Just In
- 3 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 6 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 7 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 7 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Movies 'മ്ലേഛകരമായൊന്നും ഞാൻ ചെയ്തിട്ടില്ല; കെട്ടിപ്പിടിച്ച് ഉമ്മ കൊടുക്കാനോ കയറി കിടക്കാനോ നിന്നിട്ടില്ല'
- Sports IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- News തിരഞ്ഞെടുപ്പ് ദിനത്തില് പൊതു അവധി, എന്തെല്ലാം അടയ്ക്കും, തുറന്നിരിക്കുന്നത് ഇവ; അറിയാം വിവരങ്ങള്
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
2019 മാരുതി ബലെനോ: ബുക്കിംഗ് തുടങ്ങി
പുത്തന് ബലെനോ ഫെയ്സ്ലിഫ്റ്റ് പതിപ്പിന്റെ പ്രീ-ബുക്കിംഗ് മാരുതി തുടങ്ങി. രാജ്യത്തെ മുഴുവന് നെക്സ ഡീലര്ഷിപ്പുകളും പുതിയ ബലെനോയ്ക്കായുള്ള ബുക്കിംഗ് സ്വീകരിക്കും. ബുക്കിംഗ് തുക 11,000 രൂപ. നാലു വര്ഷങ്ങള്ക്ക് ശേഷമാണ് ബലെനോയെ പുതുക്കാനുള്ള മാരുതിയുടെ തീരുമാനം.
2017 -ല് കരുത്തുകൂടിയ ബലെനോ RS പതിപ്പ് വില്പ്പനയ്ക്ക് വന്നതൊഴിച്ചാല് പ്രീമിയം ഹാച്ച്ബാക്കിന് കാര്യമായ അപ്ഡേറ്റുകള് ഇതുവരെ ലഭിച്ചിട്ടില്ല. 2019 ബലെനോ ഈ ആക്ഷേപത്തിന് വിരാമമിടും. പുറംമോടിയിലും അകത്തളത്തിലും നിര്ണായക പരിഷ്കാരങ്ങള് ഹാച്ച്ബാക്കില് പ്രതീക്ഷിക്കാം.
കൂടുതല് പക്വത നിഴലിക്കുന്ന ഡിസൈനും പ്രീമിയം അകത്തളവും ബലെനോയ്ക്ക് ലഭിച്ചെന്ന് പുതിയ ടീസറില് മാരുതി അവകാശപ്പെടുന്നു. ശ്രേണിയിലെ ഏറ്റവും മേന്മയേറിയ ഫീച്ചറുകളും ഹാച്ച്ബാക്കിലുണ്ടെന്ന സൂചന കമ്പനി നല്കി.
Most Read: പുതിയ 1.5 ലിറ്റര് ഡീസല് കരുത്തില് 2019 മാരുതി സിയാസ്, അടുത്തമാസം വിപണിയില്
മുഖരൂപത്തില് സംഭവിച്ച പരിഷ്കാരങ്ങള് ഹാച്ച്ബാക്കിന് പുതുമ സമര്പ്പിക്കും. പരീക്ഷണയോട്ടത്തിനിടെ ഒന്നുരണ്ടു തവണ ബലെനോയെ വിപണി കണ്ടുകഴിഞ്ഞു. വീതികൂടിയ എയര് ഇന്ടെയ്ക്കും പരിഷ്കരിച്ച ബമ്പറും ബലെനോയുടെ സ്പോര്ടി ഭാവം ഉയര്ത്തും.
ഫോഗ്ലാമ്പുകള്ക്ക് സ്ഥാനമാറ്റം സംഭവിച്ചു. പഴയ HID പ്രൊജക്ടര് ഹെഡ്ലാമ്പുകള് എല്ഇഡി യൂണിറ്റുകള്ക്ക് വഴിമാറി. ഹെഡ്ലാമ്പില് തന്നെ എല്ഇഡി ഡെയ്ടൈം റണ്ണിംഗ് ലൈറ്റുകളും. അലോയ് വീലുകള്, ടെയില്ലാമ്പ്, പിന് ബമ്പര് ഘടകങ്ങളിലും കമ്പനി കൈകടത്തിയിട്ടുണ്ട്.
അകത്തളത്തില് ഇന്സ്ട്രമെന്റ് ക്ലസ്റ്റര് മാരുതി പുതുക്കിയെന്നാണ് വിവരം. കര്ശനമാവുന്ന സുരക്ഷാ ചട്ടങ്ങള് മാനിച്ച് ബലെനോയുടെ സുരക്ഷാ സജ്ജീകരണങ്ങളില് മാരുതി ജാഗ്രത പുലര്ത്തും. ഇത്തവണ വേഗ മുന്നറിയിപ്പ് സംവിധാനം, കോ ഡ്രൈവര് സീറ്റ് ബെല്റ്റ് റിമൈന്ഡര്, പിന് പാര്ക്കിംഗ് സെന്സറുകള് തുടങ്ങിയവ കാറിലുണ്ട്.
പുതിയ ചട്ടങ്ങള് പ്രകാരം ഇരട്ട എയര്ബാഗുകളും ISOFIX ചൈല്ഡ് സീറ്റ് മൗണ്ടുകളും പ്രീ ടെന്ഷനറുകളോടുള്ള സീറ്റ് ബെല്റ്റും എബിഎസും ഇബിഡിയും കാറുകളില് നിര്ബന്ധമായും വേണം.
Most Read: ഒമ്നിക്ക് പകരക്കാരനാവാന് ഈക്കോ, പുതിയ തന്ത്രങ്ങള് ആവിഷ്കരിച്ച് മാരുതി
ബലെനോയുടെ എഞ്ചിന് മുഖത്ത് പരിഷ്കാരങ്ങള് സംഭവിക്കുമോയെന്ന കാര്യം വ്യക്തമല്ല. നിലവിലെ പെട്രോള്, ഡീസല് എഞ്ചിനുകള് മോഡലില് തുടരാനാണ് സാധ്യത. 1.2 ലിറ്റര് K സീരീസ് പെട്രോള് എഞ്ചിന് 83 bhp കരുത്തും 115 Nm torque ഉം പരമാവധി സൃഷ്ടിക്കും. 74 bhp കരുത്തും 190 Nm torque -മാണ് ഡീസല് എഞ്ചിന് കുറിക്കുന്നത്.
ഇരു എഞ്ചിന് പതിപ്പുകള്ക്കും അഞ്ചു സ്പീഡ് മാനുവല് ഗിയര്ബോക്സാണ് അടിസ്ഥാനം. എന്നാല് ആവശ്യമെങ്കില് പെട്രോള് പതിപ്പില് മാത്രം സിവിടി ഗിയര്ബോക്സ് തിരഞ്ഞെടുക്കാനാവും. പ്രകടനക്ഷമതയ്ക്ക് ഊന്നല് നല്കുന്ന ബലെനോ RS പതിപ്പിനെയും കമ്പനി വിപണിയില് കൊണ്ടുവരുന്നുണ്ട്.
1.0 ലിറ്റര് മൂന്നു സിലിണ്ടര് ടര്ബ്ബോ പെട്രോള് എഞ്ചിനാണ് RS പതിപ്പില്. 5,500 rpm -ല് 101 bhp കരുത്തും 1,700-4,500 rpm -ല് 150 Nm torque ഉം ബലെനോ RS കാഴ്ച്ചവെക്കും. എന്തായാലും പുതിയ ബലെനോയ്ക്ക് 20,000 രൂപ വരെ വില കൂടുമെന്നാണ് വിവരം.