Just In
- 10 hrs ago കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ
- 12 hrs ago ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ?
- 13 hrs ago റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം
- 13 hrs ago 69,999 രൂപയുടെ ഇലക്ട്രിക് സ്കൂട്ടർ ബുക്ക് ചെയ്തവരുണ്ടോ? വണ്ടി അടുത്തമാസം തരാമെന്ന് കമ്പനി
Don't Miss
- Sports IPL 2024: സിഎസ്കെയുടെ വില്ലന് ജഡേജയല്ല, അത് ധോണി! കളി തോല്പ്പിച്ച മണ്ടന് തീരുമാനം ഇതാ
- News ലോക്സഭ തിരഞ്ഞെടുപ്പ് പോര്; ഇന്ന് കൊട്ടിക്കലാശം, വെള്ളിയാഴ്ച വോട്ടെടുപ്പ്
- Movies റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ!
- Lifestyle വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള്
- Technology ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ്
- Finance അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
- Travel വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ഓട്ടോമാറ്റിക്കായി ഹോണ്ട അമേസ് VX, വില 8.56 ലക്ഷം രൂപ മുതല്
2018 ഓട്ടോ എക്സ്പോയിലാണ് പുതുതലമുറ അമേസിനെ ഹോണ്ട അനാവരണം ചെയ്തത്. തുടര്ന്ന് മെയ് മാസം പുതിയ വേഷത്തില് കാര് വില്പ്പനയ്ക്കെത്തി. അവതരിച്ച നാള്തൊട്ട് അമേസ് ഹിറ്റാണ്. സിറ്റി, WR-V, ജാസ്സ് മോഡലുകളെ വില്പ്പനയില് പിന്നിലാക്കാന് അമേസിന് സമയമേറെ വേണ്ടിവന്നില്ല. നിലവില് ഹോണ്ടയുടെ ഏറ്റവും വില്പ്പനയുള്ള കാറാണ് അമേസ്.
ഇതുവരെ മോഡലിന്റെ S, V ഇടത്തരം വകഭേദങ്ങളില് മാത്രമാണ് സിവിടി ഓട്ടോമാറ്റിക് ഗിയര്ബോക്സ് ഒരുങ്ങിയത്. എന്നാല് ഇപ്പോള്, അമേസ് സിവിടി മോഡലുകള്ക്ക് പ്രചാരം കൂടുന്നത് കണ്ട് ഏറ്റവും ഉയര്ന്ന VX വകഭേദത്തിനും ഹോണ്ട സിവിടി പതിപ്പ് കൊണ്ടുവന്നിരിക്കുകയാണ്. 8.56 ലക്ഷം രൂപ വിലയില് അമേസ് VX സിവിടി പെട്രോള് വിപണിയില് പുറത്തിറങ്ങി. അമേസ് VX സിവിടി ഡീസല് മോഡല് 9.56 ലക്ഷം രൂപ വില കുറിക്കും.
ഒരുപിടി പുത്തന് സവിശേഷതകളുമായാണ് അമേസ് VX സിവിടി മോഡലുകള് വിപണിയില് എത്തുന്നത്. 7.0 ഇഞ്ച് വലുപ്പമുള്ള ടച്ച്സ്ക്രീന് ഇന്ഫോടെയ്ന്മെന്റ് സംവിധാനം പുതിയ പതിപ്പിന്റെ മാറ്റുകൂട്ടും. ആപ്പിള് കാര്പ്ലേ, ആന്ട്രോയ്ഡ് ഓട്ടോ കണക്ടിവിറ്റി ഓപ്ഷനുകള് ഇന്ഫോടെയ്ന്മെന്റ് സംവിധാനത്തിലുണ്ട്.
ഇന്ബില്ട്ട് ടേണ് ബൈ ടേണ് നാവിഗേഷന്, IR റിമോട്ട് കണ്ട്രോള്, യുഎസ്ബി പോര്ട്ട്, പിന് ക്യാമറ, പിഞ്ച് ഗാര്ഡുള്ള ഡ്രൈവര് സൈഡ് വണ് ടച്ച് അപ്പ് വിന്ഡോ എന്നിങ്ങനെ നീളും അമേസ് VX സിവിടി വിശേഷങ്ങള്. കര്ശനമാവുന്ന സുരക്ഷാ ചട്ടങ്ങള് മാനിച്ച് സീറ്റ് ബെല്റ്റ് റിമൈന്ഡറും വേഗ മുന്നറിയിപ്പ് സംവിധാനവും പുതിയ പതിപ്പില് അടിസ്ഥാന ഫീച്ചറുകളാണ്.
പിന് പാര്ക്കിങ് സെന്സറുകള്, ആന്റി - ലോക്ക് ബ്രേക്കിങ് സംവിധാനം, ഇരട്ട എയര്ബാഗുകള്, ISOFIX ചൈല്ഡ് സീറ്റ് മൗണ്ടുകള്, ഇംപാക്ട് സെന്സിങ് ഡോര് ലോക്ക് തുടങ്ങിയ സജ്ജീകരണങ്ങള് യാത്രക്കാരുടെ സുരക്ഷയ്ക്കായി കാറില് ആദ്യം മുതല്ക്കെയുണ്ട്. 1.2 ലിറ്റര് നാലു സിലിണ്ടര് നാച്ചുറലി ആസ്പിരേറ്റഡ് യൂണിറ്റാണ് അമേസ് പെട്രോളില്. എഞ്ചിന് 89 bhp കരുത്തും 110 Nm torque ഉം പരമാവധി സൃഷ്ടിക്കാനാവും.
മറുവശത്ത് 1.5 ലിറ്റര് ഡീസല് എഞ്ചിന് 99 bhp കരുത്തും 99 bhp കരുത്തും 200 Nm torque -മാണ് കുറിക്കുക. ഇരു എഞ്ചിന് പതിപ്പുകളിലും അഞ്ചു സ്പീഡ് മാനുവല് ഗിയര്ബോക്സായിരുന്നു ഇതുവരെ. ഇപ്പോള് സിവിടി ഗിയര്ബോക്സും അമേസ് VX -ല് തിരഞ്ഞെടുക്കാം.
Most Read: ഇടിയില് മലക്കം മറിഞ്ഞ് ടിയാഗൊ, യാത്രക്കാര് സുരക്ഷിതര് — ടാറ്റയ്ക്ക് നന്ദിയറിയിച്ച് ഉടമ
E, S, V, VX എന്നിങ്ങനെ നാലു വകഭേദങ്ങളാണ് അമേസിലുള്ളത്. ഇതില് S, V, VX വകഭേദങ്ങളില് ഓട്ടോമാറ്റിക് സിവിടി ഗിയര്ബോക്സ് ലഭ്യമാണ്. വിപണിയിലെത്തി 11 മാസത്തിനകം 85,000 -ത്തില്പ്പരം അമേസ് യൂണിറ്റുകള് കമ്പനി വിറ്റുകഴിഞ്ഞു. കഴിഞ്ഞ സാമ്പത്തിക വര്ഷം ഹോണ്ടയുടെ ആകെ വില്പ്പനയില് 46 ശതമാനവും കോമ്പാക്ട് സെഡാന് അമേസിന്റെ സംഭാവനയാണ്.
മാരുതി ഡിസൈര്, ഹ്യുണ്ടായി എക്സെന്റ്, ഫോക്സ്വാഗണ് അമിയോ, ടാറ്റ ടിഗോര്, ഫോര്ഡ് ആസ്പൈര് തുടങ്ങിയ മോഡലുകളുമായാണ് ഹോണ്ട അമേസിന്റെ മത്സരം.