Just In
- 9 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 12 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 12 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 13 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ്
- News ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ദലൈലാമയുടെ ലാന്ഡ് റോവര് വില്പ്പനയ്ക്ക്: വില ഒരു കോടി രൂപ
ലോകമെമ്പാടും അറിയപ്പെടുന്ന ടിബറ്റിന്റെ ആത്മീയ ആചാര്യനാണ് 14 -ാം ദലൈലാമയായ ടെന്സിന് ഗ്യാസ്റ്റോ. അദ്ദൈഹത്തിന്റെ പ്രവര്ത്തനങ്ങളും ശിക്ഷണങ്ങളുമാണ് ദലൈലാമയെ ലോകത്തെ ഏറ്റവും പ്രിയങ്കരനായ ആത്മീയ നേതാവായി തീര്ത്തത്. രണ്ടാം ലോക മഹായുദ്ധത്തിന് മുമ്പ് തിരഞ്ഞെടുത്തതിനാല് അന്നു മുതല് ഇന്നുവരെയും ലോകമെമ്പാടും അറിയപ്പെടുന്ന മുഖമായി മാറി 14 -ാം ദലൈലാമ.
ഇപ്പോള് 10 വര്ഷം ദലൈലാമ ഉപയോഗിച്ച അദ്ദേഹത്തിന്റെ സ്വന്ത വാഹനം വില്പ്പനയ്ക്ക് എത്തിയിരിക്കുകയാണ്. ദലൈലാമയുടെ ലാന്ഡ് റോവര് സീരീസ് IIA -ക്ക് ഒരു കോടി രൂപയോളമാണ് വില.
1966-1976 ഇന്ത്യയില് ധര്മ്മശാലയില് 10 വര്ഷം അദ്ദേഹം ഉപയോഗിച്ചിരുന്ന വാഹനമാണിത്. ടിബറ്റിനെ ചൈന ആക്രമിച്ചപ്പോള് അവിടെ നിന്ന് പലായനം ചെയ്ത ദലൈലാമയുടെ ആസ്ഥാനമായി മാറിയ സ്ഥലമാണിത്.
ദലൈലാമ വാഹനം ഓടിച്ചിരുന്നില്ലെങ്കിലും വാഹനത്തിന്റെ മുന്സീറ്റിലിരുന്ന് ബഹുദൂരം സഞ്ചരിക്കുമായിരുന്നു. പതിവായി അദ്ദേഹം ഉപയോഗിച്ചുകൊണ്ടിരുന്ന വാഹനമാണിത്.
ഇന്ത്യയില് മാത്രമല്ല അതിര്ത്തികള് കടന്ന് നേപ്പാളിലും, ഹിമാലയന് മലനിരകളിലൂടെയും പല തവണ അദ്ദേഹം ഇതില് യാത്ര ചെയ്തിട്ടുണ്ട്. പരുക്കമായ ഹിമാലയന് പാതകള് അനായാസം കീഴ്പ്പെടുത്താന് ലാന്ഡ് റോവര് സീരീസ് IIA -യുടെ 4x4 സംവിധാനങ്ങള്ക്ക് കഴിഞ്ഞു.
യാരിസ്, മാരുതി സിയാസിനും ഹോണ്ട സിറ്റിക്കും ടൊയോട്ട കണ്ടെത്തിയ മറുപടി: കൂടുതല് അറിയാം
ഇന്ന് ലാന്ഡ് റോവര് സീരീസ് IIA ഒരു ഐതിഹാസിക വാഹനമാണ്. സീരീസ് IIA പുറത്തിറക്കിയിട്ട് 31 വര്ഷങ്ങള്ക്ക് ശേഷം 1992 -ല് തങ്ങള് വിറ്റഴിച്ച വാഹനങ്ങളില് 70 ശതമാനം നിരത്തുകളില് ഓടുന്നുണ്ട് എന്ന് ലാന്ഡ് റോവര് അവകാശപ്പെട്ടിരുന്നു. വാഹനത്തിന്റെ വിശ്വാസ്യതയെ ഇത് വ്യക്തമാക്കുന്നു.
1966 -ലാണ് ദലൈലാമ ലാന്ഡ് റോവര് സീരീസ് IIA കൈക്കലാക്കുന്നത്. അദ്ദേഹം യുകെയിലെ ലാന്ഡ് റോവര് ഫാക്ടറി സന്ദര്ശിച്ചാണ് വാഹനം കൈപ്പറ്റിയത്. ഫാക്ടറിയിലെ അസംബ്ലി ലൈനില് നിന്നുള്ള അദ്ദേഹത്തിന്റെ ചിത്രങ്ങള് ഇന്നും കേട് കൂടാതെയുണ്ട്. 2.25 ലിറ്റര് നാല് സിലന്ഡര് എഞ്ചിനാണ് വാഹനത്തില് വന്നിരുന്നത്.
ദീര്ഘദൂരങ്ങള് കേടുപാടുകളും പ്രശ്നങ്ങളും കൂടാതെ സുഖമായി ഓടാനുള്ള ഈ എഞ്ചിന്റെ മികവ് പ്രശംസനീയമാണ്. 1961 -ല് സീരീസി II -ന്റെ ഉത്പാദനം നിര്മ്മാതാക്കള് നിര്ത്തിയതോടെയാണ് സീരീസ് IIA പുറത്തിറങ്ങുന്നത്. 1971 വരെ ഉത്പാദനമുണ്ടായിരുന്ന സീരീസ് IIA സീരീസ് III പകരം വയ്ച്ചു.
10 വര്ഷത്തെ ഉപയോഗത്തിന് ശേഷം ദലൈലാമ വാഹനം വിറ്റിരുന്നു. അതിനു ശേഷം വാഹനത്തെപ്പറ്റി ഒരു അറിവും ഉണ്ടായിരുന്നില്ല. സാന്ഫ്രാന്സിസ്ക്കൊയിലെ വെസ്റ്റ് കോസ്റ്റ് ബ്രിട്ടീഷ് എന്ന സ്ഥാപനത്തില് പുതുക്കിപണിയാനായിട്ട് 2005 -ലാണ് ഈ വാഹനം പിന്നീട് എത്തുന്നത്. വാഹനത്തിന്റെ പൗരാണിക വില മനസ്സിലാക്കി ഒരു വര്ഷം കൊണ്ട് വളരെ സാവധാനമാണ് വാഹനം പുതുക്കി പണിതത്.
1.10 ലക്ഷം കിലോമീറ്ററായിരുന്നു ഈ സമയത്തെ ഓഡോമീറ്റര് റീഡിങ്. ആഗസ്റ്റ് 29 -ന് ലേലത്തില് വയ്ക്കുന്ന ഈ ലാന്ഡ് റോവര് സീരീസ് IIA മോഡലിന് 70 ലക്ഷം മുതല് 1.2 കോടി രൂപവരെയാണ് വില കണക്കാക്കിയിട്ടുള്ളത്.