Just In
- 9 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 12 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 12 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 13 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Sports IPL 2024: സ്റ്റബ്സാണ് ഡല്ഹിയുടെ 'റിയല് ഹീറോ', ആ സേവാണ് കളി മാറ്റിയത്! കിടിലന് ഫീല്ഡിങ്
- News ലോക്സഭ തിരഞ്ഞെടുപ്പ്; കേരളം നാളെ ബൂത്തിലേക്ക്.. ഇന്ന് നിശബ്ദ പ്രചരണം, 4 ജില്ലകളിൽ നിരോധനാജ്ഞ
- Movies നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്'
- Lifestyle ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ക്യാമറയ്ക്ക് മുന്നില്പ്പെട്ട് ജാസ്സ് ഇവി, വരുമോ ഹോണ്ടയുടെ വൈദ്യുത കാര്?
വൈദ്യുത വാഹനങ്ങളിലേക്ക് ചേക്കേറാനുള്ള ഒരുക്കങ്ങള് നിര്മ്മാതാക്കള് തുടങ്ങി. അടുത്തവര്ഷം വാഗണ്ആര് ഇവിയെ മാരുതി വില്പ്പനയ്ക്കു കൊണ്ടുവരും. ടിഗോര്, ടിയാഗൊ ഇവികളെ ടാറ്റ പ്രദര്ശിപ്പിച്ചു കഴിഞ്ഞു. വിപണിയില് ഏതുനിമിഷവും ടാറ്റയുടെ വൈദ്യുത കാറുകള് കടന്നെത്തും.
തുടക്കത്തിലെ ഇന്ത്യന് വൈദ്യുത വാഹന നിരയില് പേരറിയിക്കാനുള്ള തയ്യാറെടുപ്പിലാണ് ഇപ്പോള് ഹോണ്ടയും. വിദേശ വിപണികളില് വില്പ്പനയിലുള്ള ഫിറ്റ് ഇവിയുമായി ഹോണ്ട ഇന്ത്യയില് പരീക്ഷണയോട്ടം ആരംഭിച്ചു.
രണ്ടാംതലമുറ ഫിറ്റ് ഹാച്ച്ബാക്കാണ് പുതിയ ഫിറ്റ് ഇവിക്ക് ആധാരം. ഇന്ത്യന് നിരയിലുള്ള ജാസ്സിന്റെ രാജ്യാന്തര പതിപ്പാണ് ഫിറ്റ്. ജാസ്സും ഫിറ്റ് ഇവിയും തമ്മില് സമ്യതകള് ഒരുപാടുണ്ട്. എന്നാല് ഡിസൈനിലെ പരിഷ്കാരങ്ങള് ഫിറ്റ് ഇവിയും ജാസ്സും തമ്മിലുള്ള അതിര്വരമ്പ് നിശ്ചയിക്കും.
പ്രധാനമായും മുഖരൂപമാണ് ഇരു ഹാച്ച്ബാക്കുകളുടെയും വ്യത്യസ്തം. കോണോടുകോണ് ചേര്ന്ന ഹെഡ്ലാമ്പുകള് ഫിറ്റ് ഇവിയെ ജാസ്സില് നിന്ന് വേറിട്ടുനിര്ത്തും. വലിയ വിന്ഡ്സ്ക്രീനാണ് ഹാച്ച്ബാക്കിന്. ഗ്രില്ലിന്റെ സ്ഥാനത്ത് ലോഗോ പതിപ്പിച്ച പ്രത്യേക ബോഡി പാനല് ഒരുങ്ങുന്നു.
ബമ്പറിലെ വലിയ എയര്ഡാമും ഫിറ്റ് ഇവിയുടെ ഡിസൈനില് പരാമര്ശിക്കണം. അതേസമയം ക്യാമറ പകര്ത്തിയ ചിത്രങ്ങളില് മോഡലിന്റെ മുന്ഭാഗം പതിഞ്ഞിട്ടില്ല. ഷാര്ക്ക് ഫിന് ശൈലിയുള്ള ആന്റീന, 15 ഇഞ്ച് അലോയ് വീലുകള്, മേല്ക്കൂരയോട് ചേര്ന്ന പിന് സ്പോയിലര് എന്നിവയെല്ലാം ഫിറ്റ് ഇവിയുടെ സവിശേഷതകളാണ്.
പിറകിലേക്ക് വലിഞ്ഞ റാപ്പറൗണ്ട് ടെയില്ലാമ്പുകള് ഫിറ്റ് ഇവിക്ക് ചാരുത സമര്പ്പിക്കുന്നുണ്ട്. ബോഡി നിറത്തിലാണ് മുന് പിന് ബമ്പറുകള്. MCF3 വൈദ്യുത മോട്ടോറാണ് ഹോണ്ട ഫിറ്റ് ഇവിയുടെ ഹൃദയം. 20 kWh ലിഥിയം അയോണ് ബാറ്ററി പിന്തുണയുള്ള മോട്ടോര് 331 വോള്ട്ട് ഉത്പാദിപ്പിക്കും.
ഒറ്റച്ചാര്ജ്ജില് 225 കിലോമീറ്റര് ദൂരം വരെയോടാന് ഹോണ്ടയുടെ വൈദ്യുത ഹാച്ച്ബാക്കിന് കഴിയുമെന്നാണ് വിവരം. മോഡലിന്റെ വലതുവശത്തു സ്റ്റാന്ഡേര്ഡ് ചാര്ജ്ജിംഗ് പോര്ട്ടും ഇടതുവശത്ത് ഫാസ്റ്റ് ചാര്ജ്ജിംഗ് പോര്ട്ടും കമ്പനി നല്കുന്നുണ്ട്.
ആറുമണിക്കൂര് വേണം സ്റ്റാന്ഡേര്ഡ് ചാര്ജ്ജിംഗ് പോര്ട്ട് ഉപയോഗിച്ച് ബാറ്ററി പൂര്ണമായി ചാര്ജ്ജ് ചെയ്യാന്. എന്നാല് ഫാസ്റ്റ് ചാര്ജ്ജിംഗ് പോര്ട്ടില് ഇരുപതു മിനിറ്റുകള് കൊണ്ടുതന്നെ എണ്പതു ശതമാനം ചാര്ജ്ജ് ബാറ്ററി കൈവരിക്കും.
നിലവില് ജാപ്പനീസ് അമേരിക്കന് വിപണികള് മാത്രമെ ഫിറ്റ് ഇവിയെ ഹോണ്ട അവതരിപ്പിക്കുന്നുള്ളൂ. പുതുതലമുറ അമേസ്, ബ്രിയോ മോഡലുകള്ക്കായി കമ്പനി രൂപംനല്കിയിട്ടുള്ള ബി-പ്ലാറ്റ്ഫോമായിരിക്കും ഫിറ്റ് ഇവി ഇവിടെ പങ്കിടുക.
മുമ്പ് ഡീസല് ശ്രേണിയില് പറ്റിയ അമളി വൈദ്യുത വാഹന നിരയില് ആവര്ത്തിക്കരുതെന്ന് ഹോണ്ട ഇന്ത്യയ്ക്ക് നിര്ബന്ധമുണ്ട്. അതുകൊണ്ടാണ് കേന്ദ്ര സര്ക്കാര് വൈദ്യുത വാഹന നയം നടപ്പിലാക്കുന്നതിനു മുമ്പെ ഇങ്ങോട്ടേക്കു പുതിയ വൈദ്യുത കാറിനെ കമ്പനി ആലോചിക്കുന്നത്.
1995 -ല് സിറ്റി സെഡാനുമായാണ്കാര് നിര്മ്മാതാക്കളായ ഹോണ്ട ഇന്ത്യന് വിപണിയില് കടന്നുവരുന്നത്. പിന്നീടു പത്തുവര്ഷത്തിലേറെ കാത്തിരിക്കേണ്ടി വന്നു ഹോണ്ടയുടെ ചെറു കാര് ജാസ്സ്, ഇന്ത്യയില് വില്പനയ്ക്കു വരാന്.
Most Read: സൈക്കിളിടിച്ച് തകർന്ന ടൊയോട്ട കൊറോള — വീഡിയോ വൈറൽ
ശേഷം 2013 -ല് കടന്നുവന്ന അമേസ് സെഡാനാണ് ഹോണ്ടയുടെ ആദ്യ ഡീസല് കാര്. എന്തായാലും ഇത്തവണ നേരത്തെ തന്നെ ഹോണ്ട ഇറങ്ങിത്തിരിച്ചു. ഫിറ്റ് ഇവിക്ക് സാധ്യത തേടുന്നതിന് പുറമെ സിറ്റി സെഡാന്റെ ഹൈബ്രിഡ് പതിപ്പും ഹോണ്ടയുടെ ആലോചനയിലുണ്ട്.
Image Source: News18