Just In
- 3 min ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
- 2 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
- 13 hrs ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 15 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
Don't Miss
- Lifestyle ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- News പേഴ്സണൽ ലോൺ കൈയെത്തും ദൂരത്ത്; കെഎസ്എഫ്ഇ ഇല്ലേ പിന്നെന്തിന് ടെൻഷൻ, പലിശ ഇത്രയും കുറവോ?
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Finance വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും
- Sports T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര്
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
- Movies ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ഓഗസ്റ്റ് മാസം 88 യൂണിറ്റ് വില്പ്പനയുമായി കോന ഇലക്ട്രിക്ക്
ഹ്യുണ്ടായിയുടെ ആദ്യ ഇലക്ട്രിക്ക് വാഹനമായ കോന എസ്യുവി ജൂലൈ മാസത്തിലാണ് വിപണിയില് എത്തുന്നത്. ഇന്ത്യന് വിപണി ഇലക്ട്രിക്ക് യുഗത്തിലേക്ക് ചുവടുവെച്ചതോടെയാണ് പല നിര്മ്മാതാക്കളും അവരുടെ ഇലക്ട്രിക്ക് മോഡലുകളെ വിപണിയിലേക്ക് എത്തിക്കാനൊരുങ്ങുന്നത്.
വികസിത രാജ്യങ്ങളില് വിപണിയില് ഉള്ളൊരു വാഹനം കൂടിയാണ് കോന. മികച്ച് തുടക്കം ആണ് ഇന്ത്യന് വിപണി കോന ഇലക്ട്രിക്കിന് സമ്മാനിച്ചത്. മാസംതോറും 50 യൂണിറ്റുകളെ നിരത്തിലെത്തിക്കാനാണ്കമ്പനി ശ്രമിക്കുന്നത്.
ഓഗസ്റ്റ് മാസത്തില് 88 യൂണിറ്റുകളെ നിരത്തിലെത്തിക്കാനായെന്നാണ് കമ്പനി അറിയിച്ചത്. 25.3 ലക്ഷം രൂപയായിരുന്നു വാഹനത്തിന്റെ പ്രാരംഭ വില. എന്നാല് വൈദ്യുത വാഹനങ്ങളെ പ്രോത്സാഹിപ്പിക്കാനുള്ള സര്ക്കാരിന്റെ പുതിയ പദ്ധതികള് പ്രകാരം കോനയുടെ വില 23.71 ലക്ഷം രൂപയായി കുറച്ചിരുന്നു.
ഇലക്ട്രിക്ക് വാഹനങ്ങള്ക്ക് GST ഇളവ്, നികുതിയിളവ്, സൗജന്യ രജിസ്ട്രേഷന് ഫീസ് എന്നിങ്ങനെ നിരവധി ആനുകൂല്യങ്ങളാണ് ലഭിക്കുന്നത്. നേരത്തെ ഉണ്ടായിരുന്ന 12 ശതമാനത്തില് നിന്നും 5 ശതമാനമായിട്ടാണ് ജിഎസ്ടിയില് ഇളവ് അനുവദിച്ചിരിക്കുന്നത്.
ആഗോള വിപണിയില് 39.2 kWh, 64 kWh എന്നീ രണ്ട് ലിഥിയം അയണ് ബാറ്ററി മോഡലുകളാണുള്ളത്. എന്നാല്, ഇന്ത്യയില് 39.2 kWh മോഡല് മാത്രമാണ് എത്തുന്നത്. ഇത് 131 bhp കരുത്തും 395 Nm torque ഉം ഉത്പാദിപ്പിക്കും. ഒമ്പതര മണിക്കൂറിനുള്ളില് ഈ വാഹനത്തിലെ ബാറ്ററി പൂര്ണമായി ചാര്ജ് ചെയ്യാന് സാധിക്കും.
അതേസമയം, ഫാസറ്റ് ചാര്ജര് ഉപയോഗിച്ചാല് 54 മിനിറ്റിനുള്ളില് 80 ശതമാനം ചാര്ജ് ചെയ്യാം. ഒറ്റ ചാര്ജില് 425 കിലോമീറ്ററാണ് കമ്പനി അവകാശപ്പെടുന്ന മൈലേജ്. മണിക്കൂറില് 167 കിലോമീറ്ററാണ് എസ്യുവിയുടെ പരമാവധി വേഗം.
9.7 സെക്കന്ഡുകള് മതി പൂജ്യത്തില് നിന്നും നൂറ് കിലോമീറ്റര് വേഗത കൈവരിക്കാന്. പെട്രോള്, ഡീസല് വാഹനങ്ങളുടെ ഡിസൈന് ശൈലി തന്നെയാണ് കോനയും പിന്തുടരുന്നത്. എന്നാല് മുന്ഭാഗത്തെ ഗ്രില് എടുത്തു കളയുകയും പകരം ചാര്ജിങ് സോക്കറ്റ് നല്കുയും ചെയ്തിട്ടുണ്ട്.
Most Read: 100 സിസി ശ്രേണിയിലെ മികച്ച ബൈക്കുകള്
എല്ഇഡി പ്രൊജക്ഷന് ഹെഡ്ലാമ്പ്, എല്ഇഡി ഡേ ടൈം റണ്ണിങ് ലാമ്പ്, എയര് ഇന്ടേക്കുകളുള്ള സ്പോര്ട്ടി ബമ്പര് എന്നിവയാണ് ഇലക്ട്രിക്ക് കോനയുടെ മുന്വശത്തെ സവിശേഷതകള്.
Most Read: ലോറി ഡ്രൈവര്ക്ക് ലഭിച്ചത് നിലവിലുള്ള ഏറ്റവും ഉയര്ന്ന പിഴ
പ്രീമിയം കാറുകള്ക്ക് സമാനമായാണ് ഇന്റീരിയര്. എട്ട് ഇഞ്ച് ഇന്ഫോടെയ്ന്മെന്റ് സിസ്റ്റം, ലെതര് ഫിനീഷിങ്ങിലുള്ള സീറ്റുകളും സ്റ്റീയറിങ് വീലും, പത്ത് രീതിയില് ക്രമീകരിക്കാവുന്ന ഇലക്ട്രിക്ക് സീറ്റ്, ഇലക്ട്രിക് സണ് റൂഫ്, ഓട്ടോമാറ്റിക് ക്ലൈമറ്റ് കണ്ട്രോള്, സ്മാര്ട്ട് കീ, പുഷ് സ്റ്റാര്ട്ട് ബട്ടണ് തുടങ്ങിയ സംവിധാനങ്ങളും കാറിലുണ്ട്.
Most Read: സര്വ്വത്ര പിഴ; പുതുക്കിയ മോട്ടോര് വാഹന നിയമങ്ങള് പൊല്ലാപ്പാകുന്നു
ഇക്കോ, ഇക്കോ പ്ലസ്, സ്പോര്ട്സ് എന്നീ മൂന്ന് ഡ്രൈവിങ് മോഡുകളും വാഹനത്തില് ഇടംപിടിച്ചിട്ടുണ്ട്. അഡാപ്റ്റീവ് ക്രൂയിസ് കണ്ട്രോള്, ലൈന് സെന്ട്രിങ് സിസ്റ്റം, റിയര് ക്രോസിങ് ട്രാഫിക് അലര്ട്ട്, ഓട്ടോമാറ്റിക് എമര്ജന്സി ബ്രേക്കിങ് തുടങ്ങി സംവിധാനങ്ങളും കോനയുടെ സവിശേഷതകളാണ്.
ആറ് എയര്ബാഗുകള്, എബിഎസ്, ഇബിഡി, ഇഎസ്സി, വെഹിക്കിള് സ്റ്റെബിലിറ്റി മാനേജ്മെന്റ് എന്നിവയെല്ലാം സുരക്ഷക്കായി കമ്പനി കാറില് ഉള്പ്പെടുത്തിയിട്ടുണ്ട്. എട്ട് വര്ഷ ബാറ്ററി വാറന്റിയും മൂന്ന് വര്ഷ അണ്ലിമിറ്റഡ് കിലോമീറ്റര് വാറന്റിയുമാണ് ഹ്യുണ്ടായി കോനയ്ക്ക് നല്കുന്നത്. എംജി മോട്ടോര്സ് eZS ഇലക്ട്രിക്ക് എസ്യുവിയെ ഈ വര്ഷം വിപണിയില് എത്തിച്ചേക്കും.