Just In
- 1 hr ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 2 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 2 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 3 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- Movies 'ഇങ്ങനെയുള്ള സ്ഥലങ്ങളിൽ അവൻ പോയിട്ടില്ല... അവൻ ഇതൊക്കെ കണ്ട് മനസിലാക്കണമെന്ന് എനിക്ക് തോന്നി'; നവ്യ നായർ!
- Lifestyle ബ്രേക്ക്ഫാസ്റ്റിനെ കുറിച്ചോര്ത്ത് ടെന്ഷന് വേണ്ട; പത്തുമിനിട്ടില് കിടിലന് സേമിയ ഉപ്പുമാവ് ഉണ്ടാക്കാം
- Sports IPL 2024: തനി സ്വഭാവം കാട്ടി സഞ്ജു, ക്ഷമയില്ല! തട്ടകത്തില് നാണംകെട്ടു; രൂക്ഷ വിമര്ശനം
- News സിദ്ധാര്ത്ഥന്റെ മരണം: അന്വേഷണ കമ്മീഷനെ നിയോഗിച്ച് ഗവര്ണര്, മുന് ഹൈക്കോതി ജഡ്ജി അന്വേഷിക്കും
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
എസ്യുവി ശ്രേണിയിലേക്ക് HR-V യെ അവതരിപ്പിക്കാനൊരുങ്ങി ഹോണ്ട
പുതിയ HR-V എസ്യുവി ഉടന് ഇന്ത്യന് വിപണിയില് അവതരിക്കുമെന്ന ജാപ്പനീസ് കാര് നിര്മ്മാതാക്കളായ ഹോണ്ട. നവംബര് മാസത്തോടെ മോഡലിനെ വിപണിയില് അവതരിപ്പിക്കാനാണ് കമ്പനി പദ്ധതിയിട്ടിരിക്കുന്നത്.
അടുത്തിടെ ഹോണ്ട HR-V -യുടെ പരീക്ഷണ ഓട്ടത്തിന്റെ ചിത്രങ്ങള് പുറത്തെത്തിയിരുന്നു. ഇതിന് പിന്നാലെയാണ് വാഹനം വിപണിയിലേക്ക് എത്തുന്നതിന്റെ വാര്ത്തകള് സജീവമായത്. വിദേശവിപണിയില് HRV ഫൈവ് സീറ്റര് ഓടുന്നുണ്ടെങ്കിലും വില അധികമായതിനാല് ഇന്ത്യയെ ഒഴിവാക്കുകയായിരുന്നു.
ഹോണ്ടയുടെ വാഹനശ്രേണിയില് CR-V -ക്ക് താഴെയാണ് HR-V -യുടെ സ്ഥാനം. ജാസിന്റെ അതേ പ്ലാറ്റ്ഫോമില് തന്നെയാണ് ഈ വാഹനവും ഒരുങ്ങുന്നത്. കാഴ്ചയില് WR-V -യോട് നേരിയ സാമ്യമുള്ള വാഹനമാണ് HR-V.
HR-V -യെ ഇന്ത്യയിലെത്തിക്കുമെന്ന് കമ്പനി നേരത്തെ തന്നെ അറിയിച്ചിരുന്നു. വിദേശത്ത് നിര്മ്മിച്ച HR-V അടുത്തിടെ ഡല്ഹിയിലെ ചില ഡീലര്ഷിപ്പുകളില് കമ്പനി എത്തിക്കുകയും ചെയ്തിരുന്നു. നിരവധി പുതിയ മോഡലുകളാണ് ഈ സെഗ്മെന്റില് വിപണിയില് എത്തിയത്.
വലിയ ഗ്രില്, എല്ഇഡി ഹെഡ്ലാമ്പ്, എല്ഇഡി ടെയ്ല്ലാമ്പുകള്, മികച്ച ഡിസൈന് നല്കിയിട്ടുള്ള ബംമ്പര് എന്നിവയാണ് വാഹനത്തിന്റെ അഴക് നല്കുന്നത്. 17 ഇഞ്ച് അലോയി വീലാണ് ഈ എച്ച്ആര്-വിയിലുള്ളത്.
ബെയ്ജ്-ബ്ലാക്ക് ഡ്യുവല് ടോണ് ഇന്റീരിയറാണ് വാഹനത്തിന് കമ്പനി നല്കിയിരിക്കുന്നത്. 8.0 ഇഞ്ച് ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, 5 സ്പീക്കര് ഓഡിയോ സിസ്റ്റം, റിവേഴ്സ് ക്യാമറ, പനോരമിക് സണ്റൂഫ്, മടക്കിവയ്ക്കാവുന്ന റിയര് സീറ്റ് എന്നിവയും മോഡലിന്റെ സവിശേഷതകളാണ്.
ആറ് എയര്ബാഗ്, ആന്റി ലോക്ക് ബ്രേക്കിങ് സിസ്റ്റം, ഇലക്ട്രോണിക് ബ്രേക്ക് ഡിസ്ട്രിബ്യൂഷന്, ബ്രേക്ക് അസിസ്റ്റ്, റിയര് പാര്ക്കിങ് സെന്സറുകള്, ടയര് പ്രഷര് മോണിറ്ററിങ് സിസ്റ്റം എന്നിവയാണ് HR-V -യില് സുരക്ഷയൊരുക്കുന്നത്. കംപ്ലീറ്റ്ലി നോക്കഡ് ഡൗണ് (CKD) യൂണിറ്റായിട്ടാവും പുതിയ മോഡല് വിപണിയില് എത്തുക.
Most Read:ഇന്ത്യ മറന്ന ഫോർഡിന്റെ അഞ്ച് കാറുകൾ
4,295 mm നീളവും 1,770 mm വീതിയും 1,605 mm ഉയരവുമുണ്ട് പുതിയ HR-V യ്ക്ക്. 2,610 mm ആണ് വീല്ബേസ്. 60 ലിറ്റര് ശേഷിയുള്ള ഇന്ധന ടാങ്കാണ് കാറിന്റെ കരുത്ത്. 470 ലിറ്റര് ശേഷിയാണ് വാഹനത്തിന്റെ ബൂട്ട് സ്പേയ്സിനുള്ളത്. 180 mm ഗ്രൗണ്ട് ക്ലിയറന്സും മോഡലില് കമ്പനി വാഗ്ദാനം ചെയ്യുന്നു.
Most Read:ഇന്ത്യയിലെ വില കൂടിയ ബിഎംഡ്യു മുകേഷ് അംബാനിയുടെത്; കാരണങ്ങള്
എസ്യുവിയുടെ എഞ്ചിന്, ഗിയര്ബോക്സ് ഓപ്ഷനുകളെ കുറിച്ചുള്ള വിവരങ്ങള് ലഭ്യമല്ലെങ്കിലും ഹോണ്ട സിറ്റിയിലുള്ള 1.5 ലിറ്റര് i-VTec എഞ്ചിന് തന്നെയാവും HR-V -യിലും കമ്പനി ഉള്പ്പെടുത്തുക. 2020 ഏപ്രിലില് ഭാരത് സ്റ്റേജ് VI മാര്ഗനിര്ദ്ദേശങ്ങള് രാജ്യത്ത് നിലവില് വരാനിരിക്കെ ഇവ പാലിച്ചു കൊണ്ടുള്ള എഞ്ചിന് തന്നെയാവും HR-V -യില് ഹോണ്ട ഒരുക്കുക.
Most Read:മാസങ്ങളായുള്ള കാത്തിരിപ്പ് അസഹനീയം; ജാവ ഉപഭോക്താക്കള് ബുക്കിങ്ങുകള് റദ്ദാക്കുന്നു
1.5 ലിറ്റര് പെട്രോള് എന്ജിന് 120 bhp പവറും 145 Nm torque ഉം ഉത്പാദിപ്പിക്കും. അതിനൊപ്പം തന്നെ 1.6 ലിറ്റര് ഡീസല് എഞ്ചിന് പതിപ്പിനെയും കമ്പനി വിപണിയില് അവതരിപ്പിച്ചേക്കാം. ഡീസല് എഞ്ചിന് 118 bhp കരുത്തും 300 Nm torque ഉം സൃഷ്ടിക്കും.
6 സ്പീഡ് മാനുവല് / സിവിടിയാണ് ട്രാന്സ്മിഷന്. 15 ലക്ഷം മുതല് 20 ലക്ഷം രൂപ വരെ വാഹനത്തിന് വില പ്രതീക്ഷിക്കാം. ഹ്യുണ്ടായ് ക്രെറ്റ, ടാറ്റ ഹാരിയര്, ജീപ്പ് കോംപാസ്, എംജി ഹെക്ടര്, നിസാന് കിക്സ് എന്നിവരാണ് വിപണിയില് HR-V -യുടെ എതിരാളികള്.