Just In
- 20 min ago ഥാറിന്റെ 'അപ്പൻ തമ്പുരാൻ'; മുഖംമിനുക്കി ജീപ്പ് റാങ്ലറിന്റെ എഴുന്നള്ളത്ത്; വില കേട്ടാൽ ഞെട്ടും
- 48 min ago 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം
- 1 hr ago എൻഫീൽഡിന്റെ വില്ലനാവാൻ ഓസ്ട്രിയൻ മുതലാളി, കിടിലൻ ബൈക്കുകളുമായി ബ്രിക്സ്റ്റൺ ഇന്ത്യയിലേക്ക്
- 2 hrs ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
Don't Miss
- News പാലക്കാട് ചുട്ടുപൊള്ളുന്നു; 'മനുഷ്യശരീരത്തിന് താങ്ങാവുന്നതിലും അധികം ചൂട്',കളക്ടറുടെ മുന്നറിയിപ്പ്
- Movies നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി!
- Lifestyle ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള്
- Sports IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Finance 260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..?
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ക്രാഷ് ടെസ്റ്റില് അഞ്ച് സ്റ്റാര് റേറ്റിങ്ങുമായി ടൊയോട്ട കൊറോള
ക്രാഷ് ടെസ്റ്റില് അഞ്ചില് അഞ്ച് സ്റ്റാര് റേറ്റിങ് സ്വന്തമാക്കി 2020 ടൊയോട്ട കൊറോള. ലാറ്റിന് NCAP (ന്യൂ കാര് അസെസ്മെന്റ് പ്രോഗ്രാം) നടത്തിയ ക്രാഷ് ടെസ്റ്റിലാണ് പുതിയ കൊറോള സുരക്ഷയില് കരുത്ത് തെളിയിച്ചത്.
കൊറോളയുടെ പന്ത്രണ്ടാം തലമുറയില്പ്പെട്ട ബ്രസീലിയന് മോഡലാണ് ടെസ്റ്റിന് വിധേയമാക്കിയത്. നേരത്തെ യൂറോ NCAP ക്രാഷ് ടെസ്റ്റിലും കൊറോള അഞ്ചില് അഞ്ച് സ്റ്റാര് റേറ്റിങും സ്വന്തമാക്കിയിരുന്നു.
കാറിലെ മുതിര്ന്ന യാത്രക്കാര്ക്കുള്ള സുരക്ഷയില് 34 -ല് 29.41 മാര്ക്കും കുട്ടികള്ക്കുള്ള സുരക്ഷയില് 49 -ല് 45 മാര്ക്കും കൊറോളയ്ക്ക് ലഭിച്ചു.
ടൊയോട്ടയുടെ പുതിയ TNGA (ടൊയോട്ട ന്യു ഗ്ലോബല് ആര്ക്കിടെക്ചര്) പ്ലാറ്റ്ഫോമിലാണ് പുതിയ കൊറോളയുടെ നിര്മാണം. 64 കിലോമീറ്റര് വേഗതയിലാണ് ഫ്രണ്ട് ഓഫ്സെറ്റ് ക്രാഷ്, സൈഡ് ഇംപാക്ട് ക്രാഷ്, സൈഡ് പോള് ഇംപാക്ട് ടെസ്റ്റ് എന്നിങ്ങനെ മൂന്ന് വ്യത്യസ്ത ടെസ്റ്റുകള് നടത്തിയത്.
ഏഴ് എയര്ബാഗ്, ഇലക്ട്രോണിക് സ്റ്റെബിലിറ്റി കണ്ട്രോള്, ഐസോഫിക്സ് ആന്ങ്കേഴ്സ്, ആന്റി ലോക്കിങ് ബ്രേക്കിങ് സംവിധാനം, ഓട്ടോണമസ് എമര്ജന്സി ബ്രേക്കിങ് തുടങ്ങിയ സുരക്ഷാ സന്നാഹങ്ങളാണ് വാഹനത്തില് നല്കിയിരിക്കുന്നത്.
177 bhp കരുത്ത് നല്കുന്ന 2.0 ലിറ്റര് പെട്രോള് എന്ജിനും രണ്ട് ഇലക്ട്രിക്ക് മോട്ടോറിനൊപ്പം 1.8 ലിറ്റര് പെട്രോള് എന്ജിനുമാണ് കൊറോളയ്ക്ക് കരുത്തേകുന്നത്. പഴയ പതിപ്പിനെ പിന്വലിച്ച് 2020 -ഓടെ പുതിയ കൊറോള ഇന്ത്യന് വിപണിയില് എത്തിയേക്കുമെന്നും റിപ്പോര്ട്ടില് പറയുന്നു.
എന്നാല് വര്ധിച്ചു വരുന്ന ചെലവും, വിപണിക്ക് സെഡാന് മോഡലുകളോടുള്ള താല്പര്യം കുറഞ്ഞതും വിപണിയില് വാഹനത്തെ അവതരിപ്പിക്കുന്നതിന് തടസ്സമായേക്കുമെന്നും റിപ്പോര്ട്ടില് വ്യക്തമാക്കുന്നു. അതേസമയം കമ്പനിയുടെ ഭാഗത്തുനിന്നും ഇതുസംബന്ധിച്ച് ഔദ്യോഗിക അറിയിപ്പുകള് ഒന്നും തന്നെ എത്തിയിട്ടില്ല.
Most Read: ക്രാഷ് ടെസ്റ്റില് ഫൈവ് സ്റ്റാര് റേറ്റിങ് സ്വന്തമാക്കി സ്കോഡ ഒക്ടാവിയ
കൊറോള ഉള്പ്പടെ നിരവധി മോഡലുകളുടെ ഡീസല് പതിപ്പിനെ വിപണിയില് നിന്നും പിന്വലിക്കുമെന്ന് നേരത്തെ തന്നെ കമ്പനി അറിയിച്ചിരുന്നു. 2020 ഏപ്രില് ഒന്നുമുതല് വാഹനങ്ങള് ബിഎസ് VI നിലവാരത്തിലേക്ക് മാറേണ്ടതുണ്ട്.
ബിഎസ് VI -ലേക്ക് നവികരിക്കുമ്പോള് ചെലവ് വര്ധിക്കുന്നതാണ് ഡീസല് എഞ്ചിനുകളെ കൈവിടാന് കാരണമെന്ന് കമ്പനി അറിയിച്ചത്. അതേസമയം പ്രീമിയം നിരയിലെ വാഹനങ്ങളുടെ വില്പ്പന തുടരാന് തന്നെയാണ് കമ്പനിയുടെ പദ്ധതി. പ്രത്യേകിച്ച് ഇന്നോവ ക്രിസ്റ്റ, ഫോര്ച്യൂണര് തുടങ്ങിയ മോഡലുകളിലെയും ഡീസല് പതിപ്പുകളുടെ വില്പ്പന തുടരുമെന്ന് കമ്പനി അറിയിച്ചു.
Most Read: ഹയാബൂസയുടെ അവസാന ബിഎസ്-IV പതിപ്പ് അവതരിപ്പിച്ച് സുസുക്കി
വിപണിയില് ആവശ്യക്കാര് ഏറെയുള്ള മോഡലുകളാണിതെന്നാണ് കമ്പനി അറിയിച്ചിരിക്കുന്നത്. ഇന്ത്യന് വിപണിയില് കമ്പനിയുടെ 85 ശതമാനവും ഡീസല് വാഹനങ്ങളാണ്. ഇതില് 60 ശതമാനവും യൂട്ടിലിറ്റി വാഹനങ്ങളായ ഇന്നോവ, ഫോര്ച്യൂണര് മോഡലുകളാണ്.
അതുകൊണ്ട് തന്നെയാണ് ഈ മോഡലുകളുടെ ഡീസല് പതിപ്പുകളെ പിന്വലിക്കില്ലെന്ന് കമ്പനി അറിയിച്ചിരിക്കുന്നത്. ഡീസല് പതിപ്പുകളുടെ ഉത്പാദം അവസാനിപ്പിച്ച് ബിഎസ് VI നിലവാരത്തിലുള്ള പെട്രോള് പതിപ്പുകളിലാകും കമ്പനി ശ്രദ്ധ കേന്ദീകരിക്കുക. അതിനൊപ്പം തന്നെ സിഎന്ജി, ഇലക്ട്രിക്ക് വാഹനങ്ങളെയും കമ്പനി അവതരിപ്പിക്കും.
Source: LatinNCAP/YouTube