Just In
- 1 hr ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 2 hrs ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 3 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 4 hrs ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
Don't Miss
- Lifestyle ചാണക്യനീതി; പുരുഷന് ഭാര്യയല്ലാതെ മറ്റ് സ്ത്രീകളോട് താല്പര്യം തോന്നുന്നതിന് 5 കാരണം
- Sports T20 World Cup 2024: അവസാന 2 കളിയില് 30, സഞ്ജുവിന് ഇനിയെത്ര വേണം, ടീമിന് പുറത്താവുമോ?
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
ക്രാഷ് ടെസ്റ്റില് അഞ്ച് സ്റ്റാര് റേറ്റിങ്ങുമായി കോന ഇലക്ട്രിക്ക്
ഹ്യുണ്ടായിയുടെ ആദ്യ ഇലക്ട്രിക്ക് വാഹനമായ കോന എസ്യുവി ജൂലൈ മാസത്തിലാണ് ഇന്ത്യന് വിപണിയില് എത്തുന്നത്. മികച്ച വരവേല്പ്പാണ് കോന ഇലക്ട്രിക്കിന് വിപണി സമ്മാനിച്ചത്. ഇലക്ട്രിക്ക് വാഹന പ്രേമികള്ക്ക് സന്തോഷം തരുന്ന മറ്റൊരു വാര്ത്തയാണ് ഇപ്പോള് പുറത്തുവന്നിരിക്കുന്നത്.
പുതിയ റിപ്പോര്ട്ട് അനുസരിച്ച് ക്രാഷ് ടെസ്റ്റില് അഞ്ച് സ്റ്റാര് റേറ്റിങാണ് കോന ഇലക്ട്രിക്ക് സ്വന്തമാക്കിയത്. ഓസ്ട്രേലിയയില് ക്രാഷ് ടെസ്റ്റ് നടത്തുന്ന ആദ്യ ഇലക്ട്രിക്ക് വാഹനം കൂടിയാണ് കോന. ഓസ്ട്രേലിയന് ന്യൂ കാര് അസസ്മെന്റ് പ്രോഗ്രാമാണ് (ANCAP) ക്രാഷ് ടെസ്റ്റ് സംഘടിപ്പിച്ചത്.
16 പോയിന്റില് 14.07 പോയിന്റ് സ്കോര് ചെയ്യാന് ഇലക്ട്രിക്ക് കോനയ്ക്ക് സാധിച്ചു. ഇതോടെ ഇലക്ട്രിക്ക് കാറുകളിലെ സുരക്ഷിത കാർ എന്ന ഖ്യാതിയും ഇനി കോനയ്ക്ക് സ്വന്തം എന്നു പറയാം.2017 -ല് കോന പെട്രോള് പതിപ്പും ഇത്തരത്തില് ക്രാഷ് ടെസ്റ്റിന് വിധേയമാക്കിയിരുന്നു. അന്നും അഞ്ച് സ്റ്റാര് നേട്ടം കൊയ്യാന് വാഹനത്തിന് സാധിച്ചിരുന്നു.
ഇന്ത്യയില് കോന അവതരിപ്പിച്ചപ്പോള് 25.3 ലക്ഷം രൂപയായിരുന്നു പ്രാരംഭ വില. എന്നാല് ഇലക്ട്രിക്ക് വാഹനങ്ങളെ പ്രോത്സാഹിപ്പിക്കാനുള്ള സര്ക്കാരിന്റെ പുതിയ പദ്ധതികള് പ്രകാരം കോനയുടെ വില 23.71 ലക്ഷം രൂപയായി കമ്പനി കുറയ്ക്കുകയും ചെയ്തു.
ഇലക്ട്രിക്ക് വാഹനങ്ങള്ക്ക് GST ഇളവ്, നികുതിയിളവ്, സൗജന്യ രജിസ്ട്രേഷന് ഫീസ് എന്നിങ്ങനെ നിരവധി ആനുകൂല്യങ്ങളാണ് ലഭിക്കുന്നത്. നേരത്തെ ഉണ്ടായിരുന്ന 12 ശതമാനത്തില് നിന്നും 5 ശതമാനമായിട്ടാണ് ജിഎസ്ടിയില് ഇളവ് അനുവദിച്ചിരിക്കുന്നത്.
ആഗോള വിപണിയില് 39.2 kWh, 64 kWh എന്നീ രണ്ട് ലിഥിയം അയണ് ബാറ്ററി മോഡലുകളാണുള്ളത്. എന്നാല്, ഇന്ത്യയില് 39.2 kWh മോഡല് മാത്രമാണ് എത്തുന്നത്. ഇത് 131 bhp കരുത്തും 395 Nm torque ഉം ഉത്പാദിപ്പിക്കും. ഒമ്പതര മണിക്കൂറിനുള്ളില് ഈ വാഹനത്തിലെ ബാറ്ററി പൂര്ണമായി ചാര്ജ് ചെയ്യാന് സാധിക്കും.
അതേസമയം, ഫാസറ്റ് ചാര്ജര് ഉപയോഗിച്ചാല് 54 മിനിറ്റിനുള്ളില് 80 ശതമാനം ചാര്ജ് ചെയ്യാം. മണിക്കൂറില് 167 കിലോമീറ്ററാണ് എസ്യുവിയുടെ പരമാവധി വേഗം. 9.7 സെക്കന്ഡുകള് മതി പൂജ്യത്തില് നിന്നും നൂറ് കിലോമീറ്റര് വേഗത കൈവരിക്കാന്.
Most Read: ക്രാഷ് ടെസ്റ്റില് മാരുതി വാഗണ്ആറിന് ലഭിച്ചത് രണ്ട് സ്റ്റാര് റേറ്റിങ് മാത്രം
പെട്രോള്, ഡീസല് വാഹനങ്ങളുടെ ഡിസൈന് ശൈലി തന്നെയാണ് കോനയും പിന്തുടരുന്നത്. എന്നാല് മുന്ഭാഗത്തെ ഗ്രില് എടുത്തു കളയുകയും പകരം ചാര്ജിങ് സോക്കറ്റ് നല്കുയും ചെയ്തിട്ടുണ്ട്. എല്ഇഡി പ്രൊജക്ഷന് ഹെഡ്ലാമ്പ്, എല്ഇഡി ഡേ ടൈം റണ്ണിങ് ലാമ്പ്, എയര് ഇന്ടേക്കുകളുള്ള സ്പോര്ട്ടി ബമ്പര് എന്നിവയാണ് ഇലക്ട്രിക്ക് കോനയുടെ മുന്വശത്തെ സവിശേഷതകള്.
Most Read: ചേതക് ഇലക്ട്രിക്കിന്റെ പ്രൊഡക്ഷന് വീഡിയോ പുറത്തുവിട്ട് ബജാജ്
പ്രീമിയം കാറുകള്ക്ക് സമാനമായാണ് ഇന്റീരിയര്. എട്ട് ഇഞ്ച് ഇന്ഫോടെയ്ന്മെന്റ് സിസ്റ്റം, ലെതര് ഫിനീഷിങ്ങിലുള്ള സീറ്റുകളും സ്റ്റീയറിങ് വീലും, പത്ത് രീതിയില് ക്രമീകരിക്കാവുന്ന ഇലക്ട്രിക്ക് സീറ്റ്, ഇലക്ട്രിക് സണ് റൂഫ്, ഓട്ടോമാറ്റിക് ക്ലൈമറ്റ് കണ്ട്രോള്, സ്മാര്ട്ട് കീ, പുഷ് സ്റ്റാര്ട്ട് ബട്ടണ് തുടങ്ങിയ സംവിധാനങ്ങളും കാറിലുണ്ട്.
Most Read: മന്ത്രി വാഹനം വീണ്ടും വാർത്തകളിൽ നിറയുന്നു; രണ്ട് വർഷത്തിനുള്ളിൽ മാറിയത് 34 ടയറുകൾ
ഇക്കോ, ഇക്കോ പ്ലസ്, സ്പോര്ട്സ് എന്നീ മൂന്ന് ഡ്രൈവിങ് മോഡുകളും വാഹനത്തില് ഇടംപിടിച്ചിട്ടുണ്ട്. അഡാപ്റ്റീവ് ക്രൂയിസ് കണ്ട്രോള്, ലൈന് സെന്ട്രിങ് സിസ്റ്റം, റിയര് ക്രോസിങ് ട്രാഫിക് അലര്ട്ട്, ഓട്ടോമാറ്റിക് എമര്ജന്സി ബ്രേക്കിങ് തുടങ്ങി സംവിധാനങ്ങളും കോനയുടെ സവിശേഷതകളാണ്.
ആറ് എയര്ബാഗുകള്, എബിഎസ്, ഇബിഡി, ഇഎസ്സി, വെഹിക്കിള് സ്റ്റെബിലിറ്റി മാനേജ്മെന്റ് എന്നിവയെല്ലാം സുരക്ഷക്കായി കമ്പനി കാറില് ഉള്പ്പെടുത്തിയിട്ടുണ്ട്. എട്ട് വര്ഷ ബാറ്ററി വാറന്റിയും മൂന്ന് വര്ഷ അണ്ലിമിറ്റഡ് കിലോമീറ്റര് വാറന്റിയുമാണ് ഹ്യുണ്ടായി കോനയ്ക്ക് നല്കുന്നത്.