Just In
- 49 min ago മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ
- 12 hrs ago മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ
- 14 hrs ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 15 hrs ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
Don't Miss
- News 'കോൺഗ്രസിന്റെ യുവരാജാവ് വടക്കേ ഇന്ത്യ വിട്ട് തെക്കേ ഇന്ത്യയിലേക്ക് ഓടി'; രാഹുലിനെ വിമർശിച്ച് നരേന്ദ്ര മോദി
- Finance കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ
- Travel നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ്
- Movies 'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും'
- Technology ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ!
- Sports IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം?
- Lifestyle നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
ഫോർഡ് ഇക്കോസ്പോർട്ടിന്റെ രണ്ടാം ഘട്ട പരീക്ഷണ ചിത്രങ്ങൾ പുറത്ത്
അമേരിക്കൻ വാഹന നിർമ്മാതാക്കളായ ഫോർഡ് അവരുടെ ജനപ്രിയ കോംപാക്ട് എസ്യുവിയായ ഇക്കോസ്പോർട്ടിന്റെ ബിഎസ്-VI കംപ്ലയിന്റ് മോഡൽ ഇന്ത്യൻ വിപണിയിൽ പുറത്തിറക്കാൻ തയ്യാറെടുക്കുകയാണ്. അതിന്റെ ഭാഗമായി വാഹനത്തിന്റെ രണ്ടാം ഘട്ട പരീക്ഷണ ഓട്ടം ഇന്ത്യൻ നിരത്തുകളിൽ കമ്പനി നടത്തി.
2020 ഏപ്രിൽ ഒന്നിന് നിലവിൽ വരുന്ന മലിനീകരണ നിരോധന സമയപരിധിക്ക് മുമ്പായി ഫോർഡ് അവരുടെ മുഴുവൻ കാറുകളും ബിഎസ്-VI ലേക്ക് പരിഷ്ക്കരിക്കും. മലിനീകരണ പരിശോധന ഉപകരണങ്ങൾ ഘടിപ്പിച്ചാണ് ഇക്കോസ്പോർട്ടിന്റെ പരീക്ഷണ ഓട്ടം കഴിഞ്ഞ ദിവസം നടത്തിയത്.
പുതിയ ബിഎസ്-VI മലിനീകരണ മാനദണ്ഡങ്ങൾ പാലിക്കുന്നതിനായി ഫോർഡ് 1.5 ലിറ്റർ ഡ്രാഗൺ സീരീസ് പെട്രോൾ എഞ്ചിനും 1.5 ലിറ്റർ ഡീസൽ എഞ്ചിനും പരിഷ്ക്കരിക്കുമെങ്കിലും 1.0 ലിറ്റർ ഇക്കോബൂസ്റ്റ് എഞ്ചിൻപരിഷ്ക്കരിക്കുകയില്ലെന്ന് വ്യക്തമാക്കിയിരുന്നു.
1.0 ലിറ്റർ ഇക്കോബൂസ്റ്റ് എഞ്ചിന് പകരം മഹീന്ദ്രയുടെ 1.2 ലിറ്റർ ടർബോ-പെട്രോൾ എഞ്ചിനാകും വേർതിരിച്ചെടുക്കുക. ഇത് മഹീന്ദ്രയുടെ കോംപാക്റ്റ് എസ്യുവിയായ TUV 300-ൽ ഉപയോഗിക്കുന്നവയാണ്. രണ്ട് ബ്രാൻഡുകൾക്കിടയിലുമുള്ള ക്രോസ്-നിർമ്മാണത്തിനായി മഹീന്ദ്രയുമായി ഫോർഡ് സഹകരിക്കുന്നത് വിപണിയെ സഹായിക്കും.
സബ് 4 മീറ്റർ എസ്യുവി വിഭാഗത്തിലെ ഹ്യുണ്ടായി വെന്യു, XUV-300, നെക്സോൺ, വിറ്റാര ബ്രെസ്സ എന്നിവയുമായി ഫോർഡ് ഇക്കോസ്പോർട്ട് ബിഎസ്-VI മത്സരിക്കും. നിലവിലെ ഫോർഡ് ഇക്കോസ്പോർട്ടിന് 2019 ജൂണിൽ പരിഷ്ക്കരണവും വില വർധനവുമുണ്ടായിരുന്നു.
നിലവിലെ ബിഎസ്-IV മോഡലായ ഫോർഡ് ഇക്കോസ്പോർട്ട് മൂന്ന് എഞ്ചിൻ ഓപ്ഷനുകളാണ് വാഗ്ദാനം ചെയ്യുന്നത്. 1.5 ലിറ്റർ, 4 സിലിണ്ടർ, ടർബോ ഡീസൽ എഞ്ചിൻ, 3,750 rpm-ൽ 100 bhp കരുത്തും 4,500 rpm-ൽ 205 Nm torque എന്നിവ വാഗ്ദാനം ചെയ്യുന്നു. അഞ്ച് സ്പീഡ് ഗിയർബോക്സാണ് ഇതിൽ ഉൾപ്പെടുത്തിയിരിക്കുന്നത്.
1.5 ലിറ്റർ, 3 സിലിണ്ടർ പെട്രോൾ എഞ്ചിൻ 6,500 rpm-ൽ 123 bhp കരുത്തും 4,500 rpm-ൽ 150 Nm torque ഉം വാഗ്ദാനം ചെയ്യുന്നു. കൂടാതെ 5 സ്പീഡ് മാനുവൽ അല്ലെങ്കിൽ 6 സ്പീഡ് ടോർക്ക് കൺവെർട്ടർ ഓട്ടോമാറ്റിക് ഗിയർബോക്സുമായാണ് ഇത് ഘടിപ്പിച്ചിരിക്കുന്നത്.
Most Read: ഈക്കോയുടെ ബിഎസ് VI എഞ്ചിന് അടുത്തമാസം വിപണിയില്
1.0 ലിറ്റർ മൂന്ന് സിലിണ്ടർ ടർബോ പെട്രോൾ എഞ്ചിനാണ്. ഇത് 123 bhp കരുത്ത് സൃഷ്ടിക്കും. ആറ് സ്പീഡ് മാനുവൽ ഗിയർബോക്സുമായാണ് ഈ മോഡലിൽ ഘടിപ്പിച്ചിരിക്കുന്നത്. ഇതിൽ ആദ്യത്തെ രണ്ട് എഞ്ചിനുകളുമായിരിക്കും ബിഎസ്-VI ലേക്ക് നവീകരിക്കുന്നത്.
Most Read: കാർണിവൽ എംപിവിയെ 2020 ഓട്ടോ എക്സ്പോയിൽ അവതരിപ്പിക്കുമെന്ന് കിയ
6,000 rpm-ൽ 123 bhp കരുത്തും 1,500-4,500 rpm-ൽ 170 Nm torque ഉം വാഗ്ദാനം ചെയ്യുന്ന 1.0 ലിറ്റർ, 3 സിലിണ്ടർ ഇക്കോബൂസ്റ്റ് ടർബോ പെട്രോൾ എഞ്ചിന് പകരം 1.2 ലിറ്റർ ടർബോ പെട്രോൾ എഞ്ചിൻ സ്ഥാപിക്കാനാണ് ഫോർഡ് തയ്യാറാകുന്നത്. ഇത് മഹീന്ദ്രയുടെ കോംപാക്റ്റ് എസ്യുവിയായ TUV 300-ൽ ഉപയോഗിക്കുന്നതാണ്.
Most Read: ഇന്ത്യയിൽ ഫോർഡും മഹീന്ദ്രയും ഒന്നിക്കുന്നു
അമേരിക്കൻ വാഹന നിർമ്മാതാക്കളായ ഫോർഡ് ഇന്ത്യയിലെ തങ്ങളുടെ വ്യവസായത്തിന്റെ നിയന്ത്രണം രാജ്യത്തെ പ്രമുഖ വാഹന നിർമ്മാതാക്കളായ മഹീന്ദ്രയ്ക്ക് കൈമാറാൻ ഒരുങ്ങുകയാണ്. ഇന്ത്യയിലെ എല്ലാ സ്വതന്ത്ര പ്രവർത്തനങ്ങളും ഫോർഡ് നിർത്തലാക്കും.
പുതിയ സംരഭത്തിൽ മഹീന്ദ്രയ്ക്ക് 51 ശതമാനം ഓഹരികളും ഫോർഡിന് 49 ശതമാനം ഓഹരികളും സ്വന്തമാകും. 20 വർഷമായി രാജ്യത്തെ വാഹന വ്യവസായത്തിൽ ഉണ്ടായിരുന്നിട്ടും ഇന്ത്യയിൽ ഒരു വ്യക്തിമുദ്ര പതിപ്പിക്കുന്നതിൽ ഫോർഡ് പരാജയപ്പെട്ടു. ഇതാണ് മഹീന്ദ്രയുമായി ചേർന്ന് പ്രവർത്തിക്കാൻ ഫോർഡിന് പ്രേരണയായത്.
വിൽപ്പന വർധിപ്പിക്കുന്നതിനായി 40,000 രൂപ വരെയുള്ള കിഴിവുകളും ആനുകൂല്യങ്ങളുമാണ് കമ്പനി നിലവിലെ ഇക്കോസ്പോർട്ട് മോഡലിൽ വാഗ്ദാനം ചെയ്യുന്നത്. ഇതിൽ 30,000 രൂപ ക്യാഷ് ഡിസ്കൗണ്ട്, സ്ത്രീകൾക്കായി 5,000 രൂപയുടെ പ്രത്യേക കിഴിവ്, 5,000 രൂപ കോർപ്പറേറ്റ് കിഴിവ് എന്നിവയാണ് ഫോർഡ് പ്രഖ്യാപിച്ചിരിക്കുന്നത്.
ജൂലൈ-ഓഗസ്റ്റ് മാസങ്ങളിൽ ഇക്കോസ്പോർട്ടിന്റെ വിൽപ്പനയിൽ ഇടിവി സംഭിവിച്ചിരുന്നു. 3,137 യൂണിറ്റായിരുന്ന ജൂലൈയിലെ വിൽപ്പന 2019 ഓഗസ്റ്റിൽ 8.13 ശതമാനം ഇടിഞ്ഞ് 2,882 യൂണിറ്റായി മാറി. 2018 ഓഗസ്റ്റിൽ വിറ്റ 4,435 യൂണിറ്റുകളെ അപേക്ഷിച്ച് 35.02 ശതമാനം കുറവ് വിൽപ്പനയാണ് രേഖപ്പെടുത്തിയിരിക്കുന്നത്.
2013 മുതൽ ഇന്ത്യൻ വിപണിയിൽ ഉള്ള ഫോർഡ് ഇക്കോസ്പോർട്ടിന്റെ ബിഎസ്-VI പതിപ്പിനെ അടുത്ത വർഷം ആരംഭത്തോടെ വിപണിയിലെത്തിക്കാനാണ് ഫോർഡ് തയ്യാറെടുക്കുന്നത്. ഒരിടയ്ക്ക് മികച്ച വിപണിയും വാഹനത്തിനുണ്ടായിരുന്നു. ശ്രേണിയിലെ കടുത്ത മത്സരം പരിഗണിച്ചാൽ വരാനിരിക്കുന്ന മോഡൽ ഇക്കോസ്പോർട്ടിന് ചില പ്രധാന മാറ്റങ്ങൾ ലഭിക്കുമെന്നാണ് പ്രതീക്ഷിക്കുന്നത്.
Source: Rushlane