Just In
- 2 hrs ago രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം
- 4 hrs ago ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ
- 5 hrs ago സേഫ്റ്റിയേക്കാള് വലുതാണോ വില? സുരക്ഷ കുറവായിട്ടും ആളുകള് ചോദിച്ച് വാങ്ങുന്ന 3 കാറുകള്
- 5 hrs ago മുഖംമിനുക്കി വരാൻ പണക്കാരുടെ ഥാർ എസ്യുവി, മഹീന്ദ്രയുടെ അപ്പൻ തമ്പുരാൻ രണ്ടുംകൽപ്പിച്ച് തന്നെ
Don't Miss
- Movies നിന്റെ അവസ്ഥ അവന് കണ്ടുകൂടെ, എത്രത്തോളം ഫ്രണ്ട്ഷിപ്പുണ്ടെന്ന് ഇപ്പോൾ അറിഞ്ഞോ; പവർ ടീമും ഗബ്രിയും വഴക്കിൽ
- News ഉദ്ധവിന്റെ പാര്ട്ടിക്കെതിരെ മത്സരിക്കാന് കോണ്ഗ്രസ്, സ്ഥാനാര്ത്ഥിയെ പ്രഖ്യാപിച്ചു
- Sports IPL 2024: 18, 12; വീണ്ടും വിക്കറ്റ് വലിച്ചെറിഞ്ഞ് സഞ്ജു! ഇങ്ങനെ പോയാല് ലോകകപ്പ് നോക്കേണ്ട
- Travel മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ്
- Lifestyle ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി
- Technology ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ
- Finance ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
തെരഞ്ഞെടുത്ത മോഡലുകള്ക്ക് ഓഫറുമായി ഹോണ്ട
നവംബര് മാസത്തില് കാറുകള്ക്ക് ഓഫറുകള് പ്രഖ്യാപിച്ച് ജാപ്പനീസ് വാഹന നിര്മ്മാതാക്കളായ ഹോണ്ട. വിവിധ നിരയില് നിന്നും തെരഞ്ഞെടുത്ത മോഡലുകള്ക്ക് മാത്രമാണ് കമ്പനി ഓഫറുകള് പ്രഖ്യാപിച്ചിരിക്കുന്നത്.
വിവിധ സ്ഥലങ്ങളേയും ഡീലര്ഷിപ്പുകളേയും മോഡലുകളുടെ ലഭ്യതയ്ക്കും അനുസരിച്ചാണ് ഓഫറുകള് നല്കി വരുന്നത്. 2019 നവംബര് 30 വരെ മാത്രമേ ഈ ഓഫര് ലഭ്യമാവുകയുള്ളുവെന്നും കമ്പനി അറിയിച്ചു. ഓഫറുകള് പ്രഖ്യാപിച്ചിരിക്കുന്ന വിവിധ മോഡലുകള് ഏതൊക്കെ എന്ന് നോക്കാം.
ഹോണ്ട ജാസ്
ഹാച്ച്ബാക്ക് കാറുകളുടെ നിരയില് ഇന്നും ഒരു സ്ഥാനം ഹോണ്ടയുടെ ജാസിനുണ്ടെന്ന് വേണം പറയാന്. ഈ നവംബറില് 50,000 രൂപയുടെ ഓഫറാണ് ജാസിന് കമ്പനി നല്കുന്നത്. 25,000 രൂപയുടെ ക്യാഷ് ഡിസ്കൗണ്ടും, 25,000 രൂപയുടെ എക്സചേഞ്ച് ഓഫറുമായിട്ടാണ് ഈ ആനുകൂല്യം ഉപഭോക്താവിന് ലഭിക്കുന്നത്.
ജാസിന്റെ എല്ലാ വകഭേദങ്ങളിലും ഈ ഓഫര് ലഭ്യമാകുമെന്ന് കമ്പനി അറിയിച്ചിട്ടുണ്ട്. പെട്രോള്, ഡീസല് എഞ്ചിനുകളില് വാഹനം വിപണിയില് ലഭ്യമാണ്. 1.2 ലിറ്റര് പെട്രോള്, 1.5 ലിറ്റര് ഡീസല് എഞ്ചിനുകളാണ് വാഹനത്തിന്റെ കരുത്ത്.
ഹോണ്ട അമേസ്
അടുത്തിടെയാണ് പുത്തന് ഭാവത്തില് രണ്ടാം തലമുറ അമേസിനെ ഹോണ്ട വിപണിയില് അവതരിപ്പിച്ചത്. കോംമ്പാക്ട് സെഡാനായ അമേസിന്റെ വിവിധ മോഡലുകള്ക്ക് 30,000 രൂപയുടെ ഓഫറാണ് കമ്പനി നല്കുന്നത്.
1.2 ലിറ്റര് പെട്രോള്, 1.5 ലിറ്റര് ഡീസല് എഞ്ചിനുകളാണ് അമേസില്. പെട്രോള് എഞ്ചിന് പരമാവധി 88 bhp കരുത്തും 109 Nm torque ഉം സൃഷ്ടിക്കാനാവും. 100 bhp കരുത്തും 200 Nm torque ഉം ഉത്പാദിപ്പിക്കുന്നതാണ് ഡീസല് എഞ്ചിന്.
ഹോണ്ട CR-V
ഹോണ്ടയുടെ പ്രീമിയം എസ്യുവി CR-V -ക്ക് വിവിധ മോഡലുകളിലായി അഞ്ച് ലക്ഷം രൂപ വരെ ഡിസ്കൗണ്ടാണ് കമ്പനി നല്കുന്നത്. എന്നാല് ഡീസല് മോഡലുകള്ക്ക് മാത്രമാകും ഈ ഓഫര് ലഭിക്കുകയുള്ളുവെന്നാണ് റിപ്പോര്ട്ട്.
Most Read: റോള്സ് റോയ്സിന്റെ കലിനന് ഇന്ത്യയില് ആദ്യം സ്വന്തമാക്കിയത് മുകേഷ് അംബാനി
കഴിഞ്ഞ വര്ഷമാണ് ഹോണ്ട പുതിയ CR-V -യെ വിപണിയിലെത്തിച്ചത്. 120 bhp കരുത്തുള്ള 1.6 ലീറ്റര് i-DTEC ടര്ബ്ബോചാര്ജ്ഡ് ഡീസല് എന്ജിനും 154 bhp കരുത്തുള്ള 2 ലീറ്റര് പെട്രോള് എന്ജിനുമാണ് വാഹനത്തിന് കരുത്തേകുന്നത്.
ഹോണ്ട BR-V
ഹോണ്ടയുടെ കോംമ്പാക്ട് എസ്യുവിയാണ് BR-V. 1.1 ലക്ഷം രൂപ വരെ ഓഫറാണ് മോഡലില് കമ്പനി നല്കുന്നത്. വിവിധ വകഭേദങ്ങളിലായി ക്യാഷ് ഡിസ്കൗണ്ടും എക്സ്ചേഞ്ച് ഓഫറുകളും ആക്സറീസും അടക്കമാണ് 1.1 ലക്ഷം രൂപയുടെ ഓഫര് നല്കുന്നത്.
Most Read: ഇന്ത്യയിലെ ഏറ്റവും വില കൂടിയ പത്ത് ബൈക്കുകൾ
വലിയൊരു വാഹനത്തിന്റെ രൂപ ഭാവമുള്ള മിനി എസ്യുവിയാണ് BR-V. പെട്രോള് ഡീസല് എഞ്ചിന് ഓപ്ഷനുകളില് വാഹനം വിപണിയില് ലഭ്യമാണ്. 1.5ലിറ്റര് iVTEC പ്രെട്രേള് എഞ്ചിനും 1.5 ലിറ്റര് iDTEC ഡീസല് എഞ്ചിനുമാണ് കാറിന് കരുത്തു പകരുന്നത്.
ഹോണ്ട സിവിക്ക്
പ്രീമിയം സെഡാനായ സിവിക്കിന് 2.5 ലക്ഷം രൂപയുടെ ഓഫറാണ് ഹോണ്ട നവംബറില് പ്രഖ്യാപിച്ചിരിക്കുന്നത്. VCVT ഒഴികയുള്ള പെട്രോള് വകഭേദത്തിന് 25,000 രൂപ വരെ എക്സ്ചേഞ്ച് ബോണസും ലഭിക്കും.
എല്ലാ ഡീസല് മോഡലുകള്ക്ക് 2.5 ലക്ഷം വരെ ക്യാഷ് ഡിസൗണ്ടും പെട്രോള് VCVT -യ്ക്ക് ക്യാഷ് ഡിസ്കൗണ്ടും, 2 ലക്ഷം രൂപ വരെ എക്സ്ചേഞ്ച് ബോണസുമാണ് കമ്പനി നല്കുന്നത്. 1.6 ലിറ്റര് ഡീസല് എഞ്ചിന് 120 bhp കരുത്തും 300 Nm torque ഉം പരമാവധി സൃഷ്ടിക്കാനാവും.
ആറു സ്പീഡ് മാനുവല് ഗിയര്ബോക്സ് മാത്രമെ ഡീസല് പതിപ്പിലുള്ളൂ. 1.8 ലിറ്റര് i-VTEC എഞ്ചിന് പെട്രോള് പതിപ്പിന് 138 bhp കരുത്തും 174 Nm torque ഉം ഉത്പാദിപ്പിക്കും. ആറു സ്പീഡ് മാനുവല് ഗിയര്ബോക്സ് തന്നെ പെട്രോള് പതിപ്പിലും ലഭിക്കും.
ഹോണ്ട സിറ്റി
സെഡാന് ശ്രേണിയിലെ ഹോണ്ടായുടെ ജനപ്രീയ വാഹനമാണ് സിറ്റി. ഈ മാസം പുതിയൊരു പതിപ്പിനെകൂടി വിപണിയില് അവതരിപ്പിക്കാന് ഒരുങ്ങുകയാണ് കമ്പനി.
സിറ്റിയുടെ എല്ലാ വകഭേദങ്ങള്ക്കും ക്യാഷ് ഡിസ്കൗണ്ടും, എക്സ്ചേഞ്ച് ബോണസും അടക്കം 62,000 രൂപയുടെ ഓഫറാണ് കമ്പനി വാഗ്ദാനം ചെയ്തിരിക്കുന്നത്. 9.81 ലക്ഷം രൂപ മുതല് 14.16 ലക്ഷം രുപ വരെയാണ് നിലവില് വാഹനത്തിന്റെ എക്സ്ഷോറും വില.
1.5 ലിറ്റര് i-VTEC പെട്രോള് എഞ്ചിന് 117 bhp കരുത്തും 145 Nm torque ഉം സൃഷ്ടിക്കും. 1.5 ലിറ്റര് i-DTEC എഞ്ചിന് 100 bhp കരുത്തും 200 Nm torque ഉം ആണ് സൃഷ്ടിക്കുന്നത്.
ഹോണ്ട WR-V
ഹോണ്ട നിരയില് ഏറ്റവും വില്പ്പനയുള്ളൊരു വാഹനമാണ് WR-V. WR-V -യുടെ എല്ലാ വകഭേദങ്ങള്ക്കും ക്യാഷ് ഡിസ്കൗണ്ടും, എക്സ്ചേഞ്ച് ബോണസും അടക്കം 45,000 രൂപയുടെ ഓഫറാണ് ലഭിക്കുന്നത്. 1.5 ലിറ്റര് ഡീസല്, 1.2 ലിറ്റര് പെട്രോള് എഞ്ചിനുകളാണ് വാഹനത്തിന് കരുത്തേകുന്നത്.