടെയാണ് പുതിയ 1.5 ലിറ്റര് പെട്രോള് എഞ്ചിന് സിയാസില് ഫെയ്സ്ലിഫ്റ്റില് ഒരുങ്ങുക. ശേഷം പുതുതലമുറ എര്ട്ടിഗയിലും വിറ്റാര ബ്രെസ്സയുടെ പെട്രോള് പതിപ്പിലും ഇതേ എഞ്ചിന് അണിനിരക്കും.
നിലവിലുള്ള 1.4 ലിറ്റര് K14B എഞ്ചിന് പകരക്കാരനാണ് പുതിയ 1.5 ലിറ്റര് പെട്രോള് എഞ്ചിന്. ആദ്യതലമുറ സിയാസിലും എര്ട്ടിഗ എംപിവിയിലും 1.4 ലിറ്റര് പെട്രോള് എഞ്ചിനാണ് തുടിക്കുന്നത്. ഓഗസ്റ്റ് 20 -ന് പുതിയ പെട്രോള് എഞ്ചിന് തുടിപ്പില് മാരുതി സിയാസ് ഫെയ്സ്ലിഫ്റ്റ് വിപണിയില് എത്തും.
അതേസമയം മോഡലിന്റെ ഡീസല് എഞ്ചിനില് മാറ്റങ്ങളുണ്ടാകില്ല. നിലവിലെ 1.3 ലിറ്റര് എഞ്ചിന് തന്നെ സിയാസ് ഫെയ്സ്ലിഫ്റ്റ് ഡീസലില് തുടരും. 94 bhp കരുത്തും 130 Nm torque ഉം പരമാവധിയുള്ള 1.4 ലിറ്റര് പെട്രോള് എഞ്ചിനെക്കാള് ഭേദപ്പെട്ട പ്രകടനക്ഷമത 1.5 ലിറ്റര് പെട്രോള് എഞ്ചിനില് പ്രതീക്ഷിക്കാം.
സിയാസിലും എര്ട്ടിഗയിലും പുതിയ 1.5 ലിറ്റര് പ്രകടനക്ഷമത വര്ധിപ്പിക്കുമെങ്കിലും ടൊയോട്ട കൊറോയില് ചിത്രം വ്യത്യസ്തമായിരിക്കും. നിലവില് 1.8 ലിറ്റര് നാലു സിലിണ്ടര് പെട്രോള് എഞ്ചിനാണ് കൊറോള ആള്ട്ടിസിലുള്ളത്.
എഞ്ചിന് 138 bhp കരുത്തും 205 Nm torque ഉം പരമാവധി ഉത്പാദിപ്പിക്കും. എന്നാല് പുതിയ 1.5 ലിറ്റര് പെട്രോള് എഞ്ചിന് ടൊയോട്ട കൊറോളയുടെ കരുത്തുത്പാദനം കുറയ്ക്കാനാണ് സാധ്യത. കാമ്രിയെ പോലെ പൂര്ണ്ണ ഹൈബ്രിഡ് പരിവേഷം കൊറോളയ്ക്ക് ലഭിക്കുമോയെന്ന കാര്യത്തില് നിലവില് വ്യക്തതയില്ല.
എന്നാല് കരുത്തുകുറഞ്ഞ സുസുക്കി എഞ്ചിനുകള്ക്ക് ഹൈബ്രിഡ് ടെക്നോളജിയുടെ പിന്തുണ നല്കി മികവുകൂട്ടാനായിരിക്കും ടൊയോട്ട ശ്രമിക്കുക. 2020 ഓടെ പുതുതലമുറ കൊറോള ആള്ട്ടിസ് ഇന്ത്യയില് അണിനിരക്കും.
അതേസമയം ഇരു കമ്പനികളും തമ്മില് ഒപ്പുവെച്ച ധാരണപ്രകാരം കൊറോള ആള്ട്ടിസ് മോഡലിനെ മാരുതിയും സ്വന്തം പേരില് വിപണിയില് കൊണ്ടുവരും. പകരം വിറ്റാര ബ്രെസ്സ, ബലെനോ മോഡലുകളെയാണ് മാരുതി ടൊയോട്ടയ്ക്ക് കൈമാറുക.
പ്രതിവര്ഷം കാല്ലക്ഷം ബലെനോകളെ ജാപ്പനീസ് നിര്മ്മാതാക്കള്ക്ക് നല്കാനാണ് മാരുതിയുടെ തീരുമാനം. ടൊയോട്ട ബാഡ്ജ് ഒരുങ്ങുന്ന ബലെനോയെ അടുത്ത സാമ്പത്തികവര്ഷം ആദ്യപാദം വിപണിയില് പ്രതീക്ഷിക്കാം.
കേവലം പേരുമാത്രം മാറ്റി അവതരിപ്പിക്കുന്ന പതിവു ബാഡ്ജ് എഞ്ചിനീയറിങ്ങില് ടൊയോട്ടയ്ക്കോ മാരുതിയ്ക്കോ താത്പര്യമില്ല. ഗ്രില്ല്, ബമ്പര്, ഹെഡ്ലാമ്പ്, ടെയില്ലാമ്പ് ഉള്പ്പെടെ രൂപകല്പനയില് വിപുലമായ പരിഷ്കാരങ്ങള് ഇരു കമ്പനികളും സ്വീകരിക്കും.
അകത്തളത്തിലും മാറ്റങ്ങള് നടപ്പിലാകുമെന്നാണ് സൂചന. മോഡലുകള്ക്ക് വേറിട്ട വ്യക്തിത്വമാണ് ടൊയോട്ടയും മാരുതിയും ആഗ്രഹിക്കുന്നത്. വിറ്റാര ബ്രെസ്സ, ബലെനോ എന്നീ രണ്ടു ഹിറ്റ് മോഡലുകള് ശ്രേണിയിലെ വിടവു നികത്താന് ഉപകരിക്കുമെന്നു ടൊയോട്ട കരുതുന്നു.
പ്രചാരമേറിയ കോമ്പാക്ട് എസ്യുവി, പ്രീമിയം ഹാച്ച്ബാക്ക് ശ്രേണിയില് ടൊയോട്ടയ്ക്ക് കടന്നുവരാനുള്ള കുറുക്കുവഴി കൂടിയാണിത്. സമാനമായി കൊറോള സെഡാന് മാരുതിയുടെ പ്രീമിയം നിരയ്ക്ക് പുത്തനുണര്വേകും. നിലവില് സിയാസ് മാത്രമാണ് മാരുതിയുടെ പ്രീമിയം സെഡാന്.
സംയുക്ത പങ്കാളിത്തം മുന്നിര്ത്തി വിപണിയില് മോഡല് നിര വിപുലപെടുത്തുകയാണ് ഇരു നിര്മ്മാതാക്കളുടെയും ലക്ഷ്യം. ധാരണയുടെ അടിസ്ഥാനത്തില് കാര് നിര്മ്മാണ ഘടകങ്ങളുടെ പ്രാദേശിക സമാഹരണം ടൊയോട്ടയും സുസൂക്കിയും പരമാവധി വര്ധിപ്പിക്കും.
Source: AutoPortal